Көкентау ауылдық округінде халыққа медициналық қызмет көрсететін 1 дәрігерлік амбулатория бар. Жоғары білімді дәрігерлер саны - 1, орта буынды медицина қызметкерлерінің саны -4.

Округ бойынша демографиялық көрсеткіштер: 2024 жылы туған бала саны – 11 бала, табиғи өсім - 6. Өткен жылы тұрғындар арасында ана өлімінің және туберкулез ауруы өлімінің алдын алуға толық қол жеткізілді.

Округ халқына Семей қалалық диагностикалық орталығынан жылжымалы медициналық комплекс келісім шарт бойынша шақыртылып, елді мекендердің барлығында қызмет көрсетті. Семей қаласындағы туберкулез диспансерінен жылжымалы флюрографиялық қондырғы 2 рет жалдамалы түрде келіп, алыс елді мекен халқына туберкулез және басқа да аурулардың алдын алып, ерте анықтау үшін жұмыс жүргізді. Ауруды дер кезінде анықтау мақсатында скринингтік тексерулер жоспарлы жүргізіліп, 100% орындалды.

Мемлекеттік «Денсаулық» бағдарламасы аясында жедел жәрдем бөлімі орталықтандырылды, яғни Семей қаласының жедел-жәрдем станциясына қосылды. Бүгінгі күні жедел медициналық көмекті қажет ететін науқастарға алғашқы мамандандырылған көмекті қабылдау бөлімінде және жансақтау бөлмесінде көрсетіледі.