Егер тұтынушы кредитормен келісімге келе алмаса, онда ол ҚР Қаржы нарығын реттеу және дамыту агенттігіне жүгінуге құқылы. Бұл ретте міндетті түрде өзінің кредиттік ұйымға өтініш білдіргенін және өзара қолайлы шешімге қол жеткізбегенін растауды ұсыну қажет.
Агенттік өтініш берушінің өтініші негізінде өз өкілеттіктері шеңберінде кредиторға қатысты құжаттамалық тексеруге бастамашылық жасайды және тексеру іс-шаралары аяқталғаннан кейін банкке немесе МҚҰ-ға мәселені жан-жақты қарауға және кредитордың қабылдаған шешіміне қатысты іс-қимылдарға баға береді.
Осы кезеңде кредитор халықтың әлеуметтік осал топтарына жататын борышкерлердің кепілге берілген мүлкін өндіріп алу рәсімін бастауға құқылы емес.
Агенттікке ресми өтініш білдіруге болады:
Маңызды! Өтініш берген кезде міндетті түрде аты - жөні, ЖСН, байланыс телефоны, тұратын мекенжайы, өтініштің мәнін көрсету, сондай-ақ оған растайтын құжаттарды қоса беру қажет. Осы ақпаратты қамтымайтын өтініштер, сондай-ақ өтініш берушіні сәйкестендіру мүмкін емес өтініштер қаралмайды.
Сондай-ақ, келесілер арқылы кеңес ала аласыз:
- Агенттіктің Call-орталығы: 1459. Call-орталықтың жұмыс уақыты: жұмыс күндері сағат 10.00-ден 17.00-ге дейін, түскі үзіліс сағат 13.00-ден 14.30-ға дейін;
- "Fingramota Online" мобильді қосымшасы, ол "виртуалды қабылдау " болып табылады. Қосымшада 14 тақырыптық бөлім бар, онда сіз тиісті сұрақтар қойып, реттеушіден жауап ала аласыз.
Әлеуметтік желілер, электрондық почта, call – орталық және "Fingramota Online" мобильді қосымшасы арқылы берілетін жауаптар тек консультативтік – түсіндіру сипатында болады және Агенттіктің ресми жауаптары болып табылмайды.