«Астана қаласының Жұмылдыру дайындығы, аумақтық және азаматтық қорғаныс басқармасы» мемлекеттік мекемесі

«Астана қаласының Жұмылдыру дайындығы, аумақтық және азаматтық қорғаныс басқармасы» мемлекеттік мекемесі (бұдан әрі – Басқарма) қала аумағының деңгейінде жұмылдыру дайындығы, аумақтық және азаматтық қорғанысты қамтамасыз етуді ұйымдастыруда меншік нысанына қарамастан мемлекеттік мекемелер мен кәсіпорындар қызметін үйлестіру саласында басшылықты жүзеге асыратын Қазақстан Республикасының мемлекеттік органы болып табылады.

Басқарма өз қызметін Қазақстан Республикасының Конституциясы және заңдарына, Қазақстан Республикасы Президенті мен Үкімет актілеріне, басқа да нормативтік құқықтық актілерге, сондай-ақ осы Ережеге сәйкес жүзеге асырады.

Басқарманың мақсаты - Қазақстан Республикасы Президенті мен Үкіметінің заңнамалық, нормативтік құқықтық актілерін, қала әкімдігі және әкімінің, уәкілетті орталық атқарушы органның жұмылдыру дайындығы, аумақтық және азаматтық қорғаныс саласындағы актілердің орындалуын қамтамасыз ету.