Өңірдегі эпидемиологиялық жағдайдың нашарлауына байланысты мониторингтік топтар рейд жұмыстарын күшейтті.
Батыс Қазақстан облыстық бас мемлекеттік санитариялық дәрігерінің қаулысына сәйкес облыстағы карантиндік талаптар күшейтіліп, мониторингтік топ жергілікті кәсіпкерлік нысандар мен халық көп шоғырланатын орындарға күнделікті рейд жұмыстарын жүргізуде.
Сенбі-жексенбі күндері қалада карантиндік тәртіп бұзған 20-дан астам нысан анықталды. Карантиндік талапты бұзған банкет залдары, букмекерлік кеңселер мен компьютерлік клубтарға қатысты материалдар тиісті шаралар қабылдау үшін Орал қалалық санитарлық-эпидемиологиялық бақылау басқармасына жіберілді.