Көлiк құралдарын, жүктердi, жолдарды, жолдағы және басқа да құрылысжайлардың немесе өзге де мүлiктiң бүлінуіне алып келген, материалдық залал келтiрген көлiк құралдары жүргiзушiлерінiң жол жүрісі қағидаларын бұзуы 20 АЕК мөлшерiнде айыппұл салуға немесе 6 айға дейінгі мерзiмге көлiк құралын басқару құқығынан айыруға әкеп соғады.
Жәбiрленушiнiң денсаулығына жеңiл зиян келтiруге әкеп соққан дәл сол әрекет 40 АЕК мөлшерiнде айыппұл салуға немесе 9 айға дейінгі мерзiмге көлiк құралын басқару құқығынан айыруға әкеп соғады.
Егер жоғарыда аталған әрекеттерді көлiк құралдарын басқару құқығы жоқ не басқару құқығынан айырылған адам жасаса 60 АЕК мөлшерiнде айыппұл салуға әкеп соғады.
Жүргізушінің жол жүрісі қағидаларын бұзып, өзi қатысушы болып табылған жол-көлiк оқиғасы болған жерден кетiп қалуы 50 АЕК мөлшерінде айыппұл салуға не бір жыл мерзімге көлік құралдарын басқару құқығынан айыруға алып келеді.
Егер көлiк құралдарын басқару құқығы жоқ не басқару құқығынан айырылған адам жасаса 100 АЕК мөлшерінде айыппұл салуға не 30 тәулікке әкімшілік қамаққа алуға әкеп соғады
Ескертпе: зардап шегушiге медициналық көмек көрсетуге байланысты жол-көлiк оқиғасы болған жерден кетiп қалған адам жауаптылықтан босатылады.