Жиі қойылатын сұрақтар
СМГ(сұйытылған мұнай газы) өндірісінің ағымдағы өзіндік құны тоннасына 65 000-нан 75 000 теңгеге дейін құрайды, ал өндіруші зауыттар үшін шекті көтерме баға тоннасына 45 158 теңге деңгейінде белгіленген. Бұл өндірілген әрбір тоннадан 20 000-30 000 теңге мөлшерінде кәсіпорындардың шығынына әкеледі. Нәтижесінде олар өз шығындарын өнімнің басқа түрлерін өндіру мен сатумен ішінара жабуға мәжбүр.
Өндіріс өндіруші зауыттардың өндірістік қуаттарын ұлғайту, сондай-ақ оны өндірудің өзіндік құнынан төмен емес шекті бағаларды белгілеу арқылы өндіріс СМГ (сұйытылған мұнай газы) тұтынудан озып кететін деңгейге жеткеннен кейін.
Осыған байланысты Министрлік СМГ-ға шекті бағаларды залалсыздық деңгейіне дейін жеткізу шеңберінде жұмыстар жүргізуде. Сонымен қатар, газ ресурстарын ұлғайту мақсатында Министрлік «ҚазМұнайГаз» ҰК» АҚ және «QazaqGaz» ҰК» АҚ-мен бірлесіп 2023-2027 жылдары алдын ала аяқталу мерзімімен газды қайта өңдеу бойынша бірнеше ірі жобаларды іске асыру бойынша жұмыстар жүргізуде.
Бұрын мемлекеттік мекеменің стандарттары ММ СТ статуста 5 жыл мерзімге қабылнанған және мүдделі ұйымдардан өтініштер жасауына қарай Қазақстан Республикасының ұлттық стандарттарға және басқа стандарттау бойынша нормативтік құжаттарға қайта өнделген.
ММ СТ 153-39-187-2006 қатысты қайта өндеу және мерзімін ұзарту жөнінде Министрлікке өтініш түскен жоқ.
Осылайша, ММ СТ 153-39-187-2006 жарамсыз құжат болып табылады.
Сонымен бірге, 2006 жылғы бұйрықтары Қазақстан Республикасының Ұлттық мұрағатына тапсырылғанын хабарлаймыз.
Осыған байланысты, сұратылып жатқан ақпаратты алу үшін жоғарыда көрсетілген ұйымға жүгіну керек екенін хабарлаймыз.
Сонымен, сұратылып жатқан құжат қабылданған ұзақ мерзімен ескере отырып, word (.docx) форматында мәтін сақталған жоқ.
СҚҚК-1 «Қазақстан Республикасының аумағында қолданыстағы сәулет, қала құрылысы және құрылыс саласындағы нормативтік құқұықтық актілердің және нормативтік техникалық құжаттардың тізбесіне» сәйкес МСП 4.03-103-2005 «Полиэтиленді құбырларын қолдана отырып, газ құбырларын жобалау, салу және реконструкциялау», ВСН 012/88 «Магистральдық және кәсіпшілік құбырларын салу. Сапасын бағалау және жұмысты қабылдау» нормативтік құжаттар Қазақстан Республикасының аумағында қолданылады.
Сонымен қатар, Қазақстан Республикасы Ұлттық экономика министрінің 2015 жылғы 19 қарашадағы № 701 бұйрығымен бекітілген Сәулет, қала құрылысы және құрылыс каталогтарын қалыптастыру және жүргізу қағидаларының 3-тармағына сәйкес Сәулет, қала құрылысы және құрылыс істері жөніндегі уәкілетті органның ведомствосы СҚҚК қалыптастыруды және жүргізуді жүзеге асырады. Осыған байланысты, Қазақстан Республикасының аумағында жоғарыда көрсетілген құжаттарды өзекті және құқықты пайдалану туралы ресми ақпарат алу үшін Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитетіне жүгіну қажет.
Қолданыстағы заңнама нормаларына сәйкес газбен жабдықтау желілеріне қосылу рәсімі мынадай:
- газ тарату ұйымынан газ желілеріне қосуға техникалық шарттарды (бұдан әрі – ТШ) алу;
- берілген техникалық шарттар негізінде жобаны әзірлеу;
- құрылыс-монтаждау жұмыстарын жүзеге асыру;
- объектіні қабылдау және газбен жабдықтау желілеріне қосу.
ТШ алу
«Газ және газбен жабдықтау туралы» ҚР Заңының (бұдан әрі – Заң)
12-бабының 4-тармағына сәйкес газ тарату жүйесіне қосылуға арналған техникалық шарттарды осындай объектіні пайдаланушы газ тасымалдау не газ тарату ұйымы береді.
Ұлттық экономика министрінің 2019 жылғы 13 тамыздағы №73 бұйрығымен бекітілген Табиғи монополиялар субъектілерінің қызметін жүзеге асыру қағидаларының 261-тармағына сәйкес ТШ алу үшін тұтынушыларға 4 құжат ұсыну қажет болды.
Бұл ретте ТШ тегін берілетінін атап өту қажет.
Жобаны әзірлеу
Заңның 12-бабының 4-тармағына сәйкес берілген ТШ газбен жабдықтау жүйелерінің жаңадан салынып жатқан объектілерін жобалау үшін негіз болып табылады..
Тұтынушы «Рұқсаттар және хабарламалар туралы» ҚР Заңына сәйкес жобалауға арналған рұқсат құжаттары бар кез келген жобалау ұйымымен шарт жасасуға құқылы.
Құрылыс-монтаждау жұмыстары және газбен жабдықтау желілеріне қосылу
Тұрғын үйлерді газбен жабдықтау желілеріне қосу бойынша құрылыс-монтаждау жұмыстары Ұлттық экономика министрінің 2019 жылғы
18 сәуірдегі №26 бұйрығымен бекітілген көрсетілетін қызметтердің реттелетін түрлеріне жатпайды.
Осыған байланысты, тұтынушы «Рұқсаттар және хабарламалар туралы» ҚР Заңына сәйкес рұқсат беру құжаттары бар кез келген ұйыммен шарт жасай алады.
«Табиғи монополиялар туралы» ҚР Заңына сәйкес газ тарату ұйымдары газбен жабдықтау желілеріне қосуға ТШ береді және орындалған жұмыстардың ТШ-ға сәйкестігін тексереді.
Бүгінгі таңда ҚТГА объектінің қосылуға дайындығына тексеру жүргізу үшін қажетті құжаттар тізбесі 14-тен 9-ға дейін қысқартылды.
«Газ және газбен жабдықтау туралы» ҚР Заңының 30-бабы
2-тармағына сәйкес газбен жабдықтау жүйелері объектілерінің иелері олардың қауіпсіз пайдаланылуын және жарамды күйде болуын қамтамасыз етуге, өздеріне тиесілі объектілерге техникалық қызмет көрсету жөніндегі жұмыстарды жүргізуге немесе техникалық қызмет көрсетуге арналған шарт жасасуға міндетті.
Жоғарыда көрсетілген жұмыстарды жүргізу (газ тұтыну жүйелеріне техникалық қызмет көрсетуді жүргізу) «Азаматтық қорғау туралы» ҚР Заңының 72-бабы 1-тармағы 5) тармақшасына сәйкес өнеркәсіптік қауіпсіздік саласындағы жұмыстарды жүргізу құқығына аттестатталған заңды тұлға жүзеге асырады.
Осылайша, газ тұтыну жүйелеріне техникалық қызмет көрсетуді өнеркәсіптік қауіпсіздік саласындағы жұмыстарды жүргізу құқығына өнеркәсіптік қауіпсіздік саласындағы уәкілетті органмен аттестаттаған заңды тұлғалар жүргізе алады.
«Өлшем бірлігін қамтамасыз ету туралы» ҚР Заңының 19-бабы
5-тармағына сәйкес өлшем құралдарын салыстырып тексеруді аккредиттелген заңды тұлғалардың аккредиттелген салыстырып тексерушiлерi өлшем құралдарын салыстырып тексеру әдiстемесiне сәйкес жүзеге асырады.
Қызметтің бұл түрі бәсекелестік ортада болып табылады, тұтынушы Қазақстан Республикасы Сауда және интеграция министрлігінің Теникалық реттеу комитетінің «Ұлттық аккредиттеу орталығы» ШЖҚ РМК-дан тиісті аккредиттеу аттестаты бар кез келген аккредиттелген ұйымға жүгінуге құқылы.
ҚР Энергетика министрінің 2014 жылғы 3 қарашадағы № 96 бұйрығымен бекітілген Тауарлық және сұйытылған мұнай газын бөлшек саудада өткізу және пайдалану қағидаларының 53-тармағына сәйкес есепке алу аспаптарын тексеру мерзімінің уақытын өткізіп алғанда, тұтынылған газдың көлемін есептеу тұрмыстық тұтынушылар үшін тұтыну нормасы бойынша жүргізіледі.
Сонымен қатар Энергетика министрлігі тарапынан мүдделі мемлекеттік органдармен және ұйымдармен бірлесе отырып тұтынушыны есепке алу аспабаның тексеру мерзімі аяқталғанға дейін 60 күнтізбелік күн бұрын кезекті тексеру қажеттілігі туралы хабардар ету бойынша нормативтік құқықтық актілерге өзгерістер мен толықтырулар енгізу жумыстары жүргізілуде.
ҚР Энергетика министрінің 2014 жылғы 3 қарашадағы № 96 бұйрығымен бекітілген Тауарлық және сұйытылған мұнай газын бөлшек саудада өткізу және пайдалану қағидаларының 51-тармағына сәйкес есепке алу аспаптарын ұстауды, оларға техникалық қызмет көрсетуді және салыстырып тексеруді есепке алу аспабының меншік иесі жүзеге асырады.
Осыған байланысты, газды есепке алу аспаптарын тексеруді есепке алу аспабының меншік иесі жүзеге асырады.
«Салық және бюджетке төленетін басқа да міндетті төлемдер туралы» Қазақстан Республикасы Кодексінің (Салық кодексі) 554-бабының 4-1-тармағына сәйкес 2022 жылғы 1 қаңтардан бастап көмірсутектер саласындағы жекелеген кіші қызмет түрлерімен айналысу құқығына байланысты лицензия бергені үшін лицензиялық алым мөлшерлемелері әрбір кіші қызмет түріне 100 АЕК-тен құрайтынын хабарлаймыз.
Лицензия алуға өтінішті электрондық түрде берген кезде қызметтің жекелеген кіші түрлеріне лицензияларды қайта ресімдеу үшін лицензиялық алым мөлшерлемесі лицензия беру кезіндегі мөлшерлеменің 8%-ын құрайды.
Демек, лицензияны және (немесе) лицензияға қосымшаны қайта ресімдеу кезінде лицензиялық алым мөлшерлемесі қызметтің әрбір кіші түрі үшін 8 АЕК-ті құрайды.