Жиі қойылатын сұрақтар
Өтінішке берілген жауап eotinish.kz сайтындағы жеке кабинетте және eGov mobile https://egovmobile.page.link/eOtinish сілтемесі бойынша қолжетімді.
"Менің өтініштерім" салымын тексеріңіз.
Сонымен қатар, нәтижелермен жақын маңдағы ХҚКО бөлімшесінде немесе өтініш берілген мемлекеттік органда ЖСН не өтініш нөмірі арқылы танысуға болады.
Арыз, хабарлама, үн қосу, ұсыныс, сұрату негізінде қозғалған әкімшілік рәсімнің мерзімі өтініш түскен күннен бастап 15 жұмыс күнін құрайды.
Көрсетілген мерзім әкімшілік орган басшысының уәжді шешімімен ұзартылуы мүмкін.
Шағымды қарау мерзімі ол келіп түскен күннен бастап 20 жұмыс күнін құрайды.
Заңгерлік көмек көрсетуіне байланысты адвокаттың сұратуына жазбаша жауап келіп түскен күнінен бастап 10 жұмыс күні ішінде беріледі.
Егер сұратудың өзінде өзгеше көрсетілмесе, БАҚ-тың сұратуына жауап ол келіп түскен күннен бастап 7 жұмыс күні ішінде ұсынылады. Қарау мерзімі бір рет ұзартылуы мүмкін.
Ақпарат беру туралы жазбаша сұратуға жауап ақпарат иеленушіге келіп түскен күннен бастап күнтізбелік 15 күн ішінде беріледі.
Жазбаша сұрату бойынша ақпарат беруден бас тарту туралы уәжді жауап сұрату тіркелген күннен бастап 5 жұмыс күні ішінде ақпаратты пайдаланушының назарына жеткізіледі. Қарау мерзімін ақпарат иеленушінің басшысы ұзарту күнінен бастап үш жұмыс күні ішінде өтініш берушіні хабардар ете отырып, күнтізбелік он бес күннен аспайтын мерзімге бір рет ұзартуы мүмкін.
Тікелей мемлекеттік қызмет көрсететін органның атына келіп түскен көрсетілетін қызметті алушының мемлекеттік қызмет көрсету мәселелері жөніндегі шағымы тіркелген күнінен бастап 5 жұмыс күні ішінде қарауға жатады.
Мемлекеттік қызметтер көрсету сапасын бағалау және бақылау жөніндегі уәкілетті органның (Қазақстан Республикасы Мемлекеттік қызмет істері агенттігі және оның аумақтық бөлімшелері) атына келіп түскен көрсетілетін қызметті алушының шағымы тіркелген күнінен бастап 15 жұмыс күні ішінде қарауға жатады.
Атқарушылық әрекеттер жасауға байланысты сот орындаушыларының (мемлекеттік те, жеке де) сұратулары 3 күн ішінде қаралады.
Салық төлеушінің (салық агентінің) шағымы бойынша ол тіркелген күннен бастап 30 жұмыс күнінен аспайтын мерзімде уәжді шешім шығарылады.
Салық мониторингіне жататын салық төлеушінің шағымы тіркелген күнінен бастап қырық бес жұмыс күні ішінде қаралады.
Еңбек өтілін растау туралы анықтама алу үшін өтінішті келесі:
1) Қызмет көрсетушінің кеңсесі арқылы;
2) "Азаматтарға арналған үкімет" Мемлекеттік корпорациясы" коммерциялық емес акционерлік қоғамы арқылы;
3) Электрондық үкіметтің веб-порталы www.е-gov.kz арқылы беру қажет.
Қазақстан Республикасының 2006 жылғы 15 желтоқсандағы «Мәдениет туралы» Заңының 5-тарау, 24-бабына сәйкес «Кітапханалардың кітапхана қорын қалыптастыру сатып алу, кітап алмасу, сыйға тарту және мемлекеттік тапсырыс бойынша басып шығарылған кітаптарды өтеусіз алу арқылы жүзеге асырылады».
Азаматтарды жеке қабылдау жүгіну кезектілігіне сәйкес жүзеге асырылады. Келесі санаттағы азаматтар кезектен тыс қабылданады:
• Ұлы Отан соғысының ардагерлері;
• Ұлы Отан соғысы ардагерлеріне жеңілдіктері бойынша теңестірілген ардагерлер;
• басқа мемлекеттер аумағындағы ұрыс қимылдарының ардагерлері;
• еңбек ардагерлері;
• мүгедектігі бар адамдар;
• жүкті әйелдер;
• «Алтын Қыран», «Халық қаһарманы», «Қазақстанның Еңбек Ері» ордендерімен марапатталған тұлғалар.
Қазақстан Республикасы Премьер-Министрінің орынбасары - Еңбек және халықты әлеуметтік қорғау министрі 2023 жылғы 30 маусымдағы № 287 Бұйрығына сәйкес мүгедектігі бар адамды абилитациялаудың және оңалтудың жеке бағдарламасына сәйкес мүгедектігі бар адамдарды протездік-ортопедиялық көмекпен, техникалық көмекші (компенсаторлық) құралдармен, арнаулы жүріп-тұру құралдарымен, оларды ауыстыру мерзімдерін қоса алғанда, қамтамасыз ету қағидалары бойынша:
1) «Азаматтарға арналған үкімет» мемлекеттік корпорациясы» коммерциялық емес акционерлік қоғам (бұдан әрі – Мемлекеттік корпорация);
2) Астана, Алматы және Шымкент қалаларының (бұдан әрі – қалалық басқармалар), аудандардың және облыстық маңызы бар қалалардың жергілікті атқарушы органдар (бұдан әрі – ЖАО) (бұдан әрі – жұмыспен қамту бөлімдері);
3) «электрондық үкімет» веб-порталы (бұдан әрі – веб-портал);
4) ұялы байланыс абоненттік құрылғысы (бұдан әрі – абоненттік құрылғысы) арқылы өтініш білдіре аласыз.
Кресло-арбаларды ауыстыру мерзімдері мүгедектігі бар адамдарды протездік ортопедиялық көмекпен, техникалық көмекші (компенсаторлық) құралдармен, мүгедектігі бар адамды абилитациялау мен оңалтудың жеке бағдарламасына сәйкес арнайы жүріп-тұру құралдарымен қамтамасыз ету қағидаларына сәйкес, оларды ауыстыру мерзімдерін қоса айқындалады. Мүгедектігі бар адамдар жеке абилитация және оңалту бағдарламасында (ЖАОБ) әзірленген іс-шараларға сәйкес бір мезгілде бөлмелі және серуендеуге арналған кресло-арбаның бір түрімен не әмбебап кресло-арбаның немесе кресло-роликтің бір түрімен қамтамасыз етіледі.
Бөлмелік және/немесе серуендеуге арналған кресло-арбаны әмбебап кресло-арбаға немесе каталка креслосына ауыстыру олардың біреуін ауыстыру мерзімі өткеннен кейін жүргізіледі.
Ауыстыру мерзімі оларды алған күннен бастап есептеледі:
1) бөлмелі кресло-арбалар -7 жылдан ерте емес;
2) серуендеуге арналған кресло-арбалар - 4 жылдан ерте емес;
3) әмбебап кресло-арбалар - 5 жылдан ерте емес;
4) роликті-орындық - 5 жылдан ерте емес.
Мысалы: 1 топтағы мүгедектігі бар аз. А. 2021 жылғы 3 қыркүйекте серуендеуге арналған кресло-арба берілді. Арбаны ауыстыру мерзімі 2025 жылғы 4 қыркүйек.
Кресло-арбаны алу үшін көрсетілетін қызметті алушы (мүгедектігі бар адам) мыналар арқылы жүгіне алады:
1) «Азаматтарға арналған үкімет» мемлекеттік корпорациясы» коммерциялық емес акционерлік қоғамы (ХҚКО);
2) тұрғылықты жері бойынша жұмыспен қамту және әлеуметтік бағдарламалар бөлімдері;
3) «электрондық үкіметтің» веб-порталына www.egov.kz,
мынадай құжаттарды қоса бере отырып:
1) өтініш;
2) оның жеке басын куәландыратын құжат немесе цифрлық құжаттар сервисінен электрондық құжат (сәйкестендіру үшін);
3) мүгедектігі бар адам жүгінген кезде нотариаттық куәландыруды талап етпейтін мүгедектігі бар адамның сенімхаты.
Қазақстан Республикасының «Мәдениет туралы» Заңына сәйкес (22-бап) мемлекеттік театрларда әрбір театрлық қойылымның көпшілік алдында орындауға және (немесе) көпшілік алдында көрсетуге дайын екендігі туралы шешімді театрдың көркемдік кеңесінің ұсынымы бойынша театр басшысы қабылдайды. Мемлекеттік театрдың көркемдік кеңесінің құрамын және ол туралы ережені театр басшысы бекітеді.
Артық немесе қате төленген түсімдер сомаларының бюджеттен қайтарылуы ҚР Салық кодексімен белгіленген салықтар және бюджетке төленетін басқа да міндетті төлемдердің тізбесі бойынша немесе салықтық емес түсімдердің белгілі бір түрі салық органдарының құзыретіне жататын жағдайда салық органдарының қорытындысы негізінде жүзеге асырылады.
Сондай-ақ, артық немесе қате төленген түсімдер сомаларының бюджеттен қайтарылуы белгілі бір салықтық емес түсімдердің алынуына жауапты уәкілетті органдардың қорытындысы негізінде де жүзеге асырылуы мүмкін.
Мысалы, айыппұл немесе әкімшілік алым ішкі істер органдарымен салынған жағдайда, онда артық немесе қате төленген түсімдер сомаларының қайтарылуы ішкі істер органдарымен жүзеге асырылады, егер де айыппұл мемлекеттік құрылыс бақылауы органдарымен салынса, онда артық немесе қате төленген түсімдер сомаларының қайтарылуы осы органмен жүзеге асырылады.
«Мемлекеттік мүлік туралы» ҚР Заңының нормалары қайта қаралып, жекешелендіру объектілерін сату Ережесіне көптеген өзгерістер енгізілді.
Сату тек электронды түрде жүргізіледі және мемлекеттің кез-келген жерінен қатысуға болады. Аукционға, тендерге қатысушы ретінде тіркелу үшін «Жекешелендіру объектілерін сату қағидасын бекіту туралы» Қазақстан Республикасы Үкіметінің 09.08.2011 жылғы № 920 қаулысының қосымшасына сәйкес нысан бойынша қатысушының Электорондық Цифрлық Қолтаңба қойылған сауда-саттыққа қатысуға өтінімді тізілімнің www.e-Qazyna.kz веб-порталында тіркеу қажет.
Сауда-саттыққа қатысушылар сауда-саттық өткiзу туралы хабарламада көрсетiлген мөлшерде кепiлдiк жарнаны енгізеді. Егер сауда-саттық өткізілмесе, кепiлдiк жарна қайтарылады.
Сауда-саттықты ұтқан тұлғамен, сатып алушарты жасалады. Жекешелендіру объектілерін сату, объектінің нарықтық құны бойынша жүзеге асырылады. Сатып алу келісім шартының негізінде сатушы міңдеттердің орындалуына бақылау жасайды.