Әуесқойлық балық аулау үшін рұқсатты қалай алуға болады

Әуесқойлық (спорттық) балық аулауға рұқсат алу онлайн көрсетілетін қызмет арқылы ақылы жүзеге асырылады:

Онлайн-өтінім беру кезінде, төмендегілерді қоса беру қажет:

• Көрсетілетін қызметті алушымен қол қойылған, аң аулауды қоспағанда, жануарлар дүниесі объектілерін алып қоюға қатысушы адамдардың тізімінің электрондық көшірмесі;
• ЭҮТШ арқылы төлем жағдайларын қоспағанда, жануарлар әлемін пайдалануға төлем ақы туралы төлем құжатының электрондық көшірмесі;

Өтінімдерді тіркеу ведомствомен немесе жергілікті атқарушы органмен келіп түскен сәтінен бастап 1 жұмыс күні ішінде порталда жүргізіледі (егер өтініш сағат сағат 18:00-ден кейін немесе сенбіде қабылданған жағдайда, онда өтініш білдіруші үшін мерзімді есептеу келесі жұмыс күнінде басталады).

Төлем мөлшерлемесі салық кодексімен белгіленген және еселі АЕК мөлшерінде жасалады.

Мысалға, спорттық-әуесқойлық (ректеациялық) балық аулауға (алып қоюмен) мөлшерлеме, төмендегілерді құрайды:

• ірі частик балықтар - 0,017 (1 килограммға)
• бекіре - 5,5 (1 килограммға)
• ақ сақалар, ақ серкелер - 0,042 (1 килограммға)
• ұсақ частик - 0,008 (1 килограммға)
• шаян - 0,008 (бір дербеске).

Өтінімді бергеннен кейін 3 жұмыс күні ішінде рұқсат немесе дәлелденген бас тарту туралы жауап келеді.

Бекітіліп берілген балық шаруашылығы су айдындарында және (немесе) учаскелерінде балық аулау жолдама негізінде жүзеге асырылады.

Жолдамаларды алу квотасы болған кезде балық шаруашылығы су айдыны бекітіліп берілген табиғат пайдаланушы ақылы негізде береді. Жолдаманың құнын табиғат пайдаланушының өзі айқындайды. Нарық және бәсекелестік жағдайында жолдамаларға баға белгілеу кезінде пайдаланушы тұтынушыға бағдарланады.

Әуесқойлық (спорттық) балық аулау – бір-бірлеп аулауға мүмкіндік беретін аулау құралдарымен жүзеге асырылатын аулап алынған өнімді жеке тұтыну үшін балық ресурстарын және басқа да су жануарларын аулау.

Әуесқойлық (спорттық) балық аулау бекітіліп берілген және бекітіліп берілмеген (резервтік қорда) балық шаруашылығы су айдындары және (немесе) учаскелерінде өткізіледі

Резервтік қорда әуесқойлық (спорттық) балық аулау бір балықшыға бір шыққанда 5 килограммға дейін ақысыз қандайда бір рұқсатсыз жүзеге асырылады. 5 килограммнан аса аулаған кезде аумақтық орман шаруашылығы және жануарлар дүниесінен рұқсатты жазбаша өтініш бойынша алуы қажет.

Балық аулау төмендегі түрлерге бөлінеді:

1. кәсіпшілік балық аулау;
2. әуесқойлық (спорттық) балық аулау;
3. ғылыми-зерттеу үшін аулау;
4. бақылау үшін аулау;
5. мелиорциялық аулау;
6. өсімін молайту мақсатында аулау.

Әуесқойлық (спорттық) балық аулау – спорттық және эстетикалық қажеттіліктерді қанағаттандыру, спорттық жарыстар өткізу мақсатында, сондай-ақ аулау құралдарын жеке-дара ғана аулауға мүмкіндік беретін аулау құралдарымен жүзеге асырылатын, ауланған өнімді жеке тұтыну үшін балық ресурстарын және басқа да су жануарларын аулау.

Балық шаруашылығы су айдындарында және (немесе) учаскелерінде жол берілмейді:

1. өсімдіктерді жоюға және балық ресурстары және басқа да су жануарлары мекендейтін ортаның жағдайларын нашарлататын өзге де іс-әрекеттерге;
2. балықтардың көбеюі кезеңінде олар уылдырық шашатын белгіленген орындарда катерлердің, моторлы қайықтардың және басқа да жүзу құралдарының қозғалтқыштарын іске қосып жүзуге;
3. ұшақтардың, тікұшақтардың және өзге де ұшу аппараттарының итбалықтар жаппай мекендейтін аумақтардың үстінен бір километрден төмен биіктікте ұшып өтуіне;
4. балық ресурстары және басқа да су жануарларының мекендеу ортасын, сілтеме белгілерді, балық шаруашылығын жүргізуге арналған құрылысжайларды жоюға;
5. балықтардың және басқа да су жануарларының сирек кездесетін және жойылып кету қаупі төнген түрлерін, олардың бөліктерін немесе дериваттарын Қазақстан Республикасы Үкіметінің шешімінсіз алып қоюға;
6. балық ресурстарын және басқа да су жануарларын белгіленген лимиттен артық және жануарлар дүниесін пайдалануға арналған рұқсаттарда немесе жолдамаларда көрсетілген мерзімдерден тыс, сондай-ақ тыныштық аймақтарында олжалауға;
7. балық ресурстарын және басқа да су жануарларын осы Қағидаларда көзделмеген оларды олжалау құралдарының, әдістерінің және тәсілдерінің түрлерін қолдана отырып олжалауға;
8. жарылғыш құрылғыларды, улы химикаттарды қолдана отырып балық ресурстарын және басқа да су жануарларын олжалауға;
9. уәкілетті органның рұқсатынсыз балық ресурстарын және басқа да су жануарларын интродукциялауды, реинтродукциялауды және будандастыруды жүргізуге;
10. балық қыстайтын шұңқырлардың, уылдырық шашатын жерлердің, балық шаруашылығы учаскелерінің және балық аулауға тыйым салынған жерлердің шекараларын белгілейтін бағандарды, жүзбелі таным белгілерін және аншлагтарды жоюға немесе бүлдіруге;
11. балықтарды қорғау құрылғыларынсыз, сондай-ақ «Су тарту құрылыстарының балық қорғау құрылғыларына қойылатын талаптарды бекіту туралы» Қазақстан Республикасы Ауыл шаруашылығы министрінің 2019 жылғы 31 мамырдағы № 221 бұйрығымен (Нормативтік құқықтық актілерді мемлекеттік тіркеу тізілімінде № 18783 болып тіркелген) белгіленген талаптарға сәйкес келмейтін су жинау және ағызу құрылыстарын пайдалануға;
12. елді мекендердің, балық қабылдау пункттерінің жанына бакендер орнату үшін аялдауды және аса қажет жағдайды қоспағанда, балық аулауға тыйым салынған жерлерде су көлігінің тоқтауына;
13. әр түрлі аулау құралдарының түрін бір балық шаруашылығы су айдындарынан және (немесе) учаскелерінен басқаларына арнайы өңдеусіз алып баруға;
14. жергілікті атқарушы органның рұқсатынсыз өзендерде жаңа балық шаруашылығы учаскелерін, ұйықтарды (ұйықтық учаскелерді), ағызу және жүзу жолдарын ашуға;
15. су айдындарында немесе оған тікелей жақын жерде қолдану осы Қағидаларда көзделмеген балық аулау құралдарымен болуға;
16. осы Қағидалардың 8-тармағының төртінші бөлігінде көрсетілген жағдайларды қоспағанда, балықтарды ноқталарында сақтауға, жүзу құралдарынан және балық аулау құралдарынан шыққан өлі және ауру балықты суға және жағалау белдеуіне лақтырып тастауға;
17. осы Қағидаларда белгіленген кәсіпшілік өлшемнен кем мөлшерде балық аулауға, қабылдауға, сатып алуға-сатуға, тасымалдауға және сақтауға;
18. жеке және заңды тұлғаларға түрін көрсетпестен немесе «басқа» және «майда» деген атаумен тапсыруды және қабылдауды жүзеге асыруға;
19. екі және одан да көп аумен (құлыптаудағы) сүзуді бір мезгілде жүргізуге, сондай-ақ алдыңғы ауды жағалауға толық лақтырғанға дейін ауды сүзуді бастауға;
20. балық шаруашылығы су айдындарында және (немесе) учаскелерінде балық аулауға тыйым салынған кезеңде, сондай-ақ балық аулауға тыйым салынған жерлерде аумақтық бөлімшемен келісусіз қозғалтқыштары қосылған су көлігінің барлық түрлерінің жүруіне;
21. санитариялық күзет аймақтары мен акваториялар шегінде жануарлар дүниесін пайдалануға рұқсатсыз және осы Қағидаларда көзделген құжаттарды ресімдеусіз жеке және заңды тұлғалардың балық ресурстарын және басқа да су жануарларын сатып алуына және өткізуіне жол берілмейді.

1. бөгеттердің, шлюздердің және көпірлердің жанында, көлдерді өзара және негізгі өзенмен жалғастыратын тармақтарда, мелиорациялық жүйелердің жеткізу арналары мен бұрмаларда, өзендер мен арналардың сағалары су айдынның құятын тұсынан екі жағындағы 500 метрдегі қашықтықта және су айдынының 500 метр ішкі қашықтықта, сондай-ақ өзен немесе арнаның ағысымен жоғарғы қарай 1500 метр қашықтықтағы аралығында;
2. Балық аулау қағидаларында көзделмеген балық аулау құралдарымен;
3. биологиялық негіздеменің негізінде уәкілетті орган белгілейтін мерзімдерде және орындарда қысқы кезеңде балықтардың қыстайтын шұңқырларында, уылдырық шашу кезінде уылдырық шашатын жерлерде және өзге де учаскелерде;
4. Қазақстан Республикасының «Ішкі су көлігі туралы» 2004 жылғы 6 шілдедегі Заңымен белгіленген тәртіппен тіркелмеген және тіркеу нөмірлері көрсетілмеген жүзу құралдарымен;
5. жануарлар дүниесін пайдалануға арналған рұқсатқа сәйкес ұйымның атауы және балық аулау құралдарының өлшемдері көрсетiлген жапсырмалары жоқ кәсіпшілік балық аулаудың балық аулау құралдарымен;
6. теңізде және өзендерде бекіре балықтарды аулауға арналған құрылған аулау құралдарымен;
7. алкогольден немесе есірткіден масаң болу немесе өзге түрде улану жағдайларында;
8. осы Балық аулау қағидаларымен, шектеулермен және тыйымдармен жол берілмейтін тәсілдермен;
9. аулау құралдары өзеннің немесе өзен тармағы енінің үштен екіден астамын қамтып;
10. құрмалы аулау құралдарын шахматтық тәртіппен, вентерлер мен секреттерді өзендер мен бастаулардың, құятын каналдардың сағасынан 500 метр радиуста орнатумен;
11. кәсіпшілік балық аулауды жүзеге асыру кезінде бөгеттерден, шлюздер мен көпірлерден 500 метрден жақын қашықтықта;
12. тиісті ғылыми ұйымдар берген, мемлекеттік экологиялық сараптамаға жататын биологиялық негіздеменің негізінде уәкілетті орган белгілейтін орындарда және мерзімдерде балық ресурстарының және басқа да су жануарларының көбеюі кезеңінде олардың шоғырлану орындары мен өрістеу жолдарында;
13. жарылғыш құрылғыларды, химиялық және улы заттарды, сондай-ақ атыс қаруын пайдаланумен;
14. уәкілетті органның рұқсатынсыз тізбеге енгізілмеген балық аулау құралдарының түрлері мен тәсілдерін қолданумен балық аулауға жол берілмейді.

Барлық маусымда жалғасатын тыйымдар бар. Спорттық балық аулаумен және браконьерлікпен қайда айналысатыныңызды түсіну маңызды.

Сонымен, балық ресурстарын және басқа да су жануарларын, олардың бөліктері мен туындыларын пайдалану орындары мен мерзімдері белгіленді.

Әуесқойлық (спорттық) балық аулау кезінде төмендегілерді пайдалануға болады:

• 1 балық аулаушыға 5 данадан аспайтын ілмектері бар қармақтардың барлық атауларымен (жылтырауық, қармақ, жыртқыш балықтарды аулауға арналған қармақтар, спиннингтер) қармақтарды;
• су асты аңшылығына арналған қаруды;
• торлы дорбаны;
• жылтыр қармақтарды;
• 1 балық аулаушыға 3 данадан аспайтын ілмектерді, шаяндар аулауға арналған аспаптарды пайдалануға болады.