GOV.KZ – Мемлекеттік органдардың цифрлық ресурстарының бірыңғай платформасы
1. Абдрасилов Заңғар Мадиярұлы
2. Абыжанова Лаура Абдумаликовна
3. Жарылқасын Абай Ғалымжанұлы
4. Жумажанова Айгерим Омарбайкызы
5. Жуматаева Алия Рафаиловна
6. Игенова Айгерим Абаевна
7. Искакова Гулайым Абиласанатовна
8. Калдыбекова Салтанат Ергазыевна
9. Кузбаева Айжан Манарбековна
10. Мухамбетова Гюзель Тлевальдыевна
11. Нәзір Арайлым Ахметжанқызы
12. Нурмуканова Жангуль Жанузаковна
13. Осербай Асел
14. Тайшабай Дулат Қайратұлы
15. Ташимов Нуркен Серикович
16. Тусупова Айнаш Еркинбековна
17. Ускенова Дарига Ердешбаевна
18. Эргалиев Фархат Закуанович
Тағылымдамадан өтуге рұқсат беру туралы өтініш берген тұлғаның іскерлік және адамгершілік қасиеттерін сипаттайтын мәліметтер бар болған жағдайда 707-0058@sud.kz электрондық адресіне жолдауды сұраймыз.
19.10.2026ж. жарияланды
Жоғары Сот Кеңесінде құрметті отставкаға шығуына байланысты Кеңес жанындағы Сот жюриінің төрағасы, Жоғарғы Соттың судьясы Қайыпжан Нұржан Үсіпханұлын салтанатты түрде құрметті демалысқа шығарып салды
Жоғары Сот Кеңесінің Төрағасы Дмитрий Малахов Нұржан Үсіпханұлының сіңірген еңбегін атап өтіп, әділ сот төрелігін жүзеге асыру жолындағы көпжылдық қызметі үшін алғыс білдірді.
Сот жүйесіндегі 30 жылдық еңбек жолында Нұржан Үсіпханұлы Қайыпжан мол тәжірибе жинақтап, өзін кәсіби біліктілігі жоғары, қағидаттарына берік әрі судьялар корпусында беделге ие тұлға ретінде танытты.
«Сіздің өмір жолыңыз – заң үстемдігіне адалдықтың, қағидатшылдықтың, парасаттылық пен жауапкершіліктің жарқын үлгісі. Сіз мол білім мен тәжірибе жинақтап, сот төрелігін дамытуға елеулі үлес қостыңыз және әріптестеріңіздің зор құрметіне ие болдыңыз.
Жоғары кәсібилігіңіз бен жүйелі ұстанымыңыздың арқасында сот жүйесін дамытуға және қоғамның сот төрелігіне деген сенімін арттыруға қомақты үлес қостыңыз», – деп атап өтті Дмитрий Малахов.
Нұржан Үсіпханұлы Қайыпжан 2010 жылғы наурыздан бастап Қазақстан Республикасы Жоғарғы Сотының судьясы ретінде сот төрелігін жүзеге асырды. Жоғары Сот Кеңесі жанындағы Сот жюриінің төрағасы болып екі рет сайлануы оның судьялар қауымдастығы тарапынан жоғары сенімге ие болғанын айғақтайды.
Оның Сот жюриіне басшылық еткен кезеңінде судьялардың істерді қарау барысында заңдылықты өрескел бұзуының барлық фактілерін аталған органның тексеруіне мүмкіндік беретін жаңа тетік әзірленіп, қолданысқа енгізілді. Сонымен қатар тәртіптік практиканың бірізділігін қамтамасыз етуге және судьялардың құқықтарын қорғауға бағытталған тәртіптік материалдарды қарау рәсімдері жетілдірілді.
Соңғы жылдары келіп түскен материалдардың жартысына жуығы бойынша тәртіптік теріс қылық құрамының болмауына немесе оның елеусіздігіне байланысты тәртіптік іс жүргізудің тоқтатылғаны назар аудартады. Бұл тәжірибе материалдың келіп түсуі өздігінен тәртіптік жаза қолдануға негіз болмайтынын көрсетеді. Әрбір шешім істің мән-жайларын жан-жақты әрі объективті бағалау негізінде қабылданады.
Жоғары Сот Кеңесінің Төрағасы Дмитрий Малаховтың басшылығымен Сот жюриінің қызметін жетілдіру жөніндегі жүйелі жұмыс жалғасуда. Бұл бағыттағы негізгі басымдық – тәртіптік теріс қылықтар үшін жауаптылықтың бұлтартпастығы мен өз міндеттерін адал атқаратын судьялардың құқықтарын қорғау арасындағы теңгерімді сақтау, сот билігінің тәуелсіздігін нығайту және қоғамның сот төрелігіне деген сенімін арттыру.
Қазақстан Республикасы Жоғары Сот Кеңесі Аппаратының командасы Қазақстан Республикасының Мемлекеттік қызмет істері агенттігі ұйымдастырған орталық мемлекеттік органдардың мемлекеттік қызметшілері арасындағы «Ыстық қайрат, нұрлы ақыл, жылы жүрек» пікірсайыс турнирінде үшінші орынды иеленді.
18 команда құрамындағы 50 қатысушыны біріктірген сайыс қорытындысы бойынша Кеңес өкілдері талдамалық даярлықтың жоғары деңгейін, қалыптасқан кәсіби пікірталас мәдениетін және тиімді командалық жұмысты көрсетті.
Пікірсайыс аясында сарапшылар мемлекеттік басқару жүйесін жетілдіру және сыбайлас жемқорлыққа қарсы іс-қимылдың негізгі мәселелерін, оның ішінде мүдделер қақтығысының алдын алу тетіктерін, басшылардың дербес жауапкершілігі институтын, қызметтік әдепті сақтауды, сондай-ақ жасанды интеллект технологияларының сыбайлас жемқорлық тәуекелдерін төмендетуге ықпалын қарастырды.
Абай Құнанбайұлының философиялық мұрасына негізделген турнир тұжырымдамасы бастамашылдықты, жоғары кәсібилікті және әлеуметтік жауапкершілік қағидаттарын ұштастыратын мемлекеттік қызметшілерге қойылатын заманауи талаптарды көрсетеді.
Команданың табысты өнер көрсетуі Жоғары Сот Кеңесінің Төрағасы Дмитрий Малахов жүргізіп отырған қызметкерлердің зияткерлік әлеуетін жан-жақты қолдау, корпоративтік мәдениетті нығайту және мемлекеттік органның қызметіне инновациялық тәсілдерді енгізу саясатының нәтижесі болды.
Сот төрелігі академиясы судья лауазымына кандидаттарға арналған референдиаттың жаңартылған бағдарламасын бастайды
Қазақстан Республикасы Жоғары Сот Кеңесі жанындағы Сот төрелігі академиясы даму тұжырымдамасын іске асыру және білікті кадрларды даярлау тетіктерін жетілдіру бойынша жүйелі жұмысты жүзеге асыру шеңберінде 2026 жылғы референдиаттың жаңартылған курсының қорытынды кезеңін өткізетінін хабарлайды.
2026 жылғы 5-27 қараша аралығында онлайн форматта жалпы ұзақтығы 22 академиялық сағат болатын «Әкімшілік-деликтік құқық және процесс, әкімшілік рәсімдік-процестік құқық нормаларын қолданудың теориялық және практикалық аспектілері» тақырыбында оқыту өткізіледі.
Оқу бағдарламасы Жоғары Сот Кеңесінің Төрағасы Дмитрий Малаховтың тапсырмасы бойынша кандидаттардың кәсіби құзыреттеріне қойылатын заманауи талаптарға сәйкес өзектендірілді.
Жаңартылған модульдер заңнаманы тереңдетіп зерделеуге, оны қолдану дағдыларын дамытуға, сондай-ақ тыңдаушыларды судья лауазымына арналған біліктілік емтиханының жекелеген кезеңдерінен сәтті өтуге сапалы даярлауға бағытталған.
Оқуға Қазақстан Республикасының «Қазақстан Республикасының сот жүйесі және судьяларының мәртебесі туралы» Конституциялық заңында белгіленген талаптарға сәйкес келетін тұлғалар жіберіледі.
Өтініштерді қабылдау 2026 жылғы 3 қарашаға дейін жүзеге асырылады. Оқу курсы аяқталғаннан кейін қатысушыларға тиісті сертификаттар беріледі.
Бұл бастаманы іске асыру үміткерлердің кәсіби даярлығының жоғары деңгейін қамтамасыз етуге және елдің судьялар корпусын сапалы қалыптастыруға ықпал етуге бағытталған.
Жоғары Сот Кеңесінің Аппараты судьялық кадр резервін қалыптастырудың жаңартылған тәртібі мен негізгі аспектілерін егжей-тегжейлі түсіндіретін ақпараттық бейнематериал дайындады
Елімізде 2012 жылдан бері жұмыс істеп келе жатқан бұл институт меритократия қағидатын қамтамасыз етудің, сот жүйесінің кадрлық әлеуетін нығайтудың және судьялардың кәсіби өсуін ынталандырудың тиімді тетігі болып табылады.
Жүргізіліп жатқан реформалар аясында кадр резервін қалыптастыру жүйесі едәуір жаңғыртылды. Іріктеу рәсімдері оңтайландырылып, нақты регламенттелді және цифрландырылды. Сонымен қатар судьялардың құзыреттерін бағалауға арналған заманауи HR-құралдар енгізілді.
Бейнематериалда түсіндірілгендей, кадр резерві судьялық лауазымдардың сегіз санаты бойынша қалыптастырылады. Олар жоғары тұрған үш лауазым мен басшылық лауазымдардың бес түрін қамтиды. Кадр резервіне мінсіз беделі, сот төрелігін жүзеге асыру сапасының жоғары көрсеткіштері және айқын ұйымдастырушылық қабілеттері бар, сондай-ақ кәсіби қызметін бағалаудан өтуге қойылатын белгіленген талаптарға сәйкес келетін қызметтегі судьялар қабылданады.
Іріктеу рәсімі бірнеше кезеңнен тұрады. Ол бейінді қорытындылар алуды, цифрлық және бағалау кезеңдерінен өтуді, сондай-ақ кандидатураларды Кадр резерві жөніндегі комиссияның жан-жақты қарауын қамтиды. Комиссия құрамына Кеңес мүшелері, қызметтегі судьялар, заң қоғамдастығының өкілдері және адами ресурстарды басқару саласындағы сарапшылар кіреді.
Ақпараттық бейнематериалда кадр резервінде болудың нормативтік мерзімдері де түсіндіріледі: жоғары тұрған лауазымдар үшін – үш жыл, басшылық лауазымдар үшін – бес жыл. Сонымен қатар резервтен шығарудың негіздерінің толық тізбесі қамтылған.
Резервте тұрған судьяларға бос лауазымдарға іріктеу кезінде басым құқық беру және олардың кәсіби әрі әдеп стандарттарына сәйкестігін қатаң бақылау қызмет бабында жоғарылаудың ашықтығын, басшылық құрамның сапалы жаңаруын және Қазақстан Республикасының сот жүйесіндегі сабақтастықтың үздіксіз сақталуын қамтамасыз етеді.
Судья лауазымына кезекті біліктілік емтиханның аясында 2026 жылдың 27 - 30 қазан аралығында Қазақстан Республикасы Президентінің жанындағы Мемлекеттік басқару академиясында заңнаманы білуіне арналған компьютерлік тестілеу өткізіледі. Мекен-жайы: Астана қаласы, Абай даңғылы, 33 А, Мемлекеттік қызмет істері агенттігінің ғимараты, байланыс нөмірі: 74-95-35, 74-98-87 немесе +7 778 290 48 14.
Компьютерлік тестілеуді сәтті тапсырған кандидаттар а.ж. сол күндері 27 - 30 қазан аралығында эссе жазуға және кейс тапсырмаларын орындауға шақырылады. Мекен-жайы: Астана қаласы, Абай даңғылы, 33 А, Мемлекеттік қызмет істері агенттігінің ғимараты.
Кандидаттар а.ж. 20 қазанға дейін емтиханға қатысу туралы растауды 74-95-35, 74-98-87, +7 778 290 48 14 телефон нөміріне, немесе k.asylbekova@vss.gov.kz электронды поштаға хабарлау тиіс.
Компьютерлік тестілеуге, эссе жазуға, кейс тапсырмаларын орындауға шақырылған кандидаттардың тізімі
Компьютерлік тестілеуді тапсыру туралы ақпарат
Қазақстан Республикасы Жоғары Сот Кеңесі судьялар корпусын қалыптастыру мәселелері бойынша адвокаттар қауымдастығымен ынтымақтастықтың кеңейтілгенін хабарлайды
Осы бастама аясында Жоғары Сот Кеңесінің Төрағасы Дмитрий Малахов Республикалық адвокаттар алқасының төрағасы Мәди Мырзағараевпен және Астана қаласының адвокаттар алқасы президиумының төрағасы Руслан Узкановпен жұмыс кездесуін өткізді.
Талқылаудың негізгі тақырыбы білікті заңгерлерді сот төрелігін жүзеге асыруға тарту тетіктерін дамыту және практик заңгерлердің судья лауазымдарына іріктеуге қатысуын жандандыру болды.
Жоғары Сот Кеңесінің бағалауынша, құқықты терең білетін және сот процестеріне қатысудың практикалық тәжірибесі бар адвокаттардың кәсіби әлеуеті сот жүйесінің кадрлық құрамын нығайтуға және сот төрелігін жүзеге асыру сапасын арттыруға ықпал ететін негізгі факторлардың бірі болып табылады.
Қазіргі уақытта Кеңес пен адвокаттар қауымдастығы арасындағы ынтымақтастық нақты нәтижелер беруде. 2025 жылы және ағымдағы жылдың өткен кезеңінде біліктілік емтиханын тапсыру және конкурстық іріктеуден өту мәселелері бойынша 60-тан астам ақпараттық-түсіндіру семинары өткізілді. Аталған іс-шараларға еліміздің барлық өңірінен 8 мыңнан астам адвокатты қоса алғанда, 20 мыңға жуық заңгер қатысты. Бұл кәсіби қауымдастық өкілдерінің аталған рәсімдер туралы хабардар болуын едәуір арттырып, судья лауазымдарына кандидаттардың қатарын кеңейтуге мүмкіндік берді.
Кездесу барысында судьялар корпусын қалыптастырудың халықаралық тәжірибесіне және адвокаттардың практикалық дағдыларын судья қызметінде қолдану мәселелеріне ерекше назар аударылды.
«Судьялар корпусын қалыптастырудың халықаралық тәжірибесін зерделеу тәжірибелі адвокаттарды судья лауазымдарына тартудың орынды екенін де көрсетеді. Олардың соттарда өкілдік ету жөніндегі көпжылдық тәжірибесі, сот рәсімдерін білуі және әртүрлі санаттағы істерді қарау ерекшеліктерін түсінуі судья қызметін одан әрі атқаруға берік кәсіби негіз қалайды. Адвокаттық қызмет барысында жинақталған тәжірибе сот төрелігіне қатысты практикалық мәселелерді тереңірек түсінуге, сот процесіне қатысушылардың барлығының ұстанымдарын ескеруге және негізделген шешімдер қабылдауға мүмкіндік береді», — деп атап өтті Дмитрий Малахов.
Келіссөздер қорытындысы бойынша тараптар барлық заңгерлік кәсіп өкілдерінің судьялық мансапқа тең қол жеткізуіне жәрдемдесуге бағытталған жүйелі жұмысты жалғастыруға ниетті екенін растады. Мұндай тәсіл кәсіби әрі тәуелсіз судьялар корпусын қалыптастырудың, сондай-ақ сот төрелігіне деген қоғамдық сенімді нығайтудың маңызды институционалдық шарты болып табылады.
Жоғары Сот Кеңесі судья лауазымына кандидаттарға арналған біліктілік емтиханын жаңғыртты
Жоғары Сот Кеңесінің Төрағасы Дмитрий Малаховтың басшылығымен судьялар корпусына кандидаттарды іріктеу рәсімдерін жетілдіру жұмыстары жалғасуда.
Осы жұмыс аясында біліктілік емтиханын өткізу тәртібі мен одан өтуге қойылатын талаптар едәуір жаңартылды.
Барлық кандидаттар үшін тең жағдайлар мен бағалаудың объективтілігін қамтамасыз ету мақсатында жекелеген мамандандыруларды таңдау мүмкіндігінсіз нормативтік құқықтық актілердің бірыңғай тізбесі белгіленді.
Енді білімді тексеру құқықтың тоғыз негізгі саласын қамтиды, ал конституциялық заңнама бойынша блок Қазақстан Республикасының «Қазақстан Республикасының сот жүйесі мен судьяларының мәртебесі туралы» Конституциялық заңымен толықтырылды.
Тест тапсырмаларының базасы 1000 сұраққа дейін кеңейтілді. Бұл кандидаттардың даярлық деңгейін жан-жақты бағалауға мүмкіндік береді.
Жаңартылған тапсырмалар базасы еліміздің жетекші заңгер-ғалымдарының қатысуымен сараптамалық бағалаудан өтті және қолданыстағы заңнаманың өзекті талаптарына толық сәйкес келеді.
Енгізіліп жатқан шаралар іріктеу рәсімдерінің ашықтығын арттыруға және жоғары кәсіби судьялар корпусын қалыптастыруға бағытталған.
Высший Судебный Совет продолжает планомерную работу по совершенствованию конкурсного отбора кандидатов на судейские должности, направленную на обеспечение открытости, транспарентности и равных условий для всех участников.
В рамках проводимой Советом информационно-разъяснительной работы действующие судьи, успешно прошедшие конкурсные процедуры, делятся практическим опытом своего профессионального становления.
Наглядным примером эффективности обновленных механизмов отбора является назначение Указом Президента Республики Казахстан от 2 марта 2026 года выпускницы Академии правосудия при Высшем Судебном Совете 2025 года Даны Жолхановой на должность судьи Специализированного межрайонного экономического суда Карагандинской области.
По словам судьи, внедрение новых подходов позволило увеличить периодичность проведения конкурсов, существенно сократить сроки рассмотрения материалов и обеспечить объективную оценку профессиональных и личностных качеств претендентов на основе единых требований и критериев компетентности.
Подобная последовательная работа Высшего Судебного Совета по модернизации отборочных процедур способствует укреплению доверия граждан к судебной системе и формированию высокопрофессионального судейского корпуса страны.
Қазақстан Республикасы Жоғары Сот Кеңесінің Төрағасы Дмитрий Малахов азаматтарды кезекті жеке қабылдауды офлайн және онлайн форматтарда өткізді.
Іс-шара «Халық үніне құлақ асатын мемлекет» тұжырымдамасын іске асыру аясында өтіп, оның негізгі мақсаты мемлекеттік органдар қызметінің ашықтығын қамтамасыз ету және оларға деген сенімді нығайту болып табылады.
Қабылдау барысында азаматтардың өтініштері бойынша жан-жақты түсіндірмелер беріліп, судьялардың тәуелсіздігінің конституциялық қағидатының негізгі аспектілері түсіндірілді. Бұл ретте Кеңестің өз құзыреті шеңберінде ғана әрекет ететініне, сот төрелігін жүзеге асыру процесіне араласпайтынына және қызметтік тексерулер жүргізбейтініне ерекше назар аударылды.
Азаматтармен жұмыс істеумен қатар, судьялар корпусымен өзара іс-қимылға да ерекше назар аударылды. Судьялық қызметтен өз еркімен немесе басқа жұмысқа ауысуына байланысты кетуге ниет білдірген судьялармен жеке кездесулер өткізу жөніндегі жаңа практика енгізілді. Мұндай кездесулер барысында қабылданған шешімдердің себептері анықталып, конкурстық рәсімдерден өту тәртібі мен судьялардың мансаптық мүмкіндіктері түсіндіріледі. Нәтижесінде соңғы екі жылда аудандық соттардың шамамен 20 судьясы қызметтен кету туралы өтініштерін кері қайтарып алды.
Тікелей диалог пен тұрақты кері байланыс Кеңеске келіп түсетін мәселелерді жан-жақты зерделеп қана қоймай, өз қызметін одан әрі жетілдіруді талап ететін проблемалық аспектілерді уақтылы анықтауға мүмкіндік береді.