Жол-патрульдік полиция қызметкерлері келген кезде істің барлық материалдарын ресімдеуі тиіс:
Сонымен қатар жол-патрульдік полиция қызметкерлері сіздің барлық құжаттарыңызды тексереді, сызбаны салады, сондай-ақ, кейбір жағдайларда, егер көлік құралы ЖКО орнында басқа аватомобильдердің қозғалысын қиындататын болса көлік құралдарын сүйреп әкетуді сұрайды.
Бұдан әрі жол-патрульдік полициясының қызметкері сізге жергілікті полиция қызметі басқармасы бастығының атына түсініктеме бланкісін береді. Осы құжат сот шешіміне тікелей әсер етеді, сондықтан барынша мұқият толтыруыңыз қажет. Онда ЖКО-ның шамамен алынған уақытын, көшелерінің қиылысы (қай жерге қарама-қарсы болды), автокөліктің мем. нөмірін, қозғалыс бағытын және оқиғаның егжей-тегжейлі сипаттамасын, МАҚЖ полисі нөмірін көрсету қажет.
Әкімшілік құқық бұзушылықтың іздерін, өзге де материалдық объектілерді, сондай-ақ әкімшілік құқық бұзушылық туралы хаттаманы жасау үшін маңызы бар мән-жайларды анықтау мақсатында уәкілетті лауазымды тұлға өз өкілеттігі шегінде сол жерді, заттарды, құжаттарды, тірі адамдарды қарап тексеруге құқылы.
Бұдан әрі жол-патрульдік полициясының қызметкері сызбаға міндетті түрде автомобильдердің сыртқы зақымдануларының сипаттамасын енгізеді. Барлық зақымданулардың ескерілгенін тексеріңіз. Бұдан кейін сізді сараптамаға куәландыру жүргізу үшін жібереді.
Көрсетілген құжаттарды тікелей ЖКО орнына келіп жеткен жол-патрульдік полиция қызметкерлері толтырады. Құжаттарға қол қоймас бұрын олармен мұқият танысыңыз, және де өзінің заңды құқықтарыңызды қорғаңыз.
Айып тұрағы
ЖКО жасаған кезде зардап шеккендер болса және/немесе сол кезде жүргізуші мас күйінде КҚ жүргізу, қажетті құжаттардың болмауы сияқты басқа да заң бұзушылықтар жасаса жол-патрульдік полиция қызметкерлері көлік құралын айып тұрағына жеткізуі мүмкін. Басқа жағдайларда жол-патрульдік полиция қызметкерлерінің автомобилді айып тұрағына қоюға құқығы жоқ.