Осы материалда көпбалалы отбасыларға мемлекеттік қолдау көрсетуде қолданылып жүрген құралдар туралы, атап айтқанда жәрдемақы және тағы да басқа әлеуметтік көмектерді қалай алуға болатыны туралы ақпарат жинақталған.
Егер көпбалалы отбасы кедейлік шегінен төмен жан басына шаққандағы орташа табыс алатын болса, онда атаулы әлеуметтік көмек (АӘК) алуға үміткер болуға құқылы.
АӘК алу туралы жеке материалда кеңірек айтылған, ол келесі кіші бөлімдерден тұрады:
Кәмелетке толмаған төрт және одан көп балалары бар немесе жиырма үш жасқа дейін күндізгі оқу нысаны бойынша оқитын студенттері бар көпбалалы отбасыларға отбасы табысына қарамастан төмендегі көлемде жәрдемақы тағайындалады:
Сіз осы жәрдемақыны тағайындауға 4 жолмен өтініш бере аласыз:
1) Онлайн-қызмет арқылы осы жәрдемақыны тағайындауға өтінім беруге болады:
"Электрондық үкіметтің" веб-порталы арқылы тағайындауға өтініш жасаған кезде-электрондық құжат нысанындағы өтініш, балалар туралы, неке қию/бұзу туралы, қорғаншылық/қамқоршылық туралы, туу туралы актілік жазбадан бала асырап алу туралы мәліметтер, банктік шоттың деректері және ЭЦҚ көмегімен қол қою.
2) Ұялы байланыстың абоненттік құрылғысы (проактивті);
Проактивті қызмет арқылы қызмет көрсету кезінде қызмет көрсету нәтижесі көрсетілетін қызметті алушының ұялы телефонына sms-хабарлама арқылы ұсынылады (өтініш берушінің мобильді азаматтары базасында тіркелген жағдайда). Осылайша, жәрдемақы тағайындау үшін көрсетілетін қызметті алушының проактивті қызмет көрсетуге келісімі, сондай-ақ ұялы байланыстың абоненттік құрылғысы арқылы банктік шот нөмірін растау немесе ұсыну қажет.
3) Егер онлайн-қызметті пайдалану мүмкіндігі болмаса, онда келесі құжаттарды ұсына отырып, «Азаматтарға арналған үкімет» мемлекеттік корпорациясы» КЕАҚ барып өтінім беруге болады.
4) екінші деңгейдегі банктердің ақпараттық технологиялар объектілері: Әлеуметтік кодексте көзделген негіздер бойынша көп балалы отбасына жәрдемақы тағайындау құқығы туындаған кезде өтініш беруші екінші деңгейдегі банктердің ақпараттық технологиялар объектісі арқылы автоматтандырылған режимде өтінішті қалыптастыруға бастамашылық жасайды, бұл ретте оған өтініш нысанында көзделген міндеттемелер мен шарттар туралы хабарланады.
Мемлекеттік қызметті көрсету мерзімі:
- Мемлекеттік корпорацияға жүгінген кезде – құжаттар топтамасын тіркеген сәттен бастап – 7 (жеті) жұмыс күні;
- порталға, екінші деңгейдегі банктердің ақпараттық технологиялар объектілеріне немесе проактивті сервиске кіру кезінде – 4 (төрт) жұмыс күні.
"Алтын алқа", "Күміс алқа" алқаларымен марапатталған немесе бұрын "Батыр ана" атағын алған, І және ІІ дәрежелі "Ана даңқы" ордендерімен марапатталған көпбалалы аналарға ай сайын:
Қызметті үш жолмен алуға болады:
1) "Азаматтарға арналған үкімет" мемлекеттік корпорациясы" коммерциялық емес акционерлік қоғамы;
Көп балалы анаға жәрдемақы тағайындау үшін марапаттауды растайтын құжатты қоса бере отырып, корпорацияға өтініш беру жолымен жүгіну қажет:
Байқоңыр қаласының тұрғындары үшін-Байқоңыр қаласының тұрғын үй шаруашылығы азаматтарын есепке алу және тіркеу бөлімінің анықтамасы.
2) ұялы байланыстың абоненттік құрылғысы (проактивті);
Проактивті қызмет арқылы қызмет көрсету кезінде қызмет көрсету нәтижесі көрсетілетін қызметті алушының ұялы телефонына sms-хабарлама арқылы ұсынылады (өтініш берушінің мобильді азаматтары базасында тіркелген жағдайда). Көрсетілетін қызметті алушының проактивті қызмет көрсетуге келісімі, сондай-ақ көрсетілетін қызметті алушының ұялы байланысының абоненттік құрылғысы арқылы банктік шот нөмірін растау немесе ұсыну қажет.
3) "электрондық үкіметтің" веб-порталы (портал).
"Электрондық үкіметтің" веб-порталы арқылы тағайындауға жүгінген кезде-электрондық құжат нысанындағы өтініш, "Алтын алқа", "Күміс алқа" алқаларымен наградталған немесе бұрын "Батыр ана" атағын алған, I және "Ана даңқы" ордендерімен наградталған көп балалы ананың наградталғанын немесе атағын алғанын растайтын құжаттың сканерленген көшірмесі II дәрежелі", банктік шоттың деректері және ЭЦҚ көмегімен қол қою.
"Алтын алқа", "Күміс алқа" алқаларымен марапатталған немесе бұрын "Батыр ана" атағын алған, І және ІІ дәрежелі "Ана даңқы" ордендерімен марапатталған көпбалалы аналар тұрғын үйді мемлекеттік тұрғын үй қорынан алуға немесе жергілікті атқарушы орган жеке тұрғын үй қорынан жалдаған тұрғын үйді алуға бірінші кезекте құқылы.
Сондай-ақ, "Алтын алқа", "Күміс алқа" алқаларымен марапатталған көпбалалы аналар төменде көрсетілген:
Сонымен бірге, "Қазақстан Республикасында зейнетақымен қамсыздандыру туралы" Қазақстан Республикасы Заңының 11-бабы 3-тармағына сәйкес 5 және одан да көп бала туған (асырап алған) және оларды 8 жасқа дейін тәрбиелеген әйелдердің 53 жасқа толғанда жасына байланысты зейнетақы төлемдерін алуға құқығы бар.
«Неке (ерлі – зайыптылық) және отбасы туралы» Кодекске сәйкес көп балалы отбасы құрамында бірге тұратын кәмелетке толмаған төрт және одан да көп балалары, оның ішінде кәмелеттік жасқа толғаннан кейін білім беру ұйымдарын бітіретін уақытқа дейін (бірақ 23 жасқа толғанға дейін) орта, техникалық және кәсіптік, орта білімнен кейінгі, жоғары және (немесе) жоғары оқу орнынан кейінгі білім беру ұйымдарында күндізгі оқу нысаны бойынша білім алатын балалары бар отбасылар көпбалалы отбасылар болып саналады.
«Қазақстан Республикасының мемлекеттік наградалары туралы» Заңға сәйкес алты баланы туып, тәрбиелеген көп балалы аналар алтыншы баласы бір жасқа толған кезде және қалған балалары тірі болған кезде «Күміс алқа» алқасымен, сондай-ақ жетінші баласы бір жасқа толған соң жеті және одан да көп бала туған аналар және қалған балалары тірі болған кезде «Алтын алқа» алқасымен марапатталады.