Жол полициясы қызметкерімен толтырылған әкімшілік құқық бұзушылық туралы хаттама Әкімшілік құқық бұзушылық туралы істерді қарайтын аудандық және оған теңестірілген сотқа жолданады.
Әкiмшiлiк құқық бұзушылық туралы iстерді сот әкiмшiлiк құқық бұзушылық туралы хаттаманы және iстiң басқа да материалдарын алған күннен бастап 15 тәулік ішінде қарайды.
Әкiмшiлiк құқық бұзушылық туралы іс бойынша iс жүргiзуге қатысушылардан өтiнiшхаттар келіп түскен жағдайда не iстiң мән-жайларын қосымша анықтау қажет болған кезде iстiң қаралатын мерзiмi сотпен ұзартуы мүмкін, бiрақ бiр айдан аспайтындай мерзімге.
Әкiмшiлiк ұстап алуға ұшыраған адамға қатысты әкімшілік құқық бұзушылық туралы іс оны ұстап алған кезден бастап жиырма төрт сағаттан кешiктiрмей қаралады.
Құқық бұзушы кінәсін мойындаған және тараптардан қаулының дереу заңды күшіне енуі туралы өтінішхат түскен жағдайда, бұл іс дереу қаралуға және заңды күшіне енуге жатады.
Әкiмшiлiк құқық бұзушылықтар туралы істер бойынша iс жүргiзуге қатысушыларға істің қаралатын немесе жекелеген процестік әрекеттердің жасалатын уақыты мен орны туралы хабарланады және олар хабардар ету арқылы (хабарламамен) сотқа шақырылады.
Сотқа келген кезде әкімшілік құқық бұзушылық туралы істер бойынша іс жүргізуге қатысушылардың өзімен бірге жеке куәлігі болуы тиіс.