Алғашқы рет жүргізуші куәлігін рәсімдеу, сондай-ақ мерзімі өткеннен кейін немесе жүргізуден айыру кезінде медициналық анықтаманы алу үшін медициналық қарап-тексеруден өту қажет.
Медициналық анықтамада 4 дәрігерден белгілерді алу жеткілікті, атап айтқанда – терапевт, көз дәрігері, отоларинголога және психиатр-нарколог.
Рұқсат құжаттары (лицензиялар, лицензияға қосымшалар, мамандардың сертификаттары, тиісті жабдықтардың болуы және т.б.) бар медициналық ұйымдарда медициналық тексеруден өтуге болады.
Уақытты үнемдеу және ыңғайлы болуы үшін онлайн режимінде Мамандырылған ХҚКО кезекті брондауға болады.
Жүргізуші куәлігін мерзімінен өтуіне дейін ауыстыру кезінде медициналық қарап-тексеруден өту қажет емес.