Тұрғын үй көмегін тағайындау туралы хабарламаны алу үшін Сізге «Азаматтарға арналған үкімет» мемлекеттік корпорациясы» МКК (ХҚО) филиалына келіп , келесі құжаттармен бірге өтініш беру қажет:
- жеке куәлік;
- отбасының табысын растайтын құжаттар ( тиісті мемлекеттік ақпараттық жүйелерден алынған мәліметтерді қоспағанда);
- жұмыс орнынан анықтама немесе жұмыссыз ретінде тіркеу туралы анықтама (тиісті мемлекеттік ақпараттық жүйелерден алынған мәліметтерді қоспағанда);
- балаларға және басқа да асырауындағы адамдарға алимент төлеу туралы мәліметтер;
- банк шоты;
- тұрғын үйді (тұрғын ғимаратты) күтіп-ұстауға арналған ай сайынғы жарналар сомасы бойынша шоттар;
- коммуналдық төлемдер;
- телекоммуникация қызметтері үшін түбіртек-шот-фактура немесе байланыс қызметтерін көрсету шартының көшірмесі;
- жергілікті атқарушы орган ұсынған жеке тұрғын үй қорындағы жергілікті атқарушы орган жалдаған тұрғын үйді пайдаланғаны үшін жалдау ақысының мөлшері туралы шот-фактура.
Ыңғайлы болу үшін ХҚКО-да кезекті онлайн брондау ұсынылады.