Жиі қойылатын сұрақтар

Өтінішті қайтарып алу үшін келесі әрекеттерді орындау қажет:

1) https://eotinish.kz сайтында авторизациядан өту;

2) «Меніңөтініштерім» бөлімінен қайтарып алғыңыз келетін өтінішті табу;

3) кері қайтарып алуға арыз жіберу үшін «Өтінішті кері қайтарып алу» батырмасын басу;

4) себебінкөрсетіп, ЭЦҚ немесе Digital ID арқылы қайтарып алуға қол қою;

5) мемлекеттік орган кері қайтарып алу өтінішін қарайды. Мемлекеттік орган қайтарып алуды қабылдауы немесе қабылдамауы мүмкін. Оң жауап болған жағдайда «Кері қайтарып алынды» мәртебесі шығады. Қабылданбаған жағдайда өтініш мәртебесі кері қайтарып алуға арыз жібергенге дейінгі мәртебеге оралады.

«e-Otinish» жүйесіне тіркелуге өтінішті төмендегілер арқылы беруге болады:

eGov/eGovmobile сайты;

Aitu мобильді қолданбасы;

Қазақстан бойынша ХҚКО-дағы және әкімдіктердегі өтініш қабылдау орталықтары.

ҚР Әкімшілік рәсімдік процестік кодексінің 90 бабының 1-ші тармағына сәйкес, Мемлекеттік органдардың, жергілікті өзін-өзі басқару органдарының басшылары және олардың орынбасарлары тиісті мемлекеттік органның басшысы бекітетін қабылдау кестесіне сәйкес айына кемінде бір рет азаматтарды және заңды тұлғалардың өкілдерін жеке қабылдауға міндетті.

Тіркелу үшін «e-Otinish»ақпараттық жүйесіне жазбаша өтініш жазып, тіркелуге болады. Кезегі келген кезде қабылдау күні алдын ала хабарланатын болады

Жүгінудің екі жолы бар. "Азаматтарға арналған үкімет" мемлекеттік корпорациясы" коммерциялық емес акционерлік қоғамы құжаттардың толық пакетін ұсыну қажет.

Қызметті алуда кезекке қою үшін құжаттарды беру кезінде уақытты үнемдеу үшін мемлекеттік қызметті онлайн алуға болады. Ол үшін осы сілтеме бойныша қажетті құжаттарды тіркеп  өту және ЭЦҚ сұранысына қол қою қажет.

Қазақстан Республикасының «Қазақстан Республикасындағы сәулет, қала құрылысы және құрылыс қызметі туралы» Заңына, сондай-ақ ҚР Жер кодексіне (бұдан әрі-Кодекс) сәйкес қандай да бір объектілерге берілетін жер учаскелері белгіленген тәртіппен бекітілген қала құрылыстық құжаттарға, яғни бас жоспарларға, даму сызбаларына және егжей-тегжейлі жоспарлау жобаларын сәйкес табысталынады делінген.

Сонымен қатар, Кодексітің 44-1 бабының 8 тармағына сәйкес жер учаскесін сұрап өтінім білдірген кезде өтінім арнайы есепке алынып және жеке тұрғын үй құрылысы үшін табысталатын алаңдардың дайын болуына қарай қанағаттандырылатындығы көрсетілген.

Баяндалғанаға сәйкес қазіргі таңда 2005 жылы жер телімін сұрап жазған азаматтардың өтініштері қанағаттандырылып жатканын хабарлаймыз.

Қазақстан Республикасының «Тұрғын үй қатынастары туралы» Заңының 74-бабының 1-тармағына сәйкес, мұқтаждар есебiнде тұратын азаматтарға мемлекеттік тұрғын үй қорынан тұрғын үй немесе жеке тұрғын үй қорынан жергілікті атқарушы орган жалдаған тұрғын үй, барлық қажеттi құжаттармен бірге өтiнiш берiлген кезден бастап тізімде белгіленген кезек ретімен беріледі.   

Сондай-ақ, аталған баптың 3-тармағына сәйкес, тізімдерге енгізілген азаматтардың құқықтары тең деп танылады. Егер осы Заңда өзгеше көзделмесе, мемлекеттік тұрғын үй қорынан тұрғынжай немесе жеке тұрғын үй қорынан жергілікті атқарушы орган жалдаған тұрғынжай алуға осы тізімдерге енгізілген басқалар алдында, Ұлы Отан соғысының мүгедектері мен қатысушыларын, жетiм балаларды, ата-анасының қамқорлығынсыз қалған балаларды, "Алтын алқа", "Күміс алқа" алқаларымен наградталған немесе бұрын "Батыр ана" атағын алған, сондай-ақ I және II дәрежелі "Ана даңқы" ордендерімен наградталған көпбалалы аналарды, көпбалалы отбасыларды қоспағанда, ешкімнің де басым құқығы болмайды.

Тұрғын үй алу кезегіне тіркелген азаматтардың кезек реттілігі бұл бағыттағы жұмыстардың ашықтығын және қолжетімділігін қамтамасыз ету мақсатында қала әкімдігінің (https://www.gov.kz/memleket/entities/kyzylorda-kzo/press/article/details/11272?lang=kk ) веб-сайтына әр тоқсан сайын толықтырулармен ұдайы жаңаланып, орналастырылады.