Меню
Облыстың жергілікті атқарушы органдары қоғамдық-саяси жағдайдың тұрақтылығын сақтау бойынша жүйелі жұмыстар жүргізуде.
«Қазақстан Республикасында бейбіт жиналыстарды ұйымдастыру және өткізу тәртібі туралы» Қазақстан Республикасының заңың іске асыру бойынша облыста бейбіт жиналыстар мен акциялар өткізуге арнайы 12 орын, бейбіт шеру өткізуге 10 бағыт белгіленді.
Қоғамдық даму басқармасының қызметін аналитикалық қамтамасыз етуді «Коммуникация және талдау орталығы» КММ жүзеге асырады.
Талдау және болжау орталығы тарапынан қоғамдық-саяси ахуалдың тұрақтылығына кері әсер етуі мүмкін жарияланымдарды, арандатушылық ақпараттарды анықтау мақсатында күнделікті ресми сайттарға және әлеуметтік желілерге мониторинг жүргізіледі. Мониторинг барысында анықталған теріс жарияланымдар жауап алу және қажетті шаралар қабылдау үшін жергілікті басқару органдарына, облыстық басқармалар мен департаменттерге және тиісті құрылымдарға жіберіледі.
Облыстың әлеуметтік-саяси жағдайын және әлеуметтік-экономикалық дамуын талдау және болжау мақсатында әлеуметтанулық зерттеулер, көпшілік сұраулар, интернет сауалнамалар жүргізіледі.
Ақпаратқа қол жеткізу саласындағы мәселелер Қазақстан Республикасы Ақпарат және қоғамдық даму министрлігі жанындағы қоғамдық мүдделерді қорғау мақсатында жұмыс істейтін консультативтік-кеңесші органның – ақпаратқа қол жеткізу мәселелері жөніндегі комиссияның отырыстарында қаралады.
Құрамына Парламент депутаттары, мемлекеттік органдардың, "Атамекен" ҰКП және қоғамдық ұйымдардың өкілдері кіретін комиссияның отырыстары тоқсан сайын (министрліктің Facebook парақшасында онлайн-трансляциямен) өткізіледі.
Қорытындысы бойынша ақпарат иелері, оның ішінде мемлекеттік органдар үшін тиісті ұсынымдар әзірленеді.
Қазақстан Республикасының Мемлекеттік рәміздерін дұрыс пайдалану тәртібі:
1) Қазақстан Республикасының «Мемлекеттік рәміздер туралы» 2007 жылғы 4 маусымдағы №258 Конституциялық заңымен;
2) «Қазақстан Республикасының Мемлекеттік Туын, Мемлекеттік Елтаңбасын және олардың бейнелерін, сондай-ақ Қазақстан Республикасы Мемлекеттік Гимнінің мәтінін пайдалану (орнату, орналастыру) қағидаларын бекіту туралы» Қазақстан Республикасы Үкіметінің 2007 жылғы 2 қазандағы N 873 Қаулысымен;
3) Қазақстан Республикасы Мәдениет және ақпарат министрлігінің «Ұлттық стандарттарға сәйкес келмейтін Қазақстан Республикасының Мемлекеттік Туын, мемлекеттік Елтаңбасын ауыстыру және жою қағидаларын бекіту туралы» 2023 жылғы 8 маусымдағы №137 бұйрығымен реттеледі.