Балалар 18 жасқа толған жылы мақсатты жинақтар олардың мақсатты жинақ шоттарына АҚШ долларында аударылады, инвестициялауды тоқтатады және тұрғын үй мен білім алуға пайдалануға арналған.
Жобаның уәкілетті операторларының бірі «Отбасы Банк» болып табылады . Оның enpf-otbasy.kz платформасы арқылы қаражатты таңдалған мақсаттарға: тұрмыс жағдайын жақсартуға немесе оқу ақысын төлеуге қашықтан пайдалануға болады.
Сол платформада сіз қаражатты қажетті валютаға айырбастауға болады.
enpf-otbasy.kz платформасын пайдалану үшін оған электрондық цифрлық қолтаңба арқылы кіру қажет. Содан кейін «Ұлттық қор- балаларға » жобасы аясында Бірыңғай зейнетақы қорынан қаражат аудару үшін ағымдағы шот ашу қажет.
«Ұлттық қор - балаларға» бағдарламасының қатысушысы осы уақытқа дейін банк клиенті болмаса, онда банк бөлімшелерінде біздің консультанттардың көмегімен немесе банктің веб-сайтына кіріп, бейнеқоңырау арқылы ағымдағы шотты ашуға болады.
«Ұлттық қор - балаларға» бағдарламасының қатысушысы «Отбасы Банкінің» клиенті болса, онда ағымдағы шот тек платформада ашылады.
Содан кейін платформада БЖЗҚ-нан қаражат алу туралы өтініш жасап, мақсатты таңдау қажет болады. БЖЗҚ-нан ақша түскен кезде банк өтініш пен оған қоса берілген құжаттарды тексеріп, оң шешім қабылданған жағдайда қаражатты қайта бағыттайды.
Жинақталған соманы сақтау
Бағдарламаға сәйкес, егер азамат 18 жасқа толған кезде қаражатты рұқсат етілген мақсатқа жұмсағысы келмесе, қаражат шотында 10 жыл сақталады. Осы мерзім өткеннен кейін ақша алушының зейнетақы шотына аударылады.
«Ұлттық қор- балаларға» жобасы туралы толығырақ ақпаратты «Отбасы Банкінің» арнайы бетінен табуға болады.