ЖАДЫНАМА Қазақстан Республикасындағы сайлау туралы Конституциялық заңға сәйкес активтер мен міндеттемелер туралы декларацияны ұсыну міндеті жүктелген мәслихат депутаттығына кандидаттарға арналған

ЖАДЫНАМА

Қазақстан Республикасындағы сайлау туралы Конституциялық заңға сәйкес активтер мен міндеттемелер туралы декларацияны ұсыну міндеті жүктелген мәслихат депутаттығына кандидаттарға арналған

Мәслихат депутаттығына кандидаттар және олардың жұбайлары (бұдан әрі – Кандидат) кандидат ретінде тіркелгенге дейін тұрғылықты (болатын) жері бойынша мемлекеттік кірістер органдарына 2026 жылғы 1 қазандағы жағдай бойынша активтер мен міндеттемелер туралы декларацияны ұсынады (кандидаттыққа ұсыну мерзімі – 2026 жылғы 14–27 қазан).

Активтер мен міндеттемелер туралы декларацияда көрсетілетін мәліметтер:

• Шет мемлекеттің заңнамасына сәйкес құзыретті органда құқықтары және (немесе) мәмілелері мемлекеттік немесе өзге де тіркеуге жататын мүлік:

– жылжымайтын мүлік, жер учаскелері және (немесе) жер үлестері, әуе және теңіз кемелері, ішкі суда жүзетін кемелер, «өзен-теңіз» санатындағы кемелер;

– көлік құралдары, арнайы техника және (немесе) тіркемелер;

– шетелдік банктік шоттардағы жиынтық сомасы 1000 АЕК-тен асатын ақша;

• Қазақстан Республикасындағы және (немесе) оның шегінен тыс жердегі мүлік пен міндеттемелер:

– тұрғын үй құрылысына қатысу үлесі;

– Қазақстаннан тыс жерде құрылған заңды тұлғаның жарғылық капиталындағы қатысу үлесі;

– бағалы қағаздар, туынды қаржы құралдары;

– цифрлық активтер;

– инвестициялық алтын;

– зияткерлік меншік және авторлық құқық объектілері;

– 10 000 АЕК шегіндегі қолма-қол ақша;

– шетелдік брокерлік шоттардағы ақша;

– құны 1000 АЕК-тен асатын өзге мүлік (қалауы бойынша, бағалау құны болған жағдайда);

– мынадай құжаттармен расталған дебиторлық/кредиторлық берешек:

– жеке тұлғалар арасындағы берешек бойынша нотариат куәландырған шарт;

– жеке тұлға мен заңды тұлға және (немесе) жеке кәсіпкер, оның ішінде резидент емес болып табылатын тұлға арасындағы азаматтық-құқықтық шарт және салыстыру актісі;

– заңды күшіне енген сот шешімі.

Декларацияны толтырмас бұрын тиісті растаушы құжаттарды алдын ала дайындау ұсынылады:

– декларацияны ұсыну мерзімінен кешіктірмей, бір данасының құны 1000 АЕК-тен асатын өзге мүлікті (қалауы бойынша) тәуелсіз бағалаушыға бағалату;

– декларация жасалған күндегі жеке тұлғалар арасындағы дебиторлық және кредиторлық берешекті, сондай-ақ оның тоқтатылуын/орындалуын нотариуста куәландыру (декларацияда банктік қарыз шарттары көрсетілмейді).

Анықтама: мынадай дебиторлық және кредиторлық берешекті нотариатта куәландыру талап етілмейді:

– салыстыру актісі және азаматтық-құқықтық шарт болған жағдайда жеке тұлға мен заңды тұлға және (немесе) жеке кәсіпкер, оның ішінде резидент емес тұлға арасындағы берешек;

– заңды күшіне енген сот шешімімен расталған берешек.

МАҢЫЗДЫ!!!

Декларацияны толтырғанға дейін декларациялауға жататын мәліметтердің дұрыстығын мына сайттар арқылы өз бетінше тексеру қажет:

1) бағалы қағаздар бойынша: https://sso.kcsd.kz;

2) тұрғын үй құрылысына үлестік қатысу шарттары бойынша Қазақстан Республикасы Өнеркәсіп және құрылыс министрлігінің Құрылыс істері комитетіне Е-Өтініш арқылы сұрау салу жіберу;

3) зияткерлік меншік және авторлық құқық объектілері бойынша: https://gosreestr.kazpatent.kz;

4) сенімгерлік басқаруға берілген мүлік бойынша: https://egov.kz/ru/services/presale/P3004 (жеке тұлғаның заңды тұлғаларға, филиалдар мен өкілдіктерге қатысуы туралы мәліметтер беру), https://egov.kz/ru/services/presale/3061 (жеке тұлғаларға арналған жылжымайтын мүліктің бар-жоғы туралы анықтама, 6-нысан);

5) дебиторлық/кредиторлық берешектің болуы бойынша (нотариат куәландырған қарыз шарты) Республикалық нотариаттық палатаға сұрау салу жіберу.

Мәліметтер дұрыс болмаған жағдайда тікелей мына ұйымдарға жүгіну қажет:

– бағалы қағаздар бойынша – «Бағалы қағаздардың орталық депозитарийі» АҚ;

– үлестік қатысу бойынша – Қазақстан Республикасы Өнеркәсіп және құрылыс министрлігінің Құрылыс және тұрғын үй-коммуналдық шаруашылық істері комитеті;

– авторлық құқық бойынша – Қазақстан Республикасы Әділет министрлігінің «Ұлттық зияткерлік меншік институты» РМК;

– сенімгерлік басқаруға берілген мүлік бойынша – «Азаматтарға арналған үкімет» мемлекеттік корпорациясы» КЕАҚ, 1414;

– қарыз шарттары бойынша – Республикалық нотариаттық палата.

Декларацияны ұсыну тәсілдері:

• Электрондық түрде:

– Мемлекеттік кірістер комитетінің «Салық төлеушінің кабинеті» веб-порталы арқылы (ИС ИСНА): https://knp.kgd.gov.kz/signin;

• Қағаз жеткізгіште, жеке келу арқылы немесе пошта арқылы:

– мемлекеттік кірістер органдарына;

– халыққа қызмет көрсету орталығына;

– тапсырысты хатпен пошта арқылы.

Сұрақтар туындаған жағдайда 1414 байланыс орталығына немесе тұрғылықты жері бойынша мемлекеттік кірістер органдарына жүгінуге болады.