ЖШС қалай ашуға болады

Егер ЖШС тіркеген болсаңыз, онда:

• Салық салудың жеңілдетілген режимін қолданғысы келетін субъектілер үшін тіркелгеннен кейін 5 жұмыс күні ішінде "қолданылатын салық салу режимі" туралы хабарлама салықтық өтінішін беру. Әйтпесе, олар автоматты түрде жалпы салық режимінде болады.
• Электрондық цифрлық қолтаңбаны алуға (ЭЦҚ);
• Лицензиялауға жататын қызмет түрін таңдаған жағдайда осы қызметті жүзеге асыру құқығына  лицензия алуға;
• Егер айналым мөлшері күнтізбелік жыл ішінде АЕК 30000 еселенген мөлшерінен асып кетсе,  ҚҚС бойынша есепке тұруға;
• Деректерді тіркеу және беру функциясы бар бақылау-кассалық машинаны сатып алу және есепке қоюға;
• Мөрге тапсырыс беруге;
• Ұлттық статистика бюросының сайтында есеп түрлерімен танысуға кеңес береміз.

Орта және ірі кәсіпкерлік субъектісіне жататын ЗТ тіркеу үшін:

• толтырылған өтініш;
• банктік шот ашу және жұмыскерді жазатайым оқиғалардан міндетті сақтандыру туралы өтініш (заңды тұлғаның құрылтайшысы (құрылтайшылары) қызметін жеке тұлғалармен еңбек қатынасына кірмей жүзеге асыратын жағдайларды қоспағанда) беріледі.

Сондай-ақ тіркеу үшін, шағын және орта кәсіпкерлік субъектілеріне жататын заңды тұлғаларды қоспағанда, коммерциялық ұйым болып табылатын заңды тұлғаны мемлекеттік тіркегені үшін "Азаматтарға арналған үкімет" мемлекеттік корпорациясына төленгенін растайтын түбіртек немесе өзге құжат ұсынылады.

ЗТ мемлекеттік тіркеу туралы анықтама берілген күннен кейінгі 1 жұмыс күнінен кешіктірілмей беріледі. Анықтамада оның берілген күні, тіркеуші орган, бизнес-сәйкестендіру нөмірі, заңды тұлғаның атауы мен орналасқан жері, басшылары мен құрылтайшылары туралы мәліметтер болады.

Енді Жауапкершілігі шектеулі серіктестікті (ЖШС) толықтай онлайн режимде тіркеуге болады.

Ол үшін сізге eGov Mobile қосымшасында қолданатын ЭЦҚ және eGov Business қосымшасы қажет.

Қадамдық нұсқаулық

1. Орнату және авторизация. App Store немесе Google Play арқылы eGov Business қосымшасын жүктеп алыңыз. ЭЦҚ көмегімен жүйеге кіріңіз.

2. Жеке кабинетке кіру. «Менің бизнесім» бөліміне өтіңіз. Егер сізде әлі ЖШС болмаса, қосымша автоматты түрде тіркеу рәсімінен өтуді ұсынады.

3. ЖШС тіркеу. Өтінішті толтырғанда бірізді түрде мына мәліметтерді көрсетіңіз:

• Кәсіпкерлік түрі — шағын немесе орта бизнес;
• ЖШС атауы — қазақ, орыс және ағылшын тілдерінде;
• Басшы туралы мәліметтер — ЖСН, тағайындау туралы құжаттың күні мен нөмірі;
• Жарғылық капитал — мөлшері және енгізу нысаны;
• Құрылтайшылар туралы деректер — ЖШС құруға қатысатын барлық жеке және заңды тұлғалар туралы мәліметтер;
• Заңды тұлғаның орналасқан жері — заңды мекенжай;
• Негізгі қызмет түрі — ОКЭД классификаторы бойынша таңдалады.

4. Қол қою және жіберу. Барлық енгізілген деректерді тексеріңіз және өтінішті өз ЭЦҚ-ңызбен қол қойыңыз.. Өтініш тіркеу үшін уәкілетті органдарға жіберіледі.

Ең алдымен сіздің ЖШС бірегей атауын ойлап табу керек.

Нақты түрде сіздің компанияңыздың атауы келесі сөздердің құрылымынан құрылуы тиіс – «Компания_атауы» Жауапкершілігі шектеулі серіктестік немесе қысқаша «Компания_атауы» ЖШС.

Компанияның атауы қолданыстағы басқа компаниялардың атауларымен сәйкес келмеуі тиіс.

Егер сіз әрі қарай ЖШС тіркеуде қолданыстағы компания атауымен ұқсас болса, онда сізге тіркеу кезінде бас тартылады.

ЖШС микро, шағын, орта немесе ірі бизнес субъектісі деп танылуы мүмкін.

Объектінің мәртебесіне төмендегі көрсеткіштер әсер етеді:

• орташа жылдық кіріс;
• жұмыскерлердің орташа жылдық саны;
• қызмет түрлері (кейбір жағдайларда).

ЖШС өзінің белгілі бір санатқа жататынын дербес растайды.

Тіркеу үшін қажетті құжаттардың тізбесі Жеке кәсіпкерлік субъектілерінің санатына байланысты.

«ҚР Кәсіпкерлік кодексінің» 24-бабына сәйкес шағын кәсіпкерлік субъектілеріне жұмыскерлердің орташа жылдық саны 15 адамнан аспайтын немесе орташа жылдық табысы 30000 еселенген АЕК аспайтын ЖШС жатады.

Шағын кәсіпкерлік субъектілеріне жұмыскерлердің орташа жылдық саны 100 адамнан аспайтын және орташа жылдық табысы 300000 еселенген АЕК аспайтын ЖШС жатады.

Шағын кәсіпкерлік субъектілеріне мүмкін емес жатуы ЖШС жүзеге асыратын:

• есірткі құралдары, психотроптық заттар және прекурсорлар айналымымен байланысты қызмет;
• акцизделетін өнімдерін өндіру және (немесе) көтерме сатуды іске асыру;
• астық қабылдау пункттерінде астықты сақтау жөніндегі қызмет;
• лотерея өткізу;
• ойын бизнесі саласындағы қызмет;
• мұнай, мұнай өнімдері, газ, электр және жылу энергиясын өндіру, өңдеу және өткізу жөніндегі қызмет;
• қызметін, радиоактивті материалдар айналымына қатысты;
• банктік қызмет (немесе банк операцияларының жекелеген түрлері) және сақтандыру нарығындағы қызмет (сақтандыру агентінің қызметінен басқа);
• аудиторлық қызмет;
• бағалы қағаздар нарығындағы кәсіби қызмет;
• несиелік бюро қызметі;
• күзет қызметі;
• азаматтық және қызметтік қару мен оның патрондарының айналымына байланысты қызмет.

Шағын кәсіпкерлік субъектілеріне жұмыскерлердің орташа жылдық саны 100 адамнан асатын, бірақ 250 адамнан аспайтын, сонымен бірге орташа жылдық табысы 30 000 еселенген АЕК асатын, бірақ 3 000 000 еселенген АЕК аспайтын ЖШС жатады.

Шағын кәсіпкерлік субъектілеріне жұмыскерлердің орташа жылдық саны 250 адамнан асатын және орташа жылдық табысы 3 000 000 еселенген АЕК асатын ЖШС жатады.

ЖШС тіркеу алдында құрылтайшылар Құрылтай шартын құрады, жарғыны бекітеді, қажет болған жағдайда жарғылық капиталға енгізу үшін мүлікті анықтайды.

Құрылтай шарты

Егер ЖШС жалғыз қатысушы болып құрылса, онда бұл жағдайда құрылтай шарты жасалмайды.

ЖШС-ті құру кезінде бірнеше құрылтайшылармен құрылтай шарты жазбаша нысанда жасалады, әрбір құрылтайшымен немесе оның уәкілетті өкілімен қол қойылады  және нотариалды куәландырылады.

Жарғы

Одан кейін жарғы – заңды тұлға ретінде ЖШС-нің құқықтық мәртебесін анықтайтын құжат бекітіледі.

Шағын, орта және ірі кәсіпкерлік субъектілеріне жататын ЖШС тіркеу кезінде тиісті өтінішті қоса бере отырып, өз қызметін үлгі жарғы негізінде жүзеге асыра алады.

Жарғы банк шотын ашу, мемлекеттік сатып алуға қатысу және мемлекеттік қызметтерді алу кезінде талап етілуі мүмкін.

Жарғылық капитал

Шағын кәсіпкерлік субъектілері үшін жарғылық капиталдың мөлшері заңды тұлға құрылған кезде нөлге тең болады.

Орта және ірі кәсіпкерлік субъектілерінің жарғылық капиталы құрылтайшылардың (қатысушылардың) салымдарын біріктіру жолымен құрылады.

Жарғылық капиталдың бастапқы мөлшері құрылтайшылардың салымдарының сомасына тең және құжаттарды ұсынған күнде 100 АЕК баламалы сомадан кем болмауы тиіс.

Қатысушының ЖШС-ның жарғылық капиталына салымы ақша, бағалы қағаздар, заттар, мүліктік құқықтар, оның ішінде жер пайдалану құқығы және зияткерлік қызмет нәтижелеріне құқық және өзге де мүлік болуы мүмкін. Егер мұндай салымның құны 20 000 АЕК баламалы сомадан асып кетсе, баға бағалаушымен растауы тиіс.