Соның негізінде тіркеу жүргізілген жылжымайтын мүлікке құқық белгілейтін құжаттың түпнұсқасы жоғалған немесе бүлінген жағдайда, оны қалпына келтіру жылжымайтын мүлік орналасқан жердегі әділет органының мұрағатында тіркеу ісінде сақталатын осындай құжаттың көшірмесінен телнұсқа беру арқылы жүргізіледі.
Бұл үшін жылжымайтын мүлік объектісінің орналасқан жері бойынша ХҚКО-ға немесе онлайн-қызмет арқылы өтініш беру қажет.
Өтінішке жеке куәлік пен телнұсқа беру үшін мемлекеттік бажды төлеу туралы түбіртекті немесе төлем туралы чекті қоса беру қажет.
Мемлекеттік қызмет көрсету бойынша төлем Қазақстан Республикасы Ақпарат және коммуникация министрінің 2018 жылғы 27 қыркүйектегі № 418 бұйрығымен бекітілген жылжымайтын мүлікке құқықтарды мемлекеттік тіркеу саласындағы тауарлардың (жұмыстардың, көрсетілетін қызметтердің) бағаларына сәйкес алынады.
Өтініш түскен сәттен бастап мемлекеттік қызмет 3 жұмыс күні ішінде көрсетіледі.