"Ұлттық қор - балаларға" бағдарламасы мыныдай сипатта жүзеге асырылады:
Қазақстан Республикасының Ұлттық Банкі (ҚРҰБ) БЖЗҚ-ға жыл сайын нысаналы талаптардың жалпы сомасы, орташа инвестициялық кірістің ставкасы және талаптарға қатысушылардың бұрын қалыптастырылған нысаналы талаптарына есептелген инвестициялық кіріс сомасы туралы ақпаратты қамтитын есебін жібереді.
БЖЗҚ жыл сайын (есепті жылдың соңындағы жағдай бойынша) «Жеке тұлғалар» мемлекеттік деректер қорының (ЖТ МДҚ) мәліметтері негізінде нысаналы талаптарға қатысушылардың (Қазақстан Республикасының азаматтары болып есептелетін 18 жасқа дейінгі балалар) электрондық тізімін қалыптастырады.
Жыл сайын қаңтар айында ҚРҰБ-тан және ЖТ МДҚ-дан алынған ақпарат негізінде БЖЗҚ есепті жылдағы нысаналы талаптарға қатысушы бір балаға тиесілі нысаналы талаптардың сомасын есептейді және осы деректерді өзінің ақпараттық жүйесіне енгізеді.
"Ұлттық қор - балаларға" бағдарламасын іске асыру бойынша тұрақты түрде ұсынылып отыратын есептер БЖЗҚ-ның enpf.kz ресми сайтында орналастырылады.