Қазақстанда заңды негізде тұрақты тұратын және Қазақстанның азаматымен некеде тұрған шетелдік азаматша азаматтықты жеңілдетілген тәртіпте алады.
Ол үшін төмендегі құжаттарды қоса бере отырып тұрғылықты жері бойынша ішкі істер органдарының көші-қон қызметінің бөлімшесіне арыз-өтінішхатты ұсынуы қажет:
- бұрынғы азаматтықтан бас тарту туралы нотариат куәландырған өтініш;
- бекітілген нысандағы сауалнама-өтініш.
- Өлшемі 3,5 х 4,5 см. төрт фотосурет.
- Қазақстан Республикасының «Азаматтығы туралы» Заңның 1 бабында көзделген шарттарды сақтау туралы міндеттеме.
- шет мемлекеттің азаматтығына жататындығын растайтын паспорттың көшірмесі.
- неке қию туралы куәліктің көшірмесі.
- Қазақстан Республикасының азаматының – жұбайының жеке куәлігінің көшірмесі.
- 1 АЕК мөлшерінде мемлекеттік баж салығы төлемі туралы құжат;
Өтінішті қараудың жалпы мерзімі 3 айды құрайды.