Қаратөбе ауданының әкімдігі

«Жергілікті өзін - өзі басқару және Қазақ ССР халық депутаттарының жергілікті Советтері туралы» Қазақ ССР Заңының 24 бабына және Орал облысы әкімінің 14 ақпандағы Жарлығына сай ауданға әкім тағайындалуына байланысты аудандық атқару комитеті таратылып, аудан әкімшілігі құрылып, аудан әкімі қызметін 28 ақпан 1992 жылдан бастаған. Әкімшілік басқару жүйесі құрамы аудан әкімі, оның үш орынбасары, іс басқарушы және жалпы бөлімнен тұрған. Әкімшілік жанында экономикалық бөлім, тіл бөлімі жұмыс жасаған; жастар ісі, туризм және спорт комитеті құрылған. Әкімшіліктің тұрақты комиссиялары -әкімшілік комиссиясы және жасөспірімдер комиссиясы жұмыс жүргізген. 10 наурыз 1994 жылдан бастап “Атқарушы органдар туралы” Заңның 29 бабына сай аудан әкімшілігі – аудан әкімі аппараты деп танылған, аппарат басшысы штаты енгізіліп, жаңадан ұйымдастыру-идеология бөлімі ашылған. Аппарат жанынан “Ономастикалық комиссия “ құрылған. 1995 жылы әлеуметтік сала және саяси талдау бөлімі жаңадан ашылып, ұйымдастыру-идеология бөлімі-ұйымдастыру және кадрлармен жұмыс бөлімі болып қайта құрылған.

15 ақпан 1996 жылы тіл бөлімі  және аппарат басшысы қысқартылған. 2001 жылдың 2 қыркүйек күнгі аудан әкімінің “Қаратөбе ауданы әкімі аппаратының құрамы туралы” шешімімен аппарат басшысы тағайындалған.