Знаменка совхозының құрылуы 1961 жылдан басталды. Кеңес Үкіметі кезінен бастап, ауылымыздың әрбір тұрғылықты тұрғындары төрт түлікті төлдетіп, жер өңдеп, астық өсірген. Сол кезеңнен бастау алған ауыл шаруашылығы бүгінге дейін жалғасуда.
Знаменка, Қыземшек, Көкен және Сынтас атты 4 бөлімшесі бар Знаменка совхозында 3,5 мың халық болған.
Знаменка совхозы кезінде 45 мың қой-ешкі, 2,5 мың ірі қара және 2 мыңдай жылқы өсірген.
Қазақстан Республикасы Президентінің 2017 жылғы 28 ақпандағы № 17-388-5 тапсырмасына сәйкес ономастикалық атауларды ретке келтіру және тарихи атауларды жаңғырту мақсатында идеологиялық тұрғыдан ескірген атауларды тарихи жер-су атауларына және ұлттық танымға жақын дәстүрлі атаулармен өзгерту тапсырмасына сәйкес 2019 жылы: Знаменка ауылдық округінің Знаменка ауылы - Көкентау ауылы; Знаменка ауылдық округі - Көкентау ауылдық округі болып қайта аталды.
Қазіргі кезде Көкентау ауылдық округіне қарасты үш елді мекен бар, Көкентау, Жазық және Қыземшек.
Округ бойынша мал басы Кеңес Үкіметіндегі көрсеткішке жетіп жығылады. Көкентау ауылы жаңа өмірде жаңа талапқа байланысты қатардан қалмай, жылдан-жылға көркейіп, өсіп-жаңарып келеді.
Халық саны округ бойынша 1734 адам бар, ұлт құрамы 95,05 % қазақтар, 4,95 % өзге ұлттар (орыс, татар, украин т.б.). Көкентау ауылы аудан орталығы Жаңасемей орныққан Семей қаласынан 60 км қашықтықта орналасқан. Округ жерлерінің жалпы аумағы 394 275 га.
Ауылдық округте негізгі сала – мал шаруашылығы.
100 шаруа қожалығы, 4 ауыл шарышылық өнеркәсіптік кооперативі жұмыс істеп тұр.
Көкентау ауылында "Знаменка жалпы білім беретін орта мектебі" КМКК, "Дәрігерлік емхана" ШЖҚК, "Көкентау ауыл клубы", "өрт сөндіру пункті" және "ветеринариялық фитосанитариялық пункті" бар.