Пайдалануға беру және жаңа техникалық паспорт алу

Мердігер құрылыс жұмыстарын аяқтағаннан кейін сізге Меншік иесінің салынған объектіні пайдалануға өзіндік қабылдау ережесіне 2-қосымшаға сәйкес нысан бойынша пайдалануға қабылдау актісін ресімдеумен жұмыстарды қабылдау қажет.

Актіге меншік иесі, яғни сіз, мердігер және жобалау ұйымының өкілі қол қояды. Содан кейін әкімдігіңіздің Сәулет және қала құрылысы басқармасында актіні бекіту қажет.

Жылжымайтын мүлік объектісіне техникалық паспорт алу үшін:

• Техникалық паспорт алуға өтініш;
• Көрсетілетін қызметті алушының (жеке тұлғаның) және көрсетілетін қызметті алушының уәкілетті өкілінің жеке басын куәландыратын құжат (түпнұсқа көрсетілетін қызметті алушының жеке басын сәйкестендіру үшін ұсынылады), сондай-ақ көрсетілетін қызметті алушы өкілінің өкілеттігін растайтын құжаттың көшірмесі;
• Жер учаскесіне сәйкестендіру құжаты қоса берілген жылжымайтын мүлік объектісіне құқық белгілейтін құжаттар;
• Тауарлар (жұмыстар, қызметтер) бағасына сәйкес техникалық паспорт беру үшін төлемді растайтын құжат.

Өтінішті қабылдау және мемлекеттік қызметті көрсету нәтижесін беру:

1. "Азаматтарға арналған үкімет" МК КЕАҚ филиалдары (ХҚКО), көрсетілетін қызметті алушының жылжымайтын мүлік объектісінің орналасқан жері бойынша;
2. "электрондық үкіметтің" веб-порталы: gov.kz

Мемлекеттік қызмет көрсетудің мерзімдері:

көрсетілетін қызметті берушіге жүгінген кезде көрсетілетін қызметті алушы құжаттар топтамасын тапсырған сәттен бастап (құжаттарды қабылдау күні мемлекеттік қызмет көрсету мерзіміне кірмейді) және порталға:

1. құқықтық кадастрдың ақпараттық жүйесіне жаңадан құрылған жылжымайтын мүлікке ғимараттардың, құрылыстардың және (немесе) олардың құрамдас бөліктерінің сәйкестендіру және техникалық мәліметтерін енгізу – бір жұмыс күні;
2. жылжымайтын мүлік объектісінің түріне байланысты техникалық паспорт беру:

• пәтерлерге, жатақханалардағы бөлмелерге техникалық паспорт үшінші жұмыс күні беріледі;
• жеке тұрғын үйлерге, жеке гараждарға, саяжай құрылыстарына техникалық паспорт бесінші жұмыс күні беріледі;
• жалпы ауданы 1000 шаршы метрге дейінгі қалған жылжымайтын мүлік объектілеріне техникалық паспорт жетінші жұмыс күні беріледі;
• жалпы алаңы 1000 шаршы метрден асатын объектілерге техникалық паспорт көрсетілетін қызметті алушы жүгінген күннен бастап оныншы жұмыс күні беріледі;
• бірінші күрделілік санатына жататын осы тармақшаның екі және үш абзацтарында көрсетілген жылжымайтын мүлік объектілерін қоспағанда, жылжымайтын мүлік объектілеріне техникалық паспорт бесінші жұмыс күні беріледі.

Жылжымайтын мүлік объектілерінің техникалық паспортын алуға электрондық өтініш беру үшін:

• ұялы байланыс операторы ұсынған көрсетілетін қызметті алушының абоненттік нөмірін тіркеген және порталдың есептік жазбасына қосқан жағдайда, ЭЦҚ-мен немесе бір реттік парольмен куәландырылған электрондық құжат нысанындағы сұрау салу;
• жер учаскесіне сәйкестендіру құжаты қоса берілген жылжымайтын мүлік объектісіне құқық белгілейтін құжаттың электрондық көшірмесі;

Пәтерді, жатақханалардағы бөлмелерді және жапсарлас үй-жайларды техникалық тексеруге өтініш білдірген жағдайда жер учаскесіне сәйкестендіру құжаты ұсынылмайды.

Мемлекеттік ақпараттық жүйелерде қамтылған жеке басын куәландыратын құжат туралы мәліметтерді, ЭҮТШ арқылы жүргізілген төлемді көрсетілетін қызметті беруші тиісті мемлекеттік ақпараттық жүйелерден "электрондық үкімет"шлюзі арқылы алады.

Мемлекеттік қызметті көрсету кезінде, егер Қазақстан Республикасының заңдарында өзгеше көзделмесе, көрсетілетін қызметті алушы ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға жазбаша келісім береді.

Портал арқылы көрсетілетін қызметті алушының жеке кабинетіне мемлекеттік көрсетілетін қызмет нәтижесінің дайын екендігі туралы хабарлама жіберіледі.

Бұл ретте, мемлекеттік қызметті көрсету нәтижесін көрсетілетін қызметті беруші көрсетілетін қызметті алушы техникалық паспортты бергені үшін қосымша төлемді растайтын құжатты ұсынған кезде береді, ал қызметтер көрсетуге шарт жасасқан кезде көрсетілетін қызметті алушы қол қойған орындалған жұмыстар актісін қосымша ұсынады.

Барлық негізгі рәсімнің аяқталу кезеңі пайдалануға беру актісін тіркеу болады.

Жаңа техпаспортты алғаннан кейін пайдалануға беру актісін тіркеу үшін жүгіну қажет.

"Жылжымайтын мүлікке құқықтарды (ауыртпалықтарды) мемлекеттік тіркеу" мемлекеттік қызмет стандартының негізінде акт тіркеледі.

Ыңғайлылық үшін электрондық техникалық паспортты алу жөніндегі  өтінішті онлайн-қызмет арқылы беруге болады.