Жиі қойылатын сұрақтар

ППТК қызметіне жүгіну үшін ата-ана немесе заңды өкіл баланың тұрғылықты жері бойынша ППТК ұйымына өтініш береді. Өтінішке келесі құжаттар ұсынылады: баланың туу туралы куәлігінің көшірмесі, ата-анасының жеке куәлігі, медициналық анықтамалар, ПМПК қорытындысы (бар болған жағдайда), білім беру ұйымынан мінездеме немесе педагогикалық сипаттама. Мамандар баланы жан-жақты тексеруден өткізіп, логопедиялық, психологиялық, дефектологиялық немесе басқа да түзету көмегінің қажеттілігін анықтайды. Қорытынды бойынша балаға жеке дамыту бағдарламасы ұсынылуы мүмкін. ППТК қызметі тегін негізде көрсетіледі. ППТК қызметіне ата-ана немесе заңды өкіл өтініш беру арқылы жүгіне алады.

Мақсат: ППТК қызметін алу тәртібін және қажетті құжаттарды түсіндіру

Психологиялық-медициналық-педагогикалық консультациялар /бұдан әрі ПМПК/ ұсынымына сәйкес білім беру ұйымы ерекше білім беру қажеттілігі бар балаға қолдау көрсетуді ұйымдастырады. Педагог-ассистент баланың орнына оқу тапсырмаларын орындамайды, тек оқу процесіне қатысуына жағдай жасайды және әлеуметтік бейімделуіне көмектеседі. Бұл қызмет білім беру ұйымының ішкі бұйрығы негізінде ұйымдастырылады.

Қазақстан Республикасында ерекше білім беру қажеттілігі бар балаларға инклюзивті білім беру шеңберінде арнайы психологиялық-педагогикалық қолдау көрсетіледі. Осындай қолдау түрлерінің бірі – педагог-ассистент қызметі. Педагог-ассистент баланың оқу процесіне бейімделуіне, сабақ барысында тапсырмаларды орындауына, мұғалімнің нұсқауларын түсінуіне және білім беру ұйымында еркін қозғалуына көмектеседі. Педагог-ассистент қызметін көрсету қажеттілігі ПМПК қорытындысы негізінде айқындалады

Мақсат: Ерекше білім беру қажеттілігі бар балаларға көрсетілетін қолдау түрлерін және педагог-ассистент қызметін ұйымдастыру тәртібін түсіндіру.

1. Жеңілдік алушылар Әлеуметтік осал санаттағы оқушыларға және шалғай елді мекендерден қатынайтын балаларға жол жүру жеңілдіктері берілуі мүмкін.

2. Мектеп тасымалы Ауылдық жерлерде мектеп автобустары арқылы тегін тасымалдау ұйымдастырылады.

3. Қоғамдық көлік жеңілдіктері Жергілікті атқарушы органдар қоғамдық көлікте тегін немесе жеңілдікпен жүру мүмкіндігін қарастыруы мүмкін.

4. Құжаттарды рәсімдеу Жеңілдік алу үшін ата-аналар немесе заңды өкілдер тиісті құжаттарды ұсынады.

5. Қауіпсіздік талаптары Оқушыларды тасымалдау кезінде қауіпсіздік талаптары міндетті түрде сақталады.

Мақсат: Оқушыларға жол жүру жеңілдіктерін беру тәртібін түсіндіру.

1. Ата-ананың өтініші

Ата-ана немесе заңды өкіл мектепке өтініш береді.

2.Психологиялық-медициналық-педагогикалық консультациялар /бұдан әрі ПМПК/ қорытындысы Оқушыны оқыту ерекшеліктері психологиялық-медициналық-педагогикалық консультация қорытындысы негізінде анықталады.

3. Қажетті жағдай жасау Мектеп ерекше білім беру қажеттілігі бар оқушыға қолайлы орта қалыптастыруға міндетті.

4. Мамандардың қолдауы Оқушыға психолог, логопед, дефектолог және арнайы педагогтердің көмегі ұйымдастырылады.

5. Білім беру процесіне енгізу Оқушы жалпы сыныпта білім алып, жеке оқу қажеттіліктеріне сәйкес қолдау көрсетіледі.

Мақсат: Ерекше білім беру қажеттілігі бар балаларды инклюзивті білім беру ортасына қабылдау тәртібін түсіндіру.                                                                                                                            

Оқушыларды тасымалдау Қазақстан Республикасы Оқу-ағарту министрлігінің және жергілікті атқарушы органдардың нормативтік актілеріне сәйкес арнайы ұйымдастырылады. Негізгі тәртібі мынадай:

1. 1. Қажеттілік анықтау

- Ауылдық жерлерде немесе мектепке дейінгі қашықтығы 3 шақырымнан асатын елді мекендерде тұратын оқушылар үшін тасымалдау ұйымдастырылады.

- Оқушылардың тізімі жергілікті білім бөлімдерімен бекітіледі.

2. Автобустарды және маршруттарды белгілеу

- Оқушыларды тасымалдау үшін арнайы жабдықталған автобустар қолданылады (қауіпсіздік белдіктері, жылытқыш, медициналық қобдиша және т.б.). 

- Маршруттар алдын ала жоспарланып, бекітіледі және ең қауіпсіз жолдар таңдалады.

3. Қауіпсіздікті қамтамасыз ету

- Әр автобусқа жауапты тұлға (мектеп қызметкері немесе жүргізушінің көмекшісі) тағайындалады. 

- Оқушылардың мінуі мен түсуі тек белгіленген орындарда жүзеге асады.

- Барлық көліктер техникалық тексерістен өтеді және жүргізушілер арнайы дайындықтан өткен болуы керек.

4. Құжаттарды рәсімдеу

- Әрбір тасымал маршруты бойынша тасымалдау жоспары мен кестесі дайындалады. 

- Ата-аналардың келісімі алынады. 

- Тасымалдау қызметі жергілікті әкімдіктің бақылауында болады.

5. Қаржыландыру

- Тасымалдау қызметі мемлекеттік бюджет есебінен қаржыландырылады.

Мақсат: Оқушыларды тасымалдауды ұйымдастыру тәртібін, қауіпсіздік талаптарын, жауапты тұлғаларды және білім беру ұйымдарының осы бағыттағы міндеттерін анықтау.

    Психологиялық-педагогикалық түзету кабинеттері /бұдан әрі ППТК/ жеке, топтық және кіші топтық сабақтар түрінде жеке дамыту және түзету-дамыту бағдарламаларын іске асыратын арнайы білім беру ұйымы болып табылады.

    ППТК басқа арнайы білім беру ұйымдарына баратын балаларды қоспағанда, туғаннан 18 жасқа дейінгі психофизикалық дамуы бұзылған балаларға кешенді психологиялық-педагогикалық көмек көрсетеді.                                    

     Психологиялық-медициналық-педагогикалық консультациялар /бұдан әрі ПМПК/ балаларды тексеру мен кеңес беруді, ерекше білім беру қажеттіліктерін және білім алу үшін арнайы жағдайларды бағалауды жүзеге асыратын білім беру ұйымы болып табылады. 

       Арнайы мектеп-интернаттар мемлекеттік жалпыға міндетті білім беру стандартына сәйкес мектепке дейінгі тәрбие мен оқытудың жалпы білім беретін оқу бағдарламалары, бастауыш, негізгі орта, жалпы орта білім беру, техникалық және кәсіптік, орта білімнен кейінгі білім беру бағдарламалары негізінде әзірленген арнайы оқу бағдарламаларын іске асырады.

      Ерекше білім беру қажеттіліктері бар балаларды инклюзивті білім беру процесіне қосу мақсатында Еңбекшіқазақ, Жамбыл, Іле, Қарасай аудандарында және Алатау қаласында 19 инклюзивті қолдау кабинеті жұмыс істейді.

Мақсат: Облыста ерекше білім беру қажеттіліктері бар балалармен жұмыс істейтін арнайы ұйымдардың бар-жоғын анықтау, олардың қолжетімділігі мен қызмет көрсету мүмкіндіктерін бағалау.

1. Өтініш беру

Ата-ана немесе заңды өкіл қабылдайтын мектепке өтініш береді.

2. Бос орынның болуы. Мектепте тиісті сынып бойынша бос орынның бар-жоғы анықталады.

3. Құжаттарды тапсыру. Оқушының жеке ісі, табелі, медициналық құжаттары және басқа қажетті құжаттар ұсынылады.

4. Бұйрық шығару. Қабылдайтын мектептің басшысы оқушыны қабылдау туралы бұйрық шығарады.

5. Электрондық жүйеге енгізу. Оқушы туралы мәліметтер білім беру ақпараттық жүйесіне енгізіледі.

Мақсат: Оқушыларды бір білім беру ұйымынан екіншісіне ауыстыру рәсімін түсіндіру                                                                                                                                                                                                                  

1. Өтініш беру

Ата-ана немесе заңды өкіл қабылдайтын мектепке өтініш береді.

2. Бос орынның болуы. Мектепте тиісті сынып бойынша бос орынның бар-жоғы анықталады.

3. Құжаттарды тапсыру. Оқушының жеке ісі, табелі, медициналық құжаттары және басқа қажетті құжаттар ұсынылады.

4. Бұйрық шығару. Қабылдайтын мектептің басшысы оқушыны қабылдау туралы бұйрық шығарады.

5. Электрондық жүйеге енгізу. Оқушы туралы мәліметтер білім беру ақпараттық жүйесіне енгізіледі.

Мақсат: Оқушыларды бір білім беру ұйымынан екіншісіне ауыстыру рәсімін түсіндіру                                                                                                                                                                                                                  

1. Аттестаттаудың мақсаты Оқушылардың мемлекеттік жалпыға міндетті білім беру стандартын меңгеру деңгейін бағалау.

2. Өткізу нысаны Қорытынды аттестаттау емтихан, тестілеу немесе жазбаша жұмыс түрінде өткізіледі.

3. Пәндер тізімі

Емтихан пәндері оқу деңгейіне сәйкес уәкілетті органмен белгіленеді.

4. Бағалау тәртібі

Жұмыстар бекітілген критерийлер бойынша бағаланады.

5. Қорытынды құжат беру

Аттестаттау нәтижесі бойынша оқушыларға тиісті білім туралы құжат беріледі.  

Мақсат: Қорытынды аттестаттау рәсімін түсіндіру.