Жиі қойылатын сұрақтар
Қазақстан Республикасы Ұлттық экономика министрінің 2015 жылғы 23 қарашадағы № 709 бұйрығымен бекітілген Бірінші және екінші жауапкершілік деңгейіндегі техникалық және технологиялық күрделі объектілердегі ғимараттар мен құрылыстардың сенімділігін және орнықтылығын техникалық зерттеп-қарау бойынша техникалық қадағалау және сараптама жұмыстары жөніндегі инжинирингтік қызметтер көрсетуді жүзеге асыратын ұйымдарды аккредиттеу жөніндегі қағидалар мен рұқсат беру талаптарына сәйкес өтініштер қабылдауды және мемлекеттік көрсетілетін қызмет көрсету нәтижелерін беру "электрондық үкіметтің" www.egov.kz веб-порталы (бұдан әрі – портал) арқылы жүзеге асырылады. Мемлекеттік көрсетілетін қызмет көрсету мерзімдері 20-40 минут. Мемлекеттік көрсетілетін қызмет нысаны: электрондық (толық автоматтандырылған). Мемлекеттік көрсетілетін қызметтің көрсету нәтижесін ұсыну нысаны: электрондық түрде.
Бұрын аттестаттау рәсімі 2012 жылғы 25 қаңтар № 165 Қазақстан Республикасы Үкіметімен бекітілген Сәулет, қала құрылысы және құрылыс қызметі саласында сараптамалық жұмыстар мен инжинирингтiк қызметтерді жүзеге асыратын сарапшыларды аттестаттау қағидаларымен регламенттелдi. Аттестаттау мерзімі әрбір 5 жыл сайын көрсетілген қаулымен белгіленген (2015 жылғы 16 шілдедегі № 542ҚРҮҚ сәйкес күші жойылды).
Қазіргі уақытта, аттестаттау Қазақстан Республикасы Ұлттық экономика министрінің 2014 жылғы 27 қарашадағы № 114 бұйрығымен бекітілген Сәулет, қала құрылысы және құрылыс қызметі саласындағы сараптама жұмыстарын және инжинирингтік көрсетілетін қызметтерді жүзеге асыратын сарапшыларды аттестаттау қағидаларына сәйкес жүзеге асырылады (Қазақстан Республикасының Әділет министрлігінде 2015 жылы 6 қаңтарда № 10058 тіркелді) (бұдан әрі – Ереже). Ережеге сәйкес аттестаттын (бұдан әрі – сарапшының аттестаты) мерзімі көрсетілмеген (2015 жылғы 12 ақпанда күшіне енді).
Осылайша, сәулет, қала құрылысы және құрылыс саласындағы сараптамалық жұмыстар және инжинирингтік қызметтерді жүзеге асыратын сарапшының аттестаты мерзімсіз беріледі.
«Құқықтық актілер туралы» 2016 жылғы 6 сәуірдегі Қазақстан Республикасы Заңның 43-бабының 1 және 2-тармақтарында сәйкес (бұдан әрі – Заң) нормативтiк құқықтық актiнiң күшi ол қолданысқа енгiзілгенге дейiн туындаған қатынастарға қолданылмайды.
Нормативтiк құқықтық актiнiң немесе оның бiр бөлiгiнiң керi күшi оның өзiнде немесе нормативтiк құқықтық актiнi қолданысқа енгiзу туралы актiде көзделген, сондай-ақ кейiнгiсi азаматтарға жүктелген міндеттерді алып тастайтын немесе олардың жағдайын жақсартатын жайттар Заңның 43-бабының 1-тармағының қағидаларына кiрмейдi.
Бұл жағдайда, сарапшының аттестаты қолданылу мерзіміне шектеулерді алып тастау қайта рәсімдеу бойынша міндетін жоққа шығарады және Қағдалар тиісінше бұрын берілген сарапшының аттестаттарына кері күші бар.
Сондай-ақ, «Рұқсаттар және хабарламалар туралы» 2014 жылғы 16 мамырдағы Қазақстан Республикасының Заңының 43-бабының 2-тармағына сәйкес егер рұқсат және (немесе) рұқсатқа қосымша қағаз нысанында берілген болса, лицензиат немесе екінші санаттағы рұқсатты иеленуші өтініші бойынша оларды электрондық форматқа көшіруге және рұқсаттың электрондық нысанын алуға құқылы.
Жоғарыда жазылғанды ескере отырып, бұрын берілген аттестаттарды электрондық форматқа мерзімін көрсетпей отырып қайта ресімдеу үшін аттестатталған сарапшыларға тиісті құжаттарды қоса бере отырып облыстардың, Нұр-Сұлтан, Алматы және Шымкент қалаларының мемлекеттік сәулет-құрылыс бақылауы Басқармаларына жүгіну қажет, бұл ретте қайта аттестаттау қажет етілмейді.
«Мемлекеттік сатып алуды жүзеге асыру қағидаларын» Қазақстан Республикасы Қаржы министрінің 2015 жылғы 11 желтоқсандағы № 648 бұйрығымен бекітілген 2- қосымшаға сәйкес, орындалу (көрсетілу) сапасы осындай жұмыстарды (қызметтерді) тікелей орындайтын (көрсететін) қызметкердің біліктілігіне байланысты жұмыстарды (қызметтерді) сатып алу жағдайында техникалық ерекшелікте қызметкерге, оған жүктелетін міндеттерді орындау үшін оның қажетті деңгейі мен кәсіби даярлық бейінін, үш жылдан аспайтын жұмыс өтілін (Қазақстан Республикасының заңнамасында немесе бекітілген нормативтерде неғұрлым жоғары өтіл көзделген жағдайларды қоспағанда) айқындайтын қойылатын талаптардың сипаты беріледі.
Жоғарыда баяндалғанды ескере отырып, Сәулет, қала құрылысы және құрылыс саласында қызметті жүзеге асыруды қолданыстағы Қазақстан Республикасының заңнамасына сәйкес орындау қажет.
Сіз тұрғын үй инспекциясының аумақтық органдарына өтініш бере аласыз. «Тұрғын үй қатынастары туралы» Қазақстан Республикасы Заңының 41-1-бабының 1-тармағына сәйкес тұрғын үй қорын басқару салаларындағы әлеуметтік инфрақұрылым объектілеріндегі елді мекендердің шекаралары шегіндегі бақылау субъектілеріне қатысты мемлекеттік бақылау Тұрғын үй инспекциясының лауазымды адамдарының тексерулер және профилактикалық бақылау жүргізуі арқылы жүзеге асырылады. Тұрғын үй инспекциясы осы заңды және кондоминиум объектісінің ортақ мүлкін күтіп- ұстау ережелерін бұзушылықтарды жою және әкімшілік құқық бұзушылық туралы хаттамалар жасау жөнінде орындалуы міндетті нұсқамалар (ұсыныстар) шығару жөніндегі өкілеттіктерді жүзеге асырады.
«Тұрғын үй қатынастары туралы» ҚР 16 сәуірдегі 1997 жылғы № 94 Заңының (ары қарай мәтін бойынша-заң) 74 бабының негізінде, мұқтаждар есебінде тұратын азаматтарға мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй барлық қажетті құжаттармен бірге өтініш берілген кезден бастап тізімде белгіленген кезек ретімен беріледі.
Қазақстан Республикасының «Тұрғын үй қатынастары туралы» Заңында (67-бап) көрсетілген санаттарға жататын, соңғы 5 жылда ҚР бойынша тұрғын үйі жоқ және табысы отбасының барлық мүшелеріне 3,1 еселік ең төмен күнкөріс деңгейінен аспайтын, осы елді мекенде тұрақты тұратын (Нұр-сұлтан, Алматы және Шымкент
қалаларында кемінде 3 жыл) ҚР азаматтарына алуға болады.
"Қазақстан Республикасының кейбір заңнамалық актілеріне тұрғын үй-коммуналдық шаруашылық мәселелері бойынша өзгерістер мен толықтырулар енгізу туралы" Заңға сәйкес әрбір үйде мүліктің меншік иелерінің бірлестігін (МИБ) құру пәтер иелері кооперативтерінің (ПИК) автоматты түрде таратылуына әкеп соқпайды, өйткені 2022 жылғы 1 шілдеге дейін ПИК-тің өтпелі ережелері анықталған, бұл ПИК-тің басқарушы немесе сервистік компаниялар болып қайта ұйымдастырылуына және жаңа мәртебеде тұрғын үйлерге қызмет көрсету бойынша өз қызметін жалғастыруға мүмкіндік береді, алайда егер олар МИБ немесе жай серіктестікпен таңдалған жағдайда ғана және жасалған шарт негізінде ғана.
Елдің тұрғын үй қорының тұтынылатын ресурстарды пайдалану тиімділігін арттыру мәселелері бүгінгі күні өзекті болып табылады. Бұл мәселені шешу саланы толық приборландыру ықпал етеді,ол халықтың су және энергетикалық ресурстарды тұтынуын есепке алу деңгейін арттыруға, сондай-ақ ресурстарды тұтынуды жеке реттей отырып, «ақылды үй» жүйесін енгізуге мүмкіндік береді. Негізінен, ұсынылатын қызметтер табиғи монополиялар саласына жатады.
«Табиғи монополиялар туралы» Қазақстан Республикасы Заңының 26-бабы 2- тармағының 30) тармақшасына сәйкес табиғи монополия субъектісі құрылыс объектілерін қабылдау және пайдалануға беру жағдайларын қоспағанда, көрсетілген Заңның 15-бабы 23-тармағының 8) тармақшасына сәйкес есепке алу аспаптарын сатып алуға және тұтынушыларға орнатуға міндетті. Осы Заңның 27-бабы 2-тармағының 2) тармақшасына сәйкес тұтынушының есепке алу аспаптары болуға міндетті.
Осыған байланысты табиғи монополия субъектілері тұтынушыларды толық жинақтау жөніндегі заң нормаларының орындалуын қамтамасыз етуге міндетті. Бұл ретте табиғи монополиялар саласындағы уәкілетті орган жоғарыда көрсетілген нормалар жүзеге асыру шараларын орындалуын бақылау жасайды.
Қазақстан Республикасы аумағында қолданыстағы сәулет, қала құрылысы және құрылыс саласындағы нормативтік құқықтық актілердің және нормативтік техникалық құжаттардың тізбесімен (СҚҚК-1) ҚР ИИДМ сайтында танысуға болады
Сәулет, қала құрылысы және құрылыс саласындағы нормативтік техникалық құжаттардың мәтінімен Нормативтік техникалық құжаттардың бірыңғай мемлекеттік қорының сайтында танысуға болады (egfntd.kz).
Сәулет, қала құрылысы және құрылыс саласындағы нормативтік техникалық құжаттарға өзгерістер енгізу Қазақстан Республикасы Инвестициялар және даму министрінің 2017 жылғы 22 желтоқсандағы № 890 бұйрығымен бекітілген Мемлекеттік нормативтерді әзірлеу, келісу, бекіту, тіркеу және қолданысқа енгізу (қолданысын тоқтата тұру, күшін жою) қағидаларының талаптарына сәйкес жүзеге асырылады (Қазақстан Республикасының Әділет министрлігінде 2018 жылғы 23 қаңтарда № 16270 болып тіркелген).