Аңшы куәлігін қалай алуға болады

Инструкция

Аңшы куәлігін жеке тұлғаның тұрғылықты жері бойынша қауымдастықтың филиалдары немесе өкілдіктері он жыл мерзімге береді.

Аңшы куәлігін алуға мүдделі жеке тұлға Қазақстан Республикасы Ауыл шаруашылығы министрінің 2012 жылғы 13 наурыздағы № 25-03-02/95 бұйрығымен бекітілген аңшылық минимумын оқиды және Қазақстан Республикасы Ауыл шаруашылығы министрінің 2015 жылғы 30 қаңтардағы № 18-03/57 бұйрығымен бекітілген аңшылар мен аңшылық шаруашылығы субъектілерінің қоғамдық бірлестіктері республикалық қауымдастығының аңшылық минимумын өткізу қағидаларына сәйкес тестілеуден өтеді.

Аңшылық минимум курсын бітіргені туралы сертификат алған кезде жеке тұлға бекітілген нысан бойынша сауалнама толтырады.

Берілген сертификат аңшы куәлігін беру үшін негіз болып табылады.

Аңшы куәлігін беруді сертификат ұсынылғаннан кейін филиалдың немесе өкілдіктің жауапты адамы бес жұмыс күнінен кешіктірмей жүргізеді.

Аңшының куәлігімен бір мезгілде филиал немесе өкілдік бекітілген нысан бойынша аңшының есепке алу карточкасын толтырады, содан кейін аңшы куәлігінің қолданылу мерзімі ішінде бөтен адамдар үшін қол жетпейтін жабық шкафтарда сақталатын аңшының жеке ісі қалыптастырылады.

Аңшы куәлігін беру фактісі бекітілген нысан бойынша аңшы куәлігін тіркеу журналында тіркеледі.

Егер аңшы куәлігі жоғалған немесе әрекет ету мерзімі аяқталғанға дейін жарамсыз болған жағдайда (бүліну, тозу) аңшының есепке алу карточкасы болған кезде оны ауыстыру немесе телнұсқа беру жүргізіледі.

Аумағында аңшы куәлігі берілген әкімшілік-аумақтық бірліктің (Облыстың) шегінен тыс тұрақты тұрғылықты жерге көшкен жағдайда, сондай-ақ аңшы куәлігі мен есепке алу карточкасында ескерілетін басқа да деректер өзгерген кезде аңшы филиалға немесе өкілдікке оның есепке алынған жері бойынша болған өзгерістер туралы хабарлайды.

Келген күннен бастап күнтізбелік отыз күн ішінде Аңшы жаңа тұрғылықты жері бойынша филиалда немесе өкілдікте есепке тұрады. Бұл ретте тиісті филиал немесе өкілдік аңшының бұрынғы тіркелген жерінен шыққаны туралы белгісі бар есепке алу карточкасының түпнұсқасын және оның жеке ісін сұратады.

Аңшы куәлігін алу үшін қауымдастыққа немесе оның өкілдігіне келесі құжаттар тізбесі ұсынылады:

• жеке куәлік;
• өлшемі 3х4см фотосурет - 3 дана.;
• аңшылық минимум курсын аяқтау сертификаты;
• 2 АЕК мөлшерінде мемлекеттік бажды төлеу туралы түбіртектің көшірмесі.

«Қансонар» аңшылар қоғамдық бірлестігі мен аңшылық-шаруашылық субъектілері республикалық қауымдастығының және өкілдіктерінің мекенжайлары (ашылым)

1. «Қансонар» аңшылар қоғамдық бірлестігімен аңшылық-шаруашылық субъектілері республикалық қауымдастығы - Астана қ., Д. Қонаев көш, 12/1, 423-кеңсе;
2. Қауымдастықтың Алматы облысы бойынша Өкілдігі - Алматы облысы, Талдықорған қ., Қойшыбеков көш., 44;
3. Қауымдастықтың Батыс -Қазақстан облысы бойынша Өкілдігі - Батыс-Қазақстан облысы, Орал қ., Досмұхамедов көш., 77а;
4. Қауымдастықтың Солтүстік Қазақстан облысы бойынша Өкілдігі – Солтүстік Қазақстан облысы, Петропавл қ., Амангелді көш., 137;
5. Қауымдастықтың Алматы қаласы бойынша Өкілдігі – Алматы қ., Алмалы ауданы, Манас көш., 22б;
6. Қауымдастықтың Атырау облысы бойынша Өкілдігі - Атырау облысы, Атырау қ., Салтанат Балғымбаев көш., 38;
7. Қауымдастықтың Астана қаласы бойынша Өкілдігі - Астана қ., Торайғыров көш., 41;
8. Қауымдастықтың Ақмола облысы бойынша Өкілдігі - Ақмола облысы, Көкшетау, Сүлейменов көш., 33б;
9. Қауымдастықтың Жамбыл облысы бойынша Өкілдігі - Жамбыл облысы, Тараз қ., Кенен Әзірбаев көш., 38а;
10. Қауымдастықтың Қостанай облысы бойынша Өкілдігі - Қостанай облысы, Қостанай қ, Гоголь көш., 181;
11. Қауымдастықтың Түркістан облысы бойынша Өкілдігі - Түркістан облысы, Ордабасы ауданы, Темирлановка ауылы, А.Молдашимов көш., 8;
12. Қауымдастықтың Қарағанды облысы бойынша Өкілдігі- Қарағанды облысы, Теміртау қ., 6-ы.а, 6;
13. Қауымдастықтың Павлодар облысы бойынша Өкілдігі - Павлодар облысы, Павлодар қ., генерал Дүйсенов көш., 18/2, 16-пәтер;
14. Қауымдастықтың Маңғыстау облысы бойынша Өкілдігі - Маңғыстау облысы, Ақтау қ., 4 ы.а., 1-үй;
15. Қауымдастықтың Ақтөбе облысы бойынша Өкілдігі – Ақтөбе облысы, Ақтөбе қ., Сәңкібай батыр д-лы, 130б;
16. Қауымдастықтың Шығыс-Қазақстан облысы бойынша Өкілдігі - Шығыс-Қазақстан облысы, Өскемен қ., Красин көш., 3

Куәлік аламын деушілерге шектеулер жоқ.

Филиалда қайтарымсыз негізді «Аңшылық минимум»  курсы бойынша оқу және тестілеу өткізілуі мүмкін.

Тестілеу кезінде өту балы 25 сұраққа 20 жауапты құрайды. Теріс нәтиже болған жағдайда қайта тестілеу 1 айдан кейін жүргізіледі. Қайта тестілеуді тапсыра алмаған жағдайда өтініш беру 6ай өткеннен мүмкін.

Комиссияның оң шешімі кезінде сертификат беріледі. Сертификат аңшы куәлігін беруге негіз болып табылады.

Дата обновления - 16.11.2023

Справочная информация