Меню
Заманауи технологияларды белсенді енгізу қаржылық қызметтерді тұтынушыларға да, оларды ұсынатындарға да жаңа мүмкіндіктер береді: әр түрлі қызметтерді алу жылдамдығы, қолжетімділігі, жайлылығы үнемі артып келеді. Алайда, жаңа технологиялар жаңа қауіп-қатерлерге – кибер тәуекелдерге алып келеді.
Кибер тәуекелдерге мыналар жатады:
— мобильді банктік қосымшаларды пайдалану кезінде қауіпсіздік талаптарын бұзу салдарынан қаржы ұйымдары клиенттерінің қаражатын ұрлау,
— жеке бизнес-процестер мен ақпараттық жүйелердің ақпараттық қауіпсіздігінің нашар ұйымдастырылуына байланысты қаржы ұйымдарындағы қаражаттың жоғалуы,
— қаржы ұйымдары тарапынан қызметтің үздіксіздігін қамтамасыз ету процесінің сапасыз ұйымдастырылуы салдарынан туындайтын қаржылық қызметтерді ұсынудың сенімділігі мен үздіксіздігінің бұзылуы,
— жүйелік маңызы бар қаржы ұйымдарына және оларды қолдайтын инфрақұрылымдық сервистерге бағытталған кибершабуылдарға байланысты жүйелік тәуекелдерді дамыту.
Кибер тәуекелдердің орны толмас зардаптарға әкелмеуі үшін ҚР Қаржы нарығын реттеу және дамыту агенттігі қаржы ұйымдарының кибер тұрақтылығын қамтамасыз етуге жәрдемдеседі, оларға шабуылдардың ықтимал жаңа типтері және оларға ден қою тәсілдері туралы ескертеді, нормативтік актілерде белгіленген ақпараттық қауіпсіздік талаптарының орындалуын бақылайды.
Байланыс
Телефон:
+7 (727) 237-10-28
Электрондық пошта:
cyberalarm@finreg.kz
Бірнеше рөлінің бар екенін айта кеткен жөн.
Қаржы реттеушісі ретінде Агенттіктің бірінші рөлі – бұл қаржы нарығындағы ақпараттық қауіпсіздікті қамтамасыз ету бойынша талаптарды қалыптастыру және олардың орындалуын бақылау.
Екінші рөлі – бұл «Қаржы нарығы мен қаржы ұйымдарын мемлекеттiк реттеу, бақылау және қадағалау туралы» Қазақстан Республикасы заңына сәйкес салалық ақпараттық қауіпсіздік орталығы.
Киберқауіпсіздікті реттеу бағыты қызмет еткен уақыт ішінде 2018 жылдан бастап қаржы нарығының қатысушылары – банктерге, сақтандыру ұйымдарына, кредиттік бюроларға, бағалы қағаздар нарығының қатысушыларына және микроқаржы ұйымдарына қатысты ақпараттық қауіпсіздік бойынша талаптарды қамтитын нормативтік құқықтық базаны қалыптастыру бойынша кешенді жұмыс жүргізілді. Сондай-ақ, қаржы нарығындағы ақпараттық қауіпсіздік тәуекелдерін бағалау және өңдеу тәсілдері пысықталып, нормативтік тұрғыдан бекітілді.
«Ақпараттандыру туралы» Қазақстан Республикасының Заңына сәйкес Салалық орталық ақпараттық қауіпсіздікке төнетін қауіптер, қаржы ұйымдары инфрақұрылымының осалдықтары, сондай-ақ қаржы нарығындағы ақпараттық қауіпсіздік оқиғалары мен оқыс оқиғалары туралы ақпаратты жинауды, бағалауды және талдауды жүзеге асырады.
Қаржы нарығына қатысушыларға жіберілетін, оларға қауіптерге уақтылы ден қоюға және ақпараттық қауіпсіздікті басқару жүйелерін жетілдіруге мүмкіндік беретін ескертулер аталған жұмыстың нәтижесі болып табылады.