Халықты әлеуметтік қорғау саласындағы реттеу және бақылау комитетінің Алматы облысы бойынша департаменті

 Департамент Алматы облысы аумағында ҚР Еңбек және халықты әлеуметтік қорғау министрлігінің халықты әлеуметтік қорғау саласындағы реттеу және бақылау комитетінің аумақтық бөлімшесі болып табылады. Департаменттің міндеті зейнетақы және әлеуметтік қамсыздандыру, мүгедектігі бар адамдарды әлеуметтік қорғау саласындағы мемлекеттік саясатты іске асыру, медициналық-әлеуметтік сараптама жүргізу болып табылады.

Департаментпен "Азаматтарға арналған үкімет" МК бірлесіп, республикалық бюджеттің қаражатынан барлық зейнетақы және әлеуметтік төлемдерді тағайындау жүргізіледі. Облыстың медициналық мекемелерімен өзара іс-қимыл кезінде Департаменттің медициналық-әлеуметтік сараптама комиссиялары мүгедектік тобын белгілейді және осы азаматтар үшін қажетті оңалту шараларын әзірлейді. Мемлекеттік бақылау шеңберінде біз мүгедектігі бар адамдардың құқықтарының сақталуын қамтамасыз етеміз және қандай да бір бұзушылықтар анықталған жағдайда оларды қалпына келтіру жөнінде қажетті шаралар қолданамыз.

Департаменттің басты міндеттерінің бірі халыққа мемлекеттік қызмет көрсету болып табылады. Бүгінгі күні Департамент 17 мемлекеттік қызмет көрсетеді.

Біз тұрақты негізде облыс тұрғындары арасында Департамент қызметінің бағыттары бойынша ақпараттық-түсіндіру жұмыстарын жүргіземіз, құзыреті шеңберінде кез келген мүдделі мәселелер бойынша халықпен кездесулер өткіземіз және азаматтарды қабылдауды жүзеге асырамыз.