Жиі қойылатын сұрақтар

Тәртіптік жаза теріс қылық анықталған күннен бастап бір айдан кешіктірілмей қолданылады және теріс қылық жасалған күннен бастап алты айдан кешіктірілмей қолданыла алмайды.

Жоғарыда көрсетілген мерзімдерді сақтау мемлекеттік қызметшілердің тәртіптік жауаптылығын қарау кезінде мемлекеттік органдар үшін міндетті талап болып табылады.

Осылайша, мемлекеттік қызметшілерге тәртіптік жаза қолдану екі мерзім де, яғни теріс қылық анықталған күннен бастап және ол жасалған күннен бастап ғана мүмкін болады.

Егер мемлекеттік әкімшілік қызметші жаңа теріс қылық жасамаса және бұл ретте өзін адал қызметкер ретінде көрсетсе, тәртіптік жаза алты ай өткенге дейін алынып тасталуы мүмкін.

Тәртіптік жазаны мерзiмiнен бұрын алу үшiн жаза қолданылған мемлекеттік әкімшілік қызметшiнiң тiкелей басшысы уәкілетті адамға тиісті ұсыныс енгізеді.

Егер тікелей басшы уәкілетті адам болып табылса, тиісті ұсынысты персоналды басқару қызметі енгізеді.

Бұл ретте, осы Қағидалардың 86-тармағында көрсетілген адамдарды қоспағанда, .Ұлттық комиссияның, Өңірлік кадр комиссиясының, Әдеп жөніндегі комиссияның, Әдеп жөніндегі кеңестің немесе мемлекеттік органның тәртіптік комиссияның ұсынымы бойынша қолданылған тәртіптік жазаны мерзімінен бұрын алып тастауды оны қолданған уәкілетті адам тиісінше Ұлттық комиссияның, Әдеп жөніндегі комиссияның, Өңірлік кадр комиссиясының, Әдеп жөніндегі кеңестің немесе мемлекеттік органның тәртіптік комиссиясының келісімімен жүргізеді.

Әкімшілік рәсімдік-процестік кодекстің 1-бабының 2-бөлігіне сәйкес «Қазақстан Республикасының заңдарында реттелмеген бөлігінде әкімшілік рәсімдерді жүзеге асыруға байланысты қатынастарды реттейді».

 Яғни, «Мемлекеттік көрсетілетін қызметтер туралы» Заңының 25 бабы 2 тармағымен мемлекеттік көрсетілетін қызметтердің сапасына шағымдарды қарау мерзімін реттелуіне байланысты.

Мемлекеттік қызметтерді тікелей көрсететін орталық мемлекеттік органның, облыстың, республикалық маңызы бар қаланың, астананың, ауданның, облыстық маңызы бар қаланың жергілікті атқарушы органының, қаладағы аудан, аудандық маңызы бар қала, кент, ауыл, ауылдық округ әкімінің, көрсетілетін қызметті берушінің, Мемлекеттік корпорацияның атына келіп түскен көрсетілетін қызметті алушының шағымы оны тіркеген күннен бастап бес жұмыс күні ішінде қарауға жатады.       

Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы оның тіркелген күнінен бастап он бес жұмыс күні ішінде, он жұмыс күніне ұзартылуы мүмкіндігімен, қаралуға жатады.

«Мемлекеттік көрсетілетін қызметтер туралы» Заңның 19-1 бабына сәйкес көрсетілетін қызметті берушілер мынадай негіздер:

1) көрсетілетін қызметті алушының мемлекеттік көрсетілетін қызметті алу үшін ұсынған құжаттардың және (немесе) олардағы деректердің (мәліметтердің) анық еместігін анықтау;

2) көрсетілетін қызметті алушының және (немесе) мемлекеттік қызмет көрсету үшін қажетті ұсынылған материалдардың, объектілердің, деректердің және мәліметтердің Қазақстан Республикасының нормативтік құқықтық актілерінде белгіленген талаптарға сәйкес келмеуі;

3) уәкілетті мемлекеттік органның мемлекеттік қызмет көрсету үшін қажетті келісімі туралы сұрау салуға берілген теріс жауап, сондай-ақ сараптаманың, зерттеудің не тексерудің теріс қорытындысы;

4) көрсетілетін қызметті алушыға қатысты оның қызметіне немесе мемлекеттік көрсетілетін қызметті алуды талап ететін жекелеген қызмет түрлеріне тыйым салу туралы соттың заңды күшіне енген шешімінің (үкімінің) болуы;

5) көрсетілетін қызметті алушыға қатысты соттың заңды күшіне енген үкімінің болуы, оның негізінде көрсетілетін қызметті алушының мемлекеттік көрсетілетін қызметті алумен байланысты арнаулы құқығынан айырылуы бойынша;

6) көрсетілетін қызметті алушының мемлекеттік қызмет көрсету үшін талап етілетін, «Дербес деректер және оларды қорғау туралы» Қазақстан Республикасы Заңының 8-бабына сәйкес берілетін қолжетімділігі шектеулі дербес деректерге қол жеткізуге келісімі болмауы бойынша мемлекеттік қызметтерді көрсетуден бас тартады.

Қазақстан Республикасының заңдарымен мемлекеттік қызметтер көрсетуден бас тартудың өзге де негіздері белгіленуі мүмкін.

Әңгімелесу қорытындыларын Сіз әңгімелесу өткізілген мемлекеттік органның ресми сайтынан қарай аласыз ("құжаттар" бөлімі https://www.gov.kz/memleket/entities/qyzmet/documents/1?lang=ru ).

Заңнаманы білуге және жеке қасиеттерін бағалауға тестілеуді Мемлекеттік қызмет істері агенттігі мен оның аумақтық бөлімшелері жүргізеді.

Кандидат Агенттіктің өзіне ыңғайлы кез келген аумақтық бөлімшесінде заңнаманы білуіне тестілеуден және жеке қасиеттерін бағалаудан өтуге құқылы.

Тестілеуге жазылу "электрондық үкімет" веб-порталы арқылы не "Азаматтарға арналған үкімет" мемлекеттік корпорациясына жүгіну арқылы жүргізіледі. Ол үшін өзіңізбен бірге жеке басыңызды куәландыратын құжат болуы қажет.

Мемлекеттік қызметке онлайн тестілеуді тапсыру рәсімі қарастырылмаған.

«Мемлекеттік көрсетілетін қызметтер туралы» Заңның 25-бабына сәйкес мемлекеттік қызмет көрсету мәселелері бойынша шағым көрсетілетін қызметті беруші басшысының атына беріледі. Келіп түскен көрсетілетін қызметті алушының шағымы оны тіркеген күннен бастап бес жұмыс күні ішінде қарауға жатады.

Бұдан басқа, көрсетілген мемлекеттік қызметтің нәтижесімен келіспеген жағдайда көрсетілетін қызметті алушы мемлекеттік қызметтер көрсету сапасын бағалау және бақылау жөніндегі уәкілетті органға шағыммен жүгінуге құқылы. Уәкілетті органның атына келіп түскен көрсетілетін қызметті алушының шағымы оның тіркелген күнінен бастап он бес жұмыс күні ішінде қаралуға жатады.

Мемлекеттік қызмет көрсету нәтижесіне шағымданудың тағы бір тәсілі заңнамада белгіленген тәртіппен сотқа жүгіну болып табылады.

Еңбек кодексінің 63-бабына сәйкес еңбек тәртіптемесінің қағидаларын жұмыс беруші бекітеді.

Еңбек тәртіптемесінің қағидаларында жұмыскерлердің жұмыс уақыты мен тынығу уақыты, еңбек тәртібін қамтамасыз ету жағдайлары, еңбек қатынастарын реттеудің өзге де мәселелері белгіленеді.

Сондай ақ «Қазақстан Республикасының мемлекеттік қызметі туралы» Заңның 32-бабымен  мемлекеттік органдар бекітетін мемлекеттік қызметшілердің еңбек тәртіптемесі қағидалары жұмыс уақыты мен демалыс уақытының режимін белгілейді.

Осылайша мемлекеттік қызметкерлер тұрақты түрде онлайн, яғни қашықтықтан жұмыстеу мүмкүндігін мемлекеттік органның басшылығымен (жұмыс беруші) шешіледі және мемлекеттік органның еңбек тәртіптемесі қағидаларында көзделу мүмкін.

"Қазақстан Республикасының мемлекеттік қызметі туралы" Заңның 61-бабы 1-тармағының 3) тармақшасына сәйкес мемлекеттік әкімшілік қызметшілердің мемлекеттік қызметте болу мерзімін тараптардың өзара келісімі бойынша бір жылға ұзарту құқығымен, олардың Қазақстан Республикасының Заңында белгіленген зейнеткерлік жасқа жетуі мемлекеттік қызметті тоқтату үшін негіздердің бірі болып табылады.

Қызметші зейнеткерлік жасқа толғаннан кейін мемлекеттік қызметте бір жылдан аспайтын уақыт жұмыс істеуге құқылы.