Егер бейбіт жолмен келісу мүмкін болмаса, онда алимент өндіріп алу туралы талап арызды талапкер өзінің тұрғылықты жері бойынша бере алады.Алимент алу құқығы пайда болған кезден бастап өткен мерзімге қарамастан сотқа жүгінуге болады. Бұл ретте сот сотқа дейін күтіп-бағуға қаражат алу шаралары қабылданғанын және адамның алимент төлеуден жалтаруы салдарынан алынбағанын анықтауға тиіс.
Алимент туралы бұйрықты сот 3 жұмыс күні ішінде шығарады. Сот төлеушінің жиынтық табысына ай сайынғы мәжбүрлеп өндіріп алуды үлестік пропорцияда беруге құқылы.
Сотқа алименттерді өндіріп алуға өтініш берген кезде талап қою үшін қажетті құжаттардың тізбесі ұсынылады:
Қалыптасқан жағдайларға байланысты өзге құжаттар талап етілуі мүмкін және мұны сотқа жүгінгенге дейін нақтылау қажет.
Талап қою берілген кезде талапкерлер мемлекеттік баж төлеуден босатылады.
Электрондық құжаттарды сотқа қалай беруге болады.
Өтініш беруші "Сот кабинеті" сервисінде орналастырылған электрондық нысандарды толтыру арқылы сотқа электрондық құжаттарды ұсынады. Электрондық құжаттарды сотқа беру үшін "Сот кабинеті" сервисінде тіркелу қажет.
"Сот кабинеті" сервисінде авторизациялау электрондық цифрлық қолтаңба немесе ЖСН/БСН жеке сәйкестендіру нөмірі және пароль арқылы жүзеге асырылады.Өтініш беруші азаматтық, қылмыстық сот ісін жүргізудің, әкімшілік істер бойынша және әкімшілік құқық бұзушылықтар бойынша сот ісін жүргізудің тиісті бөлімі арқылы авторизациялау рәсімінен өткеннен кейін электрондық құжатты жіберу үшін сот сатысы түрлерінің бірін таңдайды:
1) бірінші сатыдағы сотта іс жүргізу;
2) апелляциялық сатыдағы сотта іс жүргізу;
3) кассациялық сатыдағы сотта іс жүргізуді қамтиды.
Өтініш беруші өтініштің, шағымның, өтінішхаттың, пікірдің және басқа да құжаттардың электрондық нысанын толтырады.Әрбір электрондық құжат жеке файл түрінде электрондық құжаттарды беру жүйесіне жүктеледі. Файлдар саны сотқа берілетін құжаттар санына сәйкес келуі керек.
Өтініш беруші файлдарды *doc, *docx, *pdf, *jpeg, *xlsx форматында жүктейді.
Әр файлдың максималды мөлшері 10 мегабайттан аспайды.Жүктелгеннен кейін құжаттар өтініш берушінің электрондық цифрлық қолтаңбасымен куәландырылады және автоматты режимде сот органдарының ақпараттық жүйесіне беріледі.
Жөнелтілген күні мен уақыты, бірегей нөмірі, сондай-ақ жөнелтуші мен Алушының деректемелері көрсетілетін жөнелту туралы талонды қалыптастыру электрондық құжаттың жөнелтілгенін растау болып табылады.Өтінішті, шағымды, өтінішхатты, пікірді және басқа да құжаттарды тіркеу мәртебесі және оларды қарау барысы "Сот кабинеті" сервисінің "Менің істерім"қосымша бетінде қаралады.
Республика соттарына, оның ішінде "Сот кабинеті" сервисі арқылы электрондық құжаттарды беру соттарға құжаттарды беру құралдарын электрондық құжат нысанында техникалық қолдану, оларды тіркеу, өңдеу, олармен танысу қағидаларымен регламенттеледі.