Жүргізуші куәлігін алу

Егер cізде жүргізуші куәлігіңіздің мерзімі аяқталған болса, онда оны ауыстыру үшін төмендегі құжаттармен Мамандандырылған ХҚКО-на жүгінуіңіз қажет:

• жеке куәлік;
• бұрын берілген жүргізуші куәлігі;

• медициналық анықтама 083/У (медициналық қарап-тексеруді Мамандандырылған ХҚКО-да өтуге болады);
• Мемлекеттік бажды төлеу туралы түбіртек (құны – 1,25 АЕК). Кассада кезекте тұрмау үшін cіз онлайн-сервис арқылы жүргізуші куәлігін алуға мемлекеттік бажды төлеуге болады.

Уақытты үнемдеу үшін Мамандандырылған ХҚКО-да кезекті онлайн брондауды ұсынамыз.

Алғашқы рет жүргізуші куәлігін алу үшін немесе санатын ауыстыру кезінде төмендегі құжаттармен кез келген Мамандандырылған ХҚКО-на жүгінуіңіз қажет:

• жеке куәлік;
• медициналық анықтама 083/У (медициналық қарап-тексеруді Мамандандырылған ХҚКО-да өтуге болады);
• автомектепте оқу курстарын аяқтағаны туралы куәлік. Егер Сіз автомектепте оқымай, өз бетінше А, А1, В, В1 санаттарына дайындалсаңыз, онда Мамандандырылған ХҚКО-та теориялық және практикалық емтихандарды тапсыруға болады;
• "С", "D1", "D", "Tm", "Tb" санаттарына беру үшін жұмыс өтілін растайтын құжат (жұмыс орнынан құжат);
• Мемлекеттік бажды төлеу туралы түбіртек (құны – 1,25 АЕК). Кассада кезекте тұрмау үшін Сіз онлайн-сервис арқылы жүргізуші куәлігін алуға мемлекеттік бажды төлеуге болады.

Уақытты үнемдеу үшін Мамандандырылған ХҚКО-да кезекті онлайн брондауды ұсынамыз.

Бірінші рет жүргізуші куәлігін (ЖК) алу үшін төмендегілер қажет:

• нақты көлік түрін басқару үшін талап етілетін нақты жасқа жету;
• алдын ала автомектепте оқып, жол қозғалысы қағидасын білу және жүргізу бойынша теориялық және практикалық емтиханды тапсыру;
• қажетті құжаттарды жинап, ЖК алуға өтініш жіберу. Біз осы туралы келесі материал тарауында егжей-тегжейлі жазамыз.

Жүргізуші куәлігінде иесі туралы келесі ақпарат көрсетіледі:

• Аты-жөні;
• Туған күні мен жері;
• ЖК берген күні мен орган атауы;
• ЖК нөмірі;
• Фото;
• Қолы;
• Рұқсат санаты;
• Қосымша ақпарат (көзілдірік кию, мүгедек және т.б.).

Алғашқы рет жүргізуші куәлігін рәсімдеу, сондай-ақ мерзімі өткеннен кейін немесе жүргізуден айыру кезінде медициналық анықтаманы алу үшін медициналық қарап-тексеруден өту қажет.

Медициналық анықтамада 4 дәрігерден белгілерді алу жеткілікті, атап айтқанда – терапевт, көз дәрігері, отоларинголога және психиатр-нарколог. Басқа дәрігерлерден өту, жалпы анализ тапсыру және флюорография жасау қажет емес.

Медициналық қарап-тексеруді сол Мамандандырылған ХҚКО («Азаматтарға арналған үкімет» МК ХҚКО мамандандырылған бөлімдері) өтуге болады.

Уақытты үнемдеу және ыңғайлы болуы үшін онлайн режимінде Мамандырылған ХҚКО кезекті брондауға болады.

Жүргізуші куәлігін мерзімінен өтуіне дейін ауыстыру кезінде медициналық қарап-тексеруден өту қажет емес.

Аты-жөнініз өзгерілген жағдайда немесе ЖК ұрланған/жоғалған жағдайда она ауыстыру үшін онлайн-қызметті пайдалануға болады.

Онлайн-өтініште Мамандандырылған ХҚКО белгілеп, цифрлық фотосуретті және электрондық қолтаңба суретін қойып, сондай-ақ онлайн режимде мемлекеттік бажды төлеу қажет.

Ресімдеу мерзімі – 1 сағат (18 С.00м. жұмыс уақытынан кейін немесе демалыс күні, мереке күні берілген өтінім бірінші жұмыс күнінің 9с.00м. кейін қабылданады).

Кейін өтініште белгілеген Мамандандырылған ХҚКО-на төмендегі құжаттарды қолға алып, бару қажет:

• жеке куәлік;
• бұрын берілген жүргізуші куәлігі (аты-жөнініз өзгерілген жағдайда).

Арнайы ХҚКО-да құжаттарды тексергеннен кейін сізге дайындалған жүргізуші куәлігі беріледі.

Сондай-ақ сізге төмендегі құжаттармен Мамандандырылған ХҚКО-на жүгінуіңізге болады:

• жеке куәлік;
• бұрын берілген жүргізуші куәлігі (аты-жөнініз өзгерілген жағдайда);
• тегі, аты, әкесінің атын ауыстыру туралы куәлік (аты-жөнініз өзгерілген жағдайда);
• Мемлекеттік бажды төлеу туралы түбіртек (құны – 1,25 АЕК). Кассада кезекте тұрмау үшін Сіз онлайн-сервис арқылы жүргізуші куәлігін алуға мемлекеттік бажды төлеуге болады.

Уақытты үнемдеу үшін Мамандандырылған ХҚКО-да кезекті онлайн брондауды ұсынамыз.

Жүргізуші куәлігін алуға құқығы болу үшін жүргізу негіздерін оқу, жол қозғалысы қағидасын жаттау және емтихан тапсыру керек, ол сіздің біліміңізді растайды.

Жүргізуші куәлігін алу үшін автомектепте оқудан өту қажет.

Автомектепке қабылдану үшін қажетті құжаттар тізбесі:

• Өтініш;
• Медициналық анықтама;
• Фотосурет 3,5х4,5 (4 дана);
• Жеке куәлік;
• Е санаты үшін – 12 айдан кем емес өтілін растау;
• Басқа санатқа жүргізушілерді қайта даярлау үшін – жүргізуші куәлігінің көшірмесі және жүргізушінің жеке карточкасы;
• Оқитын тұлға тарабы мен талапкер арасындағы шарт;
• Әскери билет немесе медициналық комиссиядан өту үшін тіркеу куәлігі.

Автомектепте оқу мерзімі таңдалған көлік құралына байланысты және бір айдан жарты жылға дейін болады.

Оқудан кейін, автомектептегі емтихандар төмендегі реттілікпен тапсырылады: бастапқыда теориялық, кейін – практикалық.

Теориялық емтиханды тапсыру үшін 40 минут ішінде кем дегенде келесі тәртіп бойынша тестілік сұрақтардың 40-нан 32-не жауап беру керек:

1. Жол қозғалысы қағидасы;
2. Жол қозғалысының қауіпсіздік негіздері;
3. Автомобиль құрылғысы мен пайдалану.

Егер сіз теориялық емтиханнан сәтті тапсырған жағдайда, онда жүргізу бойынша практикалық емтиханға өтесіз.

Практикалық емтиханнан өту кезінде біліктілігіңді тексереді:

1. басқару құралдарын, артқы жақтағы айнасын, қауіпсіздік белдігін пайдалану;
2. жүру бастамасы;
3. шектеулі кеңістікте артқа және алға қимылмен маневр жасау;
4. маневрдың оңтайлы траекториясын құру;
5. қашықтық, аралық, ауқымды параметрлерді бағалау;
6. жылжуға өту (автоматты трансмиссиядан көлік құралынан басқа);
7. белгіленген орында тоқтау;
8. жоғарыға көтерілуде тоқтау және бастау;
9. жолдың жүретін аймағында тұраққа қою;
10. артқы жақпен боксқа кіру;
11. көшедегі реттейтін қиылыста жаяу жүргінші жолы;
12. реттемейтін теміржол;
13. апаттық сигнал беру жүйесін қолдану;
14. қос табанды тақтада мотоциклдің қозғалысы;
15. аз жылдамдықта мотоциклді басқару;
16. артық жақпен автопойыздың тіп-тік қозғалысы;
17. платформаға артқы бортпен автопойызды қою.

Практикалық емтиханның әрбір сынақ жаттығуы үшін қате тізбелері анықталады, сол жүргізуші кандидатурасына Емтиханды қабылдау қағидасының 4, 5, 6 қосымшаларына сәйкес қорытынды кестесімен көзделген айыппұл балы беріледі.

Практикалық емтиханды сәтті тапсыру үшін сізге белгіленген уақытта барлық сынақ жаттығуларын орындауыңыз және 99 айыппұл балдан көп емес алуыңыз керек.

Егер сіз 100 және одан көп айыппұл балын алсаңыз, онда сізге «Тапсырмады» деген бағасы қойылады және емтихан аяқталады. Бұл ретте, емтиханды қайта тапсыру 7 күндізбелік күннен кейін ғана белгіленуі мүмкін. Егер 3 айдан аса мерзімге тұрғылықты мекенжайын ауыстыру, әскери қызмеке, оқуға, іссапарға кету секілді дәлелді себептер болса (және растайтын құжат болса), онда емтиханды қайта тапсыру бастапқы әрекеттен кейін 3 күндізбелік күн ішінде болады.

Автомектепте емтихандарды сәтті тапсырғаннан кейін сізге курстарды аяқтағаны туралы куәлік беріледі.