Меню
Жетісу облысының аумағында 43 өңірлік БАҚ жұмыс істейді, оның ішінде 18 мерзімді басылым, 22 интернет-басылым (газеттердің сайттары 18), 2 радио, 1 телеарна бар. Облыс аумағында 554 көрнекі үгіт құралдары орналасқан.
Жетісу облысының әлеуметтік-экономикалық дамуын кең ауқымды түсіндіру бойынша 2024 жылға арналған өңірлік медиа-жоспар, Қазақстан Республикасы Президентінің Қазақстан Республикасы Үкіметінің кеңейтілген отырысының қорытындысы бойынша берген тапсырмаларын іске асыру жөніндегі шараларды ақпараттық қолдау бойынша өңірлік медиа-жоспар, 2024 жылғы 3 қаңтардағы Қазақстан Республикасының Президенті Қасым-Жомарт Тоқаевтың «Біз озық ойлы ұлт ретінде тек қана алға қарауымыз керек!» атты сұхбатын іске асыру жөніндегі іс-шараларды ақпараттық сүйемелдеу жөнінде медиа-жоспарлар әзірленді. Медиа-жоспарға сәйкес облыстық БАҚ-та, әлеуметтік желілерде қоғамдық пікір көшбасшыларының, саяси партиялардың, қоғамдық ұйым жетекшілерінің, әр сала өкілдерінің, сарапшылардың пікірлері, түрлі тақырыптағы топиктер, инфографикалар, видео және аудиороликтер дайындалуда.
18 наурыз күні ҚР Мәдениет және ақпарат министрлігінің Жетісу облысы әкімдігімен бірлескен «Журналистердің құқықтарын қорғау» тақырыбында дөңгелек үстел өтті. Іс-шара БАҚ өкілдері мен мемлекеттік, жергілікті атқарушы органдар арасындағы өзара іс-қимылды талқылауға және жетілдіруге бағытталды.
Өңірлік коммуникация қызметі құрылғаннан бастап бүгінгі күнге дейін 79 баспасөз конференциясы өткізілді, оған 125 спикер шақырылды.
Жалпы, өңірлік БАҚ-та қоғамдық өмірдің барлық саласында болып жатқан игі істер кеңінен насихатталуда.
ҮЕҰ Дерекқоры - үкіметтік емес ұйымдар қызметінің ашықтығын қамтамасыз ету және жұртшылыққа олар туралы ақпарат беру мақсатында, сондай-ақ мемлекеттік әлеуметтік тапсырысты орналастыру шеңберінде пайдалану, гранттар ұсыну және сыйлықақылар беру үшін қалыптастырылатын ақпараттық дерекқор.
Ақпаратқа қол жеткізу құқығын заңсыз шектеуге Қазақстан Республикасының заңдарында белгіленген тәртіппен шағым жасалуы мүмкін ("ақпаратқа қол жеткізу туралы"Заңның 18-бабы).
Қазақстан Республикасының Әкімшілік рәсімдік-процестік кодексінің 2021 жылғы 1 шілдеден бастап күшіне енуіне байланысты әкімшілік актілерге, әкімшілік әрекеттерге (әрекетсіздікке) шағымдану осы Кодекстің ережелеріне сәйкес жүзеге асырылады.
Осылайша, шағым әкімшілік органға, әкімшілік актісіне, әкімшілік әрекетіне (әрекетсіздігіне) шағым жасалатын лауазымды адамға беріледі. Осылайша, өтініш беруші әкімшілік рәсімге қатысушы ретінде іс-әрекеттеріне (әрекетсіздігіне) шағым жасалатын мемлекеттік органға шағым беруі керек.
Өз кезегінде, әкімшілік актісіне, әкімшілік әрекетіне (әрекетсіздігіне) шағым түскен күннен бастап 3 жұмыс күнінен кешіктірмей шағымды қарайтын органға (жоғары тұрған әкімшілік орган, лауазымды адам) оны және әкімшілік істі жіберуге тиіс. Жоғары тұрған әкімшілік орган, лауазымды адам болмаған жағдайда әкімшілік актіге, әкімшілік әрекетке (әрекетсіздікке) сотта шағым жасалуы мүмкін.
"Әкімшілік құқық бұзушылық туралы" Қазақстан Республикасы Кодексінің 456-1-бабында бұзушылықтың түріне байланысты 20-дан 200 айлық есептік көрсеткішке (АЕК) дейінгі айыппұлдар түріндегі ақпаратқа қол жеткізу құқығын заңсыз шектегені үшін әкімшілік жауапкершілік көзделген.