Жиі қойылатын сұрақтар
Тұрғын үйді жекешелендіру үшін қажетті құжаттар:
1) өтініш: кәмелетке толған барлық отбасы мүшелері қол қойған өтініш.
2) куәліктердің көшірмелері: некеге тұру (бұзу) туралы, отбасы мүшелерінің қайтыс болуы туралы, балалардың тууы туралы куәліктері.
3) жалдау шарты немесе тұрғынжай ордері: сіздің тұрғынжайды пайдалану құқығыңызды растайтын құжат.
4) сот шешімі: егер басқа адамдар көрсетілетін қызметті алушының отбасы мүшелері деп танылса, онда олар сот шешімінің көшірмесін ұсынуы тиіс.
5) әлеуметтік жағынан осал топтарға жататын азаматтар үшін: көрсетілетін қызметті алушының (отбасының) әлеуметтік жағынан осал топтарға жататынын растайтын құжаттың көшірмесі.
6) жұмыс орнынан анықтама немесе еңбек қызметін растайтын құжаттың көшірмесі: мемлекеттік қызметшілер мен бюджеттік ұйымдардың жұмыскерлері үшін.
«Дипломмен ауылға» бағдарламасы аясында көтерме жәрдемақы мен тұрғын үй алу үшін бюджеттік кредит ауылға келген дипломды мамандар мен мемлекеттік қызметшілерге беріледі.
Бұл әлеуметтік қолдау шарасы мемлекеттік қызмет арқылы ұсынылады. Маман қажетті құжаттарды тапсырған сәттен бастап:
- күнтізбелік отыз тоғыз күн ішінде көтерме жәрдемақы төленеді;
- күнтізбелік отыз екі күн ішінде келісім жасасу рәсімі жүзеге асырылады және келісім жасалғаннан кейін отыз жұмыс күні ішінде тұрғын үй сатып алуға немесе салуға бюджеттік кредит беріледі;
- әлеуметтік қолдау шараларын ұсынудан бас тартылған жағдайда уәкілетті орган үш жұмыс күні ішінде тұтынушыға дәлелді жауап жібереді.
Мемлекеттік қызмет тегін көрсетіледі. Мемлекеттік қызмет көрсету тәртібі және қажетті құжаттар туралы толық ақпаратты www.minagri.gov.kz. сайтынан «Дипломмен ауылға» бөлімінен алуға болады.
4 пен 17 жас аралығындағы балаларға арналған жан басына шаққанда нормативтік қаржыландыру бағдарламасы бойынша үйірмелерді іздеу және оларға жазылу үшін арнайы «DamuBala» платформасы бар. Тегін үйірмелерге жазылу үшін жоғарыда аталған жүйеге тіркеліп, балаларыңыздың профильдерін (аты-жөні, туған жылы, өзге де ақпараттар енгізіп) құрып және өз таңдауыңыз бойынша оларды спорттық үйірмелерге немесе шығармашылық үйірмелерге тегін жаза аласыз. Ескере кететін жағдай - бір бала 1 үйірмеге ғана тегін жазыла алады.
Гранттар халықтың әлеуметтік осал топтары қатарындағы адамдарға конкурстық негізде 400 еселенген айлық есептік көрсеткіштің мөлшеріне дейін беріледі.
Гранттар:
1) атаулы әлеуметтік көмек алушыларға;
2) ай сайын мемлекеттік жәрдемақы алушы төрт және одан да көп бірге тұратын кәмелетке толмаған балалары бар көп балалы отбасыларға;
3) асыраушысынан айрылу жағдайы бойынша әлеуметтік төлем алушылар;
4) қоныс аударушыларға;
5) қандастарға;
6) еңбекке қарсы көрсетілімдері жоқ мүгедектігі бар адамдарға;
7) мүгедектігі бар балаларды тәрбиелеп отырған адамдарға беріледі.
Гранттар жұмыссыз немесе дара кәсіпкер ретінде мемлекеттік тіркеу мерзімі үш жылдан аз дара кәсіпкер ретінде грант алуға өтініш бергенге дейін тіркелген жағдайда халықтың әлеуметтік осал топтарына беріледі.
Гранттар бір рет беріледі және нысаналы мақсаты бойынша қажетті еңбек құралдарын, технологиялық жабдықты, жануарларды, малды, құстарды, көшеттерді, бұталарды, тұқымдарды, көшеттерді сатып алу, коммерциялық жылжымайтын мүлік объектілерінің, сондай-ақ сауда объектілерінің, оның ішінде жалға алу, пайдалану, сенімгерлік басқару құқығындағы сауда объектілерінің аумағында жаңа бизнес идеяларды іске асыруға арналған үй-жайларды жалдау ақысын төлеу үшін беріледі.
Гранттар тұтынушылық мақсаттарға, кредиттік қарыздарды өтеуге, жылжымайтын тұрғын үй сатып алуға және салуға, жер учаскелерін сатып алуға, акцизделетін өнімдер өндіруге берілмейді.
Гранттар легтер бойынша және комиссия шешімдерімен беріледі.
Атаулы әлеуметтік көмек (бұдан әрі-АӘК) - жан басына шаққандағы орташа табысы облыстарда, республикалық маңызы бар қалаларда, астанада белгіленген кедейлік шегінен аспайтын адамға немесе отбасына берілетін шартты немесе шартсыз ақшалай көмек.
АӘК оны алуға құқығы бар отбасының әрбір мүшесіне тағайындалады. АӘК көрсету үшін отбасының құрамына некеден (ерлі-зайыптылықтан), туыстықтан, бала асырап алудан немесе балаларды тәрбиелеуге қабылдаудың өзге де нысанынан туындайтын мүліктік және жеке мүліктік емес құқықтар мен міндеттермен байланысты бірге тұратын отбасы мүшелері, сондай-ақ, іс жүзінде бірге тұратын, бірақ некеде тұрмайтын бірге тұратын адамдар кіреді.
Жұмысынан айырылған жағдайда төленетін әлеуметтік төлемге Міндетті әлеуметтік сақтандыру жүйесінің қатысушылары болып табылатын және мемлекеттік әлеуметтік сақтандыру қорына әлеуметтік аударымдары бар азаматтар үміткер бола алады.
Жұмысынан айырылған жағдайда төленетін әлеуметтік төлемнің ұзақтығы 1 айдан 6 айға дейін құрауы мүмкін, төлемнің мөлшері - табыстың орташа айлық мөлшеріне және міндетті әлеуметтік сақтандыру жүйесіне қатысу өтіліне байланысты.
Жұмысынан айырылған жағдайда төленетін әлеуметтік төлемге құқығы бар адамдар оны тағайындау үшін жүгіне алады:
- жұмыссыз ретінде тіркелгені туралы мәліметтер болған кезде «Азаматтарға арналған үкімет» мемлекеттік корпорациясына;
- адамды жұмыссыз ретінде тіркеу және «бір өтініш» қағидаты бойынша өтініш жасау кезінде тұрғылықты жері бойынша мансап орталығына;
- жұмыссыз ретінде тіркелгені туралы мәліметтер болған кезде «электрондық үкіметтің» веб-порталына;
- Enbek.kz порталында жұмыссыз ретінде тіркелген болса, осы порталда.
Жұмысынан айырылған жағдайда төленетін әлеуметтік төлем тағайындау үшін ұсыну қажет:
«Азаматтарға арналған үкімет» мемлекеттік корпорациясына, мансап орталығына:
- өтініш;
- жеке басын куәландыратын құжат немесе қандас мәртебесі бар адамдар үшін қандас куәлігі.
ҚР «Әкімшілік рәсімдік-процестік кодексі» бойынша өтініштерді қараудың өзінің заңдылығы бар.
Өтініштерді қарау мерзімі:
- қарау үшін ақпарат алу немесе талап етілмейтін өтініштер күнтізбелік 15 күн ішінде;
- ақпарат алу немесе тексеру талап етілмейтін өтініштер күнтізбелік 15 күн ішінде;
- қарау мерзімі ұзартылса өтініш берушіге күнтізбелік 3 күн ішінде хабарланады. Өтінішті қарау мерзімін басшы немесе оның орынбасары ұзартады.
Егер мәселе ұзақ уақытта талап етсе, өтініш бақылауға қойылады және өтініш берушіге күнтізбелік 3 күн ішінде хабарланады.
Өтінішті қайтарып алу үшін келесі әрекеттерді орындау қажет:
1) https://eotinish.kz сайтында авторизациядан өту;
2) «Менің өтініштерім» бөлімінен қайтарып алғыңыз келетін өтінішті табу;
3) кері қайтарып алуға арыз жіберу үшін «Өтінішті кері қайтарып алу» батырмасын басу;
4) себебін көрсетіп, ЭЦҚ немесе Digital ID арқылы қайтарып алуға қол қою;
5) мемлекеттік орган кері қайтарып алу өтінішін қарайды. Мемлекеттік орган қайтарып алуды қабылдауы немесе қабылдамауы мүмкін. Оң жауап болған жағдайда «Кері қайтарып алынды» мәртебесі шығады. Қабылданбаған жағдайда өтініш мәртебесі кері қайтарып алуға арыз жібергенге дейінгі мәртебеге оралады.
ҚР Әкімшілік рәсімдік процестік кодексінің 90 бабының 1-ші тармағына сәйкес, Мемлекеттік органдардың, жергілікті өзін-өзі басқару органдарының басшылары және олардың орынбасарлары тиісті мемлекеттік органның басшысы бекітетін қабылдау кестесіне сәйкес айына кемінде бір рет азаматтарды және заңды тұлғалардың өкілдерін жеке қабылдауға міндетті. Тіркелу үшін «Е-өтініш» ақпараттық жүйесіне жазбаша өтініш жазып, тіркелуге болады. Кезегі келген кезде қабылдау күні алдын ала хабарланатын болады.
Қазақстан Республикасы Бас Прокурорының 2023 жылғы 4 қаңтардағы №4 бұйрығымен бекітілген Мемлекеттік органдарға, жергілікті өзін-өзі басқару органдарына, мемлекет жүз пайыз қатысатын заңды тұлғаларға келіп түсетін жолданымдарды тіркеу, есепке алу, сондай-ақ, «Электрондық жолданымдар» ақпараттық-талдау жүйесін жүргізу қағидаларының 15-тармағына сәйкес, «е-Өтініш» ақпараттық жүйесінде мыналар есепке алынбайды:
1) бір субъектіден екінші субъектіге келіп түскен қызметтік құжаттар;
2) жоғары тұрған органның нұсқаулары мен тапсырмалары;
3) жарнамасы бар ұсыныстар;
4) «Мемлекеттік көрсетілетін қызметтер туралы» Қазақстан Республикасы Заңының 4-бабы 1-тармағының 3) тармақшасында көзделген жолданымдарды қоспағанда, мемлекеттік қызметтер көрсету мәселелері бойынша жолданымдар.