Жиі қойылатын сұрақтар
«Болашақ» халықаралық стипендиясын тағайындау конкурсына қатысуға жеке тұлғалар көрсетілетін қызметті берушіге «электрондық үкімет» веб-порталы арқылы «Болашақ» халықаралық стипендиясын тағайындау конкурсына қатысу үшін құжаттарды қабылдау» мемлекеттік көрсетілетін қызметке қойылатын негізгі талаптардың тізбесінде көзделген құжаттарды қоса береді. https://adilet.zan.kz/kaz/docs/V2000020730#z21
Мысалы:
Үміткер «Болашақ» халықаралық стипендиясын алуға конкурстық іріктеуге қатысу үшін құжаттарды қолма-қол тапсыра алады ма?
Жоқ, қолма-қол тапсыра алмайды. Үміткерлер құжаттарды тек Қазақстан Республикасының Ғылым және жоғары білім министрлігі белгілеген қабылдау мерзімі ішінде «Электрондық үкімет» e-gov.kz веб-порталы арқылы тапсыра алады.
https://egov.kz/cms/kk/services/higher_education/184pass_mon
Қазақстан Республикасы Үкіметінің 2008 жылғы 11 маусымдағы № 573 қаулысына https://adilet.zan.kz/kaz/docs/P080000573 сәйкес, құжат қабылданатын және конкурстық іріктеу өткізілетін мерзімді жұмыс органы жыл сайын бекітеді және Қазақстан Республикасының бүкіл аумағына таралатын Қазақстан Республикасының бұқаралық ақпарат құралдарында құжат қабылдау мерзімі басталғанға дейін кемінде күнтізбелік 10 (он) күн қалғанда орналастырады.
«Болашақ» халықаралық стипендиясына құжаттарды қабылдау мерзімдері «Халықаралық бағдарламалар орталығы» АҚ ресми сайтында жарияланады: https://bolashak.gov.kz/ru
Мысалы:
Үміткер белгіленген мерзімде конкурстық іріктеуге қатысу үшін құжаттарын тапсырып үлгермесе, оларды қабылдау мерзімі аяқталғаннан кейін тапсыра ала ма?
Жоқ, үміткер құжаттарды қабылдаудың бекітілген мерзімінде тапсыруы керек.
Қазақстан Республикасы Үкіметінің 2008 жылғы 11 маусымдағы №573 қаулысына сәйкес «Болашақ» стипендиясын тағайындауға арналған конкурсы (https://adilet.zan.kz/kaz/docs/P080000573). «Болашақ» халықаралық стипендиясын тағайындауға конкурстық іріктеудің үшінші кезеңінің нәтижелерін Республикалық комиссия қарайды. Алғашқы екі тур өткізілгеннен кейін әкімші материалдарды жұмыс органына үшінші тур өткізілетін күнге дейін күнтізбелік 15 күннен кешіктірмей енгізеді. Үшінші турда Республикалық комиссия бірінші және екінші турдың нәтижелерін қарастырып, «Болашақ» стипендиясын тағайындау немесе тағайындаудан бас тарту туралы түпкілікті шешім қабылдайды, ол туралы үміткерге 3 (үш) жұмыс күні ішінде Әкімшінің ресми интернет-ресурсында ақпаратты орналастыру арқылы жарияланды.
«Болашақ» бағдарламасының ресми порталында (https://bolashak.gov.kz/kz) «Болашақ» стипендиясы тағайындалған стипендиаттардың ғана мәліметтері жарияланады. Стипендия тағайындалмау туралы нақты ақпарат алу үшін «Халықаралық бағдарламалар орталығы» АҚ-ның электрондық поштасына жүгіну қажет (info@bolashak.gov.kz).
Мысалы:
Мен өз атымды Ресми сайтта жарияланған «Болашақ» стипендиясына ұсынылған тізімнен таба алмадым. Неліктен мен тізімде жоқпын?
Сізге «Халықаралық бағдарламалар орталығы» АҚ-ның электрондық поштасына (info@bolashak.gov.kz) сұрағыңыз мен өз деректеріңізді жазу арқылы хабарласу қажет.
Үкіметаралық келісімдер шеңберінде оқуға ниет білдірген үміткерлер қосымша ақпарат алу үшін +7 (7172) 76-90-76 (ішкі 110, 112, 113, 114, 115) нөмірі бойынша «Халықаралық бағдарламалар орталығы» акционерлік қоғамына (бұдан әрі - Орталық) жүгіне алады. Сондай-ақ, барлық ақпарат Орталықтың сайтында жарияланады https://bolashak.gov.kz/kz
Мысалы:
Астанадан келген үміткер «Халықаралық бағдарламалар орталығынан» кеңес алып, құжаттарын тікелей кеңседе тапсырғысы келеді. Ол үшін кеңсеге келе алады ма?
Иә. Үміткер «Халықаралық бағдарламалар орталығы», Сығанақ 70 мекенжайы бойынша жүгіне алады.
«Цифрлық құжаттар» сервисіндегі мәліметтер «Жоғары білім берудің бірыңғай платформасы» ақпараттық жүйесінің (бұдан әрі – ЖББП) деректері негізінде көрсетіледі. Білім туралы деректерді ЖББП-ға деректерді толтырудың толықтығы мен сапасына жауапты Қазақстан Республикасының жоғары және жоғары оқу орнынан кейінгі білім беру ұйымдары тікелей енгізеді.
Баяндалғанның негізінде, цифрлық диплом туралы мәліметтерді жедел өзектендіру мақсатында Университетке тікелей өтінім беру мүмкіндігімен «Электрондық үкімет» порталы арқылы «Жоғары және жоғары оқу орнынан кейінгі білім туралы құжаттар туралы мәліметтерді өзектендіру (түзету)» мемлекеттік қызметін пайдалануды ұсынады. Мемлекеттік қызмет көрсету мерзімі – 15 жұмыс күн.
https://adilet.zan.kz/kaz/docs/V2300031894
Мысалы: Азамат Б.И.-дың Шымкент университетінен алған дипломының электронды нұсқасында оқу нысаны – сырттай, қағаз нұсқасында оқу нысаны – күндізгі. Осыған орай, азамат Б.И. дипломдағы мәліметтерді түзету үшін «Электрондық үкімет» порталы арқылы «Жоғары және жоғары оқу орнынан кейінгі білім туралы құжаттар туралы мәліметтерді өзектендіру (түзету)» мемлекеттік қызметін пайдаланып, қызмет нәтижесін 15 күннің ішінде алды.
Білім беру ұйымы жабылған жағдайда жеке тұлғалар білім беру ұйымының тұрғылықты орны бойынша архивке жүгіне алады.
Мемлекеттік архивтер мен олардың филиалдары, ведомстволық және жекеменшік архивтер берген көшірмелер мен үзінділер түпнұсқалық заңды күші бар ресми құжаттар болып табылады.
https://adilet.zan.kz/kaz/docs/V2300031894
Мысалы:
Азамат Т.Е. Қазақстан-Ресей университеті берген жоғары білім туралы дипломын «Egov-mobile» қосымшасының «Цифрлық құжаттар» сервисінде шығаруды сұраған. Алайда, қазіргі таңда, аталған білім беру ұйымы жабылғандықтан, азамат Т.Е. «Egov-mobile» қосымшасы, www.egov.kz веб-порталы, «Азаматтарға арналған үкімет» мемлекеттік корпорациясы арқылы «Мұрағаттық анықтама беру» мемлекеттік қызметіне өтініш беру қажет. Мемлекеттік қызметті орындау мерзімі – 5 жұмыс күн.
«Egov-mobile» қосымшасында «Цифрлық құжаттар» сервисіндегі мәліметтер «Жоғары білім берудің бірыңғай платформасы» ақпараттық жүйесінің (бұдан әрі – ЖББП) деректері негізінде көрсетіледі. ЖББП-дағы функционал деректерді толтырудың толықтығы мен сапасына жауапты Қазақстан Республикасы жоғары және жоғары оқу орнынан кейінгі білім беру ұйымдарының (бұдан әрі – ЖЖОКБҰ) деректерін есепке алуға көзделген.
ЖББП-да шетелдік жоғары оқу орындарының есебінің болмауына байланысты дипломды цифрландыру мүмкін емес.
Шетелдік білім беру ұйымдары берген білім туралы құжаттардың ресми расталуы уәкілетті орган берген білім туралы құжаттарды тану туралы куәлік болып табылады.
https://adilet.zan.kz/kaz/docs/V2300031894
Мысалы: Азаматша А.Е. «Түрікмен политехникалық институтында» оқыған дипломын «Egov-mobile» қосымшасының «Цифрлық құжаттар» сервисінде шығаруды сұраған. «Egov-mobile» қосымшасында «Цифрлық құжаттар» сервисіндегі мәліметтер ЖББП ақпараттық жүйесінің деректері негізінде көрсетілетіндіктен, шетелдік білім беру ұйымдарының құжаттарын цифрландыру мүмкіндігі жоқ.
Қазақстан Республикасы Ғылым және жоғары білім министрлігі білім алушылардың оқу кезеңдері туралы деректерді ғана ұсынады. «Жоғары білім берудің бірыңғай платформасы» ақпараттық жүйесіне (бұдан әрі – ЖББП) деректерді Қазақстан Республикасының жоғары және (немесе) жоғары оқу орнынан кейінгі білім беру ұйымдары (бұдан әрі – ЖЖОКБҰ) енгізеді және олар деректердің толықтығы мен дұрыстығы үшін жауапты.
Осыған байланысты оқу кезеңдерінің дұрыс көрсетілуіне қатысты мәселелер бойынша алдымен тиісті жоғары және (немесе) жоғары оқу орнынан кейінгі білім беру ұйымына жүгіну ұсынылады.
Білім беру ұйымы ұсынған өзекті және расталған ақпарат болған жағдайда, әлеуметтік қамтамасыз ету мақсатында (соның ішінде зейнетақымен қамсыздандыру және міндетті әлеуметтік сақтандыру үшін) оқу кезеңдерін есепке алу мәселелерін шешу үшін әлеуметтік қамтамасыз ету саласындағы мемлекеттік саясатты қалыптастыру және іске асыру жөніндегі уәкілетті мемлекеттік органға – Қазақстан Республикасы Еңбек және халықты әлеуметтік қорғау министрлігіне жүгінген орынды.
Мысалы: А.Е. азаматшасы Алматы гуманитарлық-экономикалық университетінің түлегі болып табылады, оны 2025 жылдың шілде айында бітірген. Сол уақытта «Сақтандыру» ақпараттық жүйесінде оның шілде, тамыз және қыркүйек айларында «сақтандырылған» мәртебесі тіркелген. Осындай жағдайда А.Е. азаматшасына төмендегілер қажет:
https://adilet.zan.kz/kaz/docs/V1800017657
1. Университеттегі оқу кезеңі туралы деректерді нақтылау және қажет болған жағдайда ЖББП-да оларды өзектендіру;
2. Деректерді өзектендіргеннен кейін әлеуметтік қамтамасыз ету саласындағы уәкілетті орган – Қазақстан Республикасының Еңбек және халықты әлеуметтік қорғау министрлігіне жаңартылған деректерді ескере отырып мәселені қарастыру үшін жүгіну.
«Цифрлық құжаттар» сервисіндегі мәліметтер «Жоғары білім берудің бірыңғай платформасы» ақпараттық жүйесінің (бұдан әрі – ЖББП) деректері негізінде көрсетіледі. ЖББП-дағы функционал деректерді толтырудың толықтығы мен сапасына жауапты Қазақстан Республикасы жоғары және жоғары оқу орнынан кейінгі білім беру ұйымдары (бұдан әрі – ЖЖОКБҰ) тікелей енгізеді. Осыған байланысты Сіз ЖЖОКБҰ-ға (канцеляриясына) тікелей жүгіне аласыз: https://adilet.zan.kz/kaz/docs/V1800017657.
Мысалы, азаматша М.К. Қорқыт ата атындағы Қызылорда мемлекеттік университетінде алған жоғары білім туралы дипломын цифрландырғысы келеді. Ол үшін М.К. eGov mobile мобильді қосымшасы арқылы eOtinish функциясын пайдаланып, өзі білім алған оқу орнына өтініш жолдайды және дипломының сканерленген көшірмесін (бар болған жағдайда) қоса тіркейді немесе ЖЖОКБҰ-ға тікелей жүгінеді.
ЖЖОКБҰ 15 күннен аспайтын мерзімде диплом деректерін өзінің ақпараттық жүйесіне енгізу арқылы «eGov mobile» қосымшасында дипломның цифрлық нұсқасын жаңартады.
Қазақстан Республикасының аумағында шетелдік білім беру ұйымы берген білім туралы құжаттың заңды күшінің болуы үшін, оқуды жалғастыру немесе жұмысқа орналасу мақсатында оны тану рәсімінен өту қажет.
«Білім туралы» Қазақстан Республикасының Заңының 39-бабына сәйкес (https://adilet.zan.kz/kaz/docs/Z070000319_#z218), шетелдік білім беру ұйымдары, оның ішінде олардың филиалдары, сондай-ақ ғылыми орталықтар мен зертханалар берген білім туралы құжаттар Қазақстан Республикасының аумағында заңнамада белгіленген тәртіппен танылуға жатады және оларды аяқтаған тұлғаларға тиісті куәлік беріледі.
Білім туралы құжаттарды тану рәсімі мемлекеттік қызмет болып табылады және Қазақстан Республикасы Ғылым және жоғары білім министрінің 2023 жылғы 12 маусымдағы № 268 бұйрығымен бекітілген Білім туралы құжаттарды тану қағидаларымен (бұдан әрі – Қағидалар) реттеледі (https://adilet.zan.kz/kaz/docs/V2300032800).
Қағидалардың 9-тармағына сәйкес, тануға басқа мемлекеттерде, сондай-ақ халықаралық немесе шетелдік оқу орындарында (оның ішінде олардың филиалдарында), ғылыми орталықтар мен зертханаларда білім алған жеке тұлғалардың жоғары және жоғары оқу орнынан кейінгі білім туралы құжаттары жатады.
Мысалы, егер сізде шетелдік жоғары немесе жоғары оқу орнынан кейінгі білім туралы диплом болса, оны Қазақстанда растау үшін тану рәсімінен өту қажет. Бұл рәсім құжаттың түпнұсқалығын тексеруді және біліміңіздің талаптарға сәйкестігін растауды қамтиды. Нәтижесінде сіз өз мамандығыңыз бойынша жұмыс істеуге немесе Қазақстандағы білім беру ұйымдарында оқуды жалғастыруға құқықылысыз.
«Білім туралы құжаттарды тану» мемлекеттік қызметін көрсетуші – Жоғары білімді дамыту ұлттық орталығы (бұдан әрі – Орталық) болып келеді.
Өтініштерді қабылдау және мемлекеттік қызмет көрсету нәтижесін беру «электрондық үкімет» веб-порталы арқылы немесе «Азаматтарға арналған үкімет» Мемлекеттік корпорациясы» Коммерциялық емес акционерлік қоғамы арқылы жүзеге асырылады.
Осы рәсімнен өту үшін қажетті құжаттардың тізбесі Қағидаларға 3-қосымшада көрсетілген мемлекеттік қызмет көрсетуге қойылатын негізгі талаптар тізбесінде айқындалған.
Білім туралы құжаттарды тану мәселелері бойынша қосымша ақпаратты Орталықтың https://enic-kazakhstan.edu.kz/ru/ ресми сайтынан «Білім туралы құжаттарды тану» бөлімінен немесе келесі телефондар арқылы алуға болады: 8 (7172) 57-20-83, 57-20-86.