Магистратураға оқуға қалай түсуге болады

КТ жүргізілген кезде талапкерге:

• дәліз бойынша кезекшінің функциясын орындайтын Министрлік өкілінің рұқсатынсыз және сүйемелдеуісіз аудиториядан шығуға;
• әңгімелесуге;
• бір орыннан екінші орынға ауысуға;
• тестілік материалдармен алмасуға;
• тестілеу материалдарын аудиториядан шығаруға;
• оқулықтар мен әдістемелік әдебиетті, калькуляторды, фотоаппаратты, ақпарат тасымалдау функциялары бар (пейджер, ұялы телефондар, планшеттер, iPad (Айпад), iPod (Айпод), SmartPhone (Смартфон)) кез келген мобильді байланыс құралдарын, ноутбуктарды, плейерлерді, модемдерді (мобильді роутерлер), кез келген радиоэлектрондық байланыс түрлерін ( Wi-Fi (Вай-фай), Bluetooth (Блютуз), Dect (Дект), 3G (3 Джи), 4G (4 Джи), 5G (5 Джи), смарт сағат, сымды және сымсыз құлаққаптар және т.б.), шпаргалкаларды ғимарат пен аудиторияға кіргізу мен пайдалануға;
• сынақ материалдарын (жауап парақтары мен кітаптарды) ұсақтау, түзету сұйықтығын қолдану, парақтарды жырту арқылы бүлдіруге;
• ол үшін қарастырылмаған секторларды толтыруға (жауап парағының нөмірі) тыйым салынады.

Тестілеуге кіру кезінде оқуға түсушілер ғимаратқа бір-бірден кіргізіледі, бұл ретте, оқуға түсушінің жеке басы жеке басын куәландыратын құжат негізінде анықталады, содан кейін рұқсатнама мен оның түбіртегі тексеріледі.

Бұл ретте жеке басын куәландыратын құжаты немесе төлқұжаты бар және автоматтандырылған жүйеге онлайн тіркеу арқылы өтініш берген оқуға түсушілер адамның бет-әлпетінің көлемдік-кеңістіктік формасын сканерлеу арқылы сәйкестендіріледі.

КТ кезінде ұялы және радиоэлектрондық байланыс сигналдарын басатын, сондай-ақ электромагниттік өрісті өлшеу хаттамасын алатын құрылғылар қолданылады.

Мүгедектігі туралы құжатты ұсыну бойынша мүгедектерге, оның ішінде көру қабілеті бұзылған мүгедектерге, тірек-қимыл аппараты функциясына және (немесе) мүгедектерге ымдау тілінде сөйлейтін маманға арналған КТ шеңберінде оқытылатын пәндердің оқытушысы болып табылмайтын адамдардан көмекшілер ұсынылады.

КТ өткізу кезеңінде рұқсатнамада көрсетілген күні дәлелді себептермен КТ-ға қатыспаған адамға  келесі күндердің біріне қатысу мүмкіндігі беріледі:

• денсаулығына байланысты, № 026 у нысаны бойынша дәрігерлік-консультациялық комиссияның қорытындысы бар болса;
• жақын туыстарының қайтыс болғандығын растайтын құжаттар болған кезде;
• төтенше жағдайларда.

Ағымдағы жылдың 23 тамызына дейін КТ аяқталғаннан кейін ҚР Білім және ғылым министрлігінің «Ұлттық тестілеу орталығы» РМКК тестілеудің бейнебақылау жазбаларына шолу жасайды.

Оқуға түсуші  КТ кезінде тыйым салынған заттардың бірін қолданғаны анықталған жағдайда тестілеу нәтижелері (КТ баллдары) жойылады.

КТ нәтижелерімен келіспеген жағдайда, оқуға түсуші апелляциялық комиссия төрағасының атына өтініш береді. Оқуға түсушіде  жеке басын куәландыратын құжат және КТ-ға жолдамасы болуы тиіс.

Апелляцияға өтініштер КТ нәтижелері жарияланғаннан кейін келесі күні сағат 13:00-ге дейін қабылданады және оларды апелляциялық (республикалық апелляциялық комиссия) комиссия бір күнтізбелік күн ішінде қарайды.

Егер өтініш беруші апелляциялық комиссияның отырысына келмесе, оның апелляциялық өтініші қаралмайды.

Республикалық апелляциялық комиссияның шешімі түпкілікті болып табылады және қайта қарауға жатпайды.

КТ нәтижелері және электрондық сертификат «Ұлттық тестілеу орталығы» РМКК сайтында жарияланады.

ТАӘА-ны (бар болса) ақпараттық жүйедегі электрондық сертификатта толтыру жеке басын куәландыратын құжатқа сәйкес жүргізіледі.

Электрондық сертификатта «Ұлттық тестілеу орталығы» РМКК-ның электрондық цифрлық қолтаңбасы қойылған әр блок бойынша алынған КТ балдары туралы деректер қамтылады.

КТ-ға мыналар кіреді:

• шет тілінен тест (таңдау бойынша ағылшын, неміс, француз),
• қазақ немесе орыс тілдерінде оқуға дайындықты анықтауға арналған тест (таңдау бойынша).

КТ тест тапсырмаларының саны:

• шет тілінен емтихан - 50;
• оқуға дайындығын анықтауға арналған тест - 30, оның ішінде: сын тұрғысынан ойлау - 15, аналитикалық ойлау - 15.

КТ үшін ең көп ұпай саны  - 80 балл.

КТ-ға 2 сағат 5 минут беріледі.

Қазақ немесе орыс тілінде оқытылатын магистратураға түсушілерге арналған КТ-ға мыналар кіреді:

• шет тілінен тест (таңдау бойынша ағылшын, неміс, француз),
• білім беру бағдарламалары тобының бейіні бойынша тест,
• қазақ немесе орыс тілдерінде оқуға дайындықты анықтауға арналған тест (таңдау бойынша).

КТ тест тапсырмаларының саны:

• шет тілінен емтихан - 50;
• оқуға дайындығын анықтауға арналған тест - 30, оның ішінде: сын тұрғысынан ойлау - 15, аналитикалық ойлау - 15;
• білім беру бағдарламалары тобының бейіні бойынша тест - 50, оның ішінде: бірінші бейіндік пән бойынша - 30, екінші бейіндік пән бойынша - 20.

КТ үшін ең көп ұпай саны - 150 балл. 

КТ-ға 3 сағат 55 минут беріледі.

КТ-ға қатысу үшін үміткер желілік ЖОО-ның қабылдау комиссиясына және / немесе Ұлттық тестілеу орталығының сайты арқылы келесі құжаттарды ұсынады:

• осы Қағидаларға 1-қосымшаға сәйкес нысан бойынша өтініш;
• жоғары білім туралы құжат (түпнұсқа, қабылдау комиссиясына құжаттар тапсырған кезде);
• жеке басын куәландыратын құжаттың көшірмесі;
• 3x4 сантиметр өлшемді екі фотосурет;
• 075-У нысанындағы медициналық құжаттама электрондық форматта;
• тестілеуге қатысқаны үшін төлем туралы түбіртек.

Көру, есту қабілеті және тірек-қимыл аппаратының функциялары бұзылған мүгедектер өздерінің мүгедектігін растайтын құжатты көрсеткен кезде қосымша қажет болған жағдайда Ұлттық тестілеу орталығы директорының атына еркін нысанда : 

• бөлек аудитория;
• көзі нашар көретіндерге арналған КТ пәндерінің оқытушысы болып табылмайтын ассистент, тірек-қимыл аппараты функциялары және (немесе) есту қабілеті шектеулі мүгедектерге сурдо тілін білетін маман.

ҚР-да ғана емес, бүкіл әлемде магистр дәрежесі бакалавр дәрежесі бар студенттер үшін жоғары оқу орнынан кейінгі білім беруді білдіреді. Тиісінше, магистр дәрежесі магистрдің білім беру бағдарламаларын толық меңгергендерге беріледі.

Магистр дәрежесі - бұл екінші жоғары білім емес, бакалаврдан кейінгі білім деңгейі, бұл студент мамандық алу және біліктілігін арттыру жолында көтерілетін саты. Бұл бакалавриат бағдарламасынан басты айырмашылығы. 

Сонымен қатар, оқу ұзақтығы мен қабылдау шарттары да өзгеше. Сонымен, магистр дәрежесін алу үшін 1-2 жыл қажет болады және бакалавриаттан өтпей, магистратураға түсе алмайсыз.

Магистратураға түсу үшін Сізге кешенді тестілеуден (КT) өту қажет.

КТ-ға мыналар кіреді:

• ағылшын тілінде білім беру бағдарламалары тобының бейіні бойынша тест,
• қазақ немесе орыс тілдерінде немесе ағылшын тілінде оқуға дайындықты анықтауға арналған тест (таңдау бойынша).

КТ тест тапсырмаларының саны:

• оқуға дайындығын анықтауға арналған тест - 30, оның ішінде: сын тұрғысынан ойлау - 15, аналитикалық ойлау - 15;
• білім беру бағдарламалары тобының бейіні бойынша тест - 50, оның ішінде: бірінші бейіндік пән бойынша - 30, екінші бейіндік пән бойынша - 20.

КТ үшін ең көп ұпай саны  - 100 балл.

КТ-ға  2 сағат 40 минут беріледі. 

КТ-ға қатысуға өтінімдерді қабылдау мерзімі^

1) күнтізбелік жылдың 1 маусымынан 8 шілдесіне дейін;

2) күнтізбелік жылдың 28 қазанынан 10 қарашасына дейін.

Кешенді тестілеу КТ келесі мерзімдерде:
1) күнтізбелік жылдың 20 шілде  мен 10 тамыз аралығында;
2) күнтізбелік жылдың 18 қараша мен 11 желтоқсан аралығында жүргізіледі.

КТ-ға қатысу құны – 14 693 теңге.

КТ нәтижелері ол өткен күні жарияланып, ақпараттық стендке орналастырылады, сонымен қатар www.testcenter.kz сайтында орналастырылады.