Келтірілген зиянын төлеу

Инструкция

Сот ЖКО-да құқық бұзушыны кінәлі деп тану туралы шешім шығарғаннан кейін және әкімшілік жаза қолдана отырып, Сізге сот қаулысы заң күшіне үшін 10 тәулік күтуіңіз қажет. Егер оны апелляциялық сатыға шағымданса, онда іс тағы бір айға созылуы мүмкін.

Іс дереу қаралған жағдайда, Сіз заңды күшіне енген қаулыны сол күні алып, сақтандыру компаниясына апара аласыз, онда залалды төлеу процесі одан әрі жеделдетіледі.

Сот қаулысы заң күшіне енгеннен кейін төмендегі құжаттарды жинап, сақтандыру компаниясына жүгінуіңіз қажет:

• азаматтық-құқықтық жауапкершілігі зардап шеккен адамның өміріне, денсаулығына және (немесе) мүлігіне зиян келтірілген тұлғаның сақтандыру полисі (оның телнұсқасы), егер сақтандыру полисінің көшірмесі болмаған жағдайда немесе көрсетілген сақтандыру полисі бойынша (сақтандырушының атауы, сақтандыру полистің нөмірі, берілген күні) немесе сақтанушы туралы (сақтанушының тегі, аты, әкесінің аты болған жағдайда, көлік құралын тіркеудің мемлекеттік нөмірі) мәліметтен біреуі болған жағдайда;
• сақтандыру жағдайының басталғанын және зардап шеккен адамға келтiрiлген зиянның мөлшерiн растайтын құжаттар;
• зардап шеккен адамның еңбекке уақытша жарамсыздық мерзiмi туралы медицина мекемесi анықтамасының көшiрмесi немесе арнаулы мекеменiң зардап шеккен адамға мүгедектік белгілеу туралы анықтамасының көшiрмесi - ол мүгедек болып қалған жағдайда;
• зардап шеккен адамның өлгенi туралы нотариалды куәлiктiң көшiрмесi;
• келтірілген зиянды өтеуге пайда алушының құқығын растайтын құжат (көшірме);
• осы Заңның 22-бабының 7-тармағына сәйкес көзделген жағдайда, бағалауды ұйымдастыруға өтініш;

• осы Заңның 22-бабының 6-тармағына сәйкес көзделген жағдайда, тәуелсіз сарапшымен жасалған келтірілген зиян мөлшерін бағалау жөніндегі құжаттар;
• пайда алушының жеке басы куәлігінiң көшiрмесi (жеке тұлға үшiн) немесе заңды тұлғаның өкiлiне берiлген сенiмхаттың түпнұсқасы;
• сақтандыру жағдайында шығындарды азайту немесе жол бермеу мақсатында зардап шеккен сақтанушы (сақтандырылған адам) растайтын шығындар құжаттары;
• сақтанушының (сақтандырылған адам) немесе көлік құралын басқарушы тұлғанаың жүргізуші куәлігінің көшірмесі және оның осы көлік құралын басқару құқығын растайтын құжат көшірмесі, сондай-ақ көлік құралын тіркеу туралы куәліктің көшірмесі.

Сақтандырушының сақтанушыдан (сақтандырылған адамнан) не зардап шеккен адамнан басқа қосымша құжаттарды талап етуiне тыйым салынады.

Құжаттарды қабылдаған сақтандыру компаниясының өкілі өтініш берушімен ұсынылған құжаттардың толық тізбесін көрсетумен екі данада анықтама және оның қабылдаған күнін толтыру міндетті.

Анықтаманың бір данасын өтініш берушіге беріледі, ал екінші данасы өтініш берушінің оған беру белгісімен сақтандыру компаниясында қалады.

Бір зардап шеккен адамның мүлкiне келтiрiлген зиян үшiн 600 АЕК аспайтын келтiрiлген зиян мөлшерiнде сақтандыру төлемi төленеді.

Екі немесе одан көп зардап шеккен адамдардың мүлкiне келтiрiлген зиян үшiн әрбір зардап шеккен адамға 600 АЕК аспайтын келтiрiлген зиян мөлшерiнде сақтандыру төлемi төленеді. Бұл ретте, барлық зардап шеккен адамдарға сақтандыру төлемінің жалпы мөлшері 2000 АЕК аспайды. Егер сақтандырушы жауапкершілігің шекті көлеміне келтірілген зиян мөлшері асып түссе, әрбір зардап шеккен адамның сақтандыру төлемі оның мүлігіне келтірілген зиян деңгейін мөлшерлей отырып жүзеге асырылады.

Сақтандыру төлемін жүзеге асыру мерзімі 15 жұмыс күн ішінде. Сақтандыру төлемін уақытында жүзеге асырылмаған жағдайда, сақтандырушы Қазақстан Республикасы Азаматтық кодексінің 353-бабында белгіленген тәртіпте және мөлшерде пайда алушының тұрақсыздық айыбын төлеу міндетті.

Дата обновления - 25.05.2023

Справочная информация