Қазақстан халқы Ассамблеясының басты міндеті қазақстандық патриотизм, азаматтық тең құқықтық, мемлекеттік тілдің біріктіруші рөлі, «бірлігіміз – әралуандықта» идеясы, ұлттың ұдайы жаңғыруы, сондай-ақ интеркультурализм саясаты қағидаттары негізінде қоғамдық келісім мен жалпыұлттық бірлікті нығайту болып табылады.

Жетісу облысы республикадағы полиэтникалық өңірлердің бірі, 70-тен астам әр түрлі этнос өкілдері,  698,7 мыңнан астам адам тұрады.

Анықтама үшін: 75,8% – қазақтар (532,4 мың адам); 11,9 % – орыстар (83,2 мың адам); 6% – ұйғырлар (44,0 мың адам); 1,2% – корейлер (9,5мың адам); 0,8% – татарлар (6,94 мың адам); 0,3% – өзге этностар (2205 адам).  

Облыстық ҚХА құрамында - 40 адам, оның ішінде 21-і республикалық ҚХА мүшелері, облыста ғана емес, республикадағы танымал қоғам қайраткерлері, қоғамдық пікір көшбасшылары.

Бүгінгі күнге этносаралық келісімді нығайту үшін облыс аумағында 21 этномәдени бірлестік, Ақсақалдар кеңестері (барлығы – 121), Аналар кеңестері (барлығы – 124), ғылыми-сарапшылық топ (барлығы – 13), ҚХА кафедрасы (9 адам), этносаралық мәселелер бойынша жетекші журналистер клубы, «Ассамблея жастары», волонтерлер қозғалысы,  Достық үйінде медиация кабинеті, аудан, қалалардың әкімдіктерінде 15 медиативті алаң жұмыс жасайды, 105 қоғамдық медиатор реестрде тіркелген.

Облыстық қоғамдық даму басқармасына қарасты «Қоғамдық келісім» КММ Қазақстан халқы Ассамблеясының жұмыс органы болғандықтан, этномәдени бірлестіктер мен құрылымдардың жұмысын үйлестіретін мекеме.