Астанада 2,4 мыңнан астам жол жұмысшысы қар тазалауға шықты

Өткен түнде коммуналдық қызмет елордадан 38 мың текше метрге жуық қар шығарды. Жұмыс күндіз де, түнде де бірнеше ауысымда үздіксіз жалғасады, деп хабарлайды Астана әкімдігінің ресми сайты.

Таңертең қала бойынша қар тазалау жұмыстарына 2,4 мыңнан астам жол жұмысшысы және 1,5 мыңға жуық арнайы техника жұмылдырылды.

12 ақпаннан 13 ақпанға қараған түні көшелерден 38 мың текше метр қар немесе 2,7 мыңнан астам ауыр жүк жиналып, шығарылды.

Айта кетейік, қыс басынан бері қала сыртындағы қар полигондарына 325,7 мың рейс 4,4 млн текше метрден астам қар шығарылды.

Қала тұрғындарының қауіпсіздігі үшін жолдарға, тротуарлар мен көшелерге құм-тұз қоспасы себіледі.