«Орал қаласының ішкі саясат бөлімі» мемлекеттік мекемесі туралы ЕРЕЖЕ

 

БЕКІТІЛДІ

Орал қаласы әкімдігінің

2025 жылғы «__»_______№_____                                                           қаулысымен

 

 

 

 

 

 

 

 

 

 

 

 

«Орал қаласының ішкі саясат бөлімі»

мемлекеттік мекемесі туралы

ЕРЕЖЕ

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

Орал қаласы, 2025 жыл

1-тарау. Жалпы ережелер

 

  1. 1. «Орал қаласының ішкі саясат бөлімі» мемлекеттік мекемесі (әрі қарай - бөлім ) бөлім басшысы (бұдан әрі – басшы) қызметін қамтамасыз ететін және Қазақстан Республикасының заңнамасында көзделген өзге де функцияларды жүзеге асыратын мемлекеттік мекеме болып табылады.
  2. «Орал қаласының ішкі саясат бөлімі» мемлекеттік мекемесі өз қызметін Қазақстан Республикасының Конституциясына, Заңдарына, Қазақстан Республикасы Президенті мен Үкіметінің актілеріне, өзге де нормативтік құқықтық актілерге, сондай-ақ осы Ережеге сәйкес жүзеге асырады.
  3. «Орал қаласының ішкі саясат бөлімі» мемлекеттік мекемесі ұйымдық-құқықтық нысанындағы заңды тұлға болып табылады, мемлекеттік тілде өз атауы бар мөрі мен мөртаңбалары, белгіленген үлгідегі бланкілері, сондай-ақ Қазақстан Республикасының заңнамасына сәйкес қазынашылық органдарында шоттар болады.
  4. «Орал қаласының ішкі саясат бөлімі» мемлекеттік мекемесі азаматтық-құқықтық қатынастарға өз атынан түседі.
  5. «Орал қаласының ішкі саясат бөлімі» мемлекеттік мекемесі егер заңнамаға сәйкес осыған уәкілеттік берілген болса, мемлекеттің атынан азаматтық-құқықтық қатынастардың тарапы болуға құқығы бар.
  6. «Орал қаласының ішкі саясат бөлімі» мемлекеттік мекемесі өз құзыретінің мәселелері бойынша заңнамада белгіленген тәртіппен «Орал қаласының ішкі саясат бөлімі» мемлекеттік мекемесі басшысының бұйрықтарымен және Қазақстан Республикасының заңнамасында көзделген басқа да актілермен рәсімделетін шешімдер қабылдайды.
  7. «Орал қаласының ішкі саясат бөлімі» мемлекеттік мекемесі құрылымы мен штат санының лимиті қолданыстағы заңнамаға сәйкес бекітіледі.
  8. Заңды тұлғаның орналасқан жері: индекс 090000, Қазақстан Республикасы, Батыс Қазақстан облысы, Орал қаласы, Н.Назарбаев даңғылы, 182/1.
  9. Мемлекеттік органның толық атауы - «Орал қаласының ішкі саясат бөлімі» мемлекеттік мекемесі.
  10. Осы ереже «Орал қаласының ішкі саясат бөлімі» мемлекеттік мекемесінің құрылтай құжаты болып табылады.
  11. «Орал қаласының ішкі саясат бөлімі» мемлекеттік мекемесі қызметін қаржыландыру жергілікті бюджеттен жүзеге асырылады.
  12. «Орал қаласының ішкі саясат бөлімі» мемлекеттік мекемесі кәсіпкерлік субъектілермен «Орал қаласының ішкі саясат бөлімі» мемлекеттік мекемесінің функциялары болып табылатын міндеттерді орындау тұрғысында шарттық қатынастарға түсуге тыйым салынады. Егер «Орал қаласының ішкі саясат бөлімі» мемлекеттік мекемесіне заңнамалық актілермен кірістер әкелетін қызметті жүзеге асыру құқығы берілсе, онда осындай қызметтен алынған кірістер республикалық бюджеттің кірісіне жіберіледі.

 

2-тарау. Орал қаласының ішкі саясат бөлімінің негізгі міндеттері, функциялары, құқықтары мен міндеттері

 

  1. «Орал қаласының ішкі саясат бөлімі» мемлекеттік мекемесінің міндеттері қоғамдық-саяси тұрақтылықты қалыптастыруға, сондай-ақ мемлекеттің егемендігін нығайту, қоғамдық процестерді демократияландыру және қоғамды топтастыру жөніндегі мемлекеттік саясатты қалыптастыруға және іске асыруға қатысады.
  2. «Орал қаласының ішкі саясат бөлімі» мемлекеттік мекемесінің міндеттері: («Қоғамдық бірлестіктер туралы» Қазақстан Республикасының 1996 жылғы 31 мамырдағы №3 заңы, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы №148 заңы, «Діни қызмет және діни бірлестіктер туралы» Қазақстан Республикасының 2011 жылғы 11 қазандағы №483-IV заңы, «Қоғамдық тәртіпті қамтамасыз етуге азаматтардың қатысуы туралы» Қазақстан Республикасының 2004 жылғы 9 шілдедегі №590 заңы).

1) қалада мемлекеттік органдардың және лауазымды адамдардың мемлекеттің ішкі саясатын іске асыру барысына, сондай-ақ Қазақстан Республикасы Президенті мен Үкіметінің, әкімдіктің, облыстың және қала әкімдіктерінің, Батыс Қазақстан облысының қоғамдық даму басқармасының бөлім құзырына қатысты мәселелер жөніндегі актілері мен тапсырмаларын орындауына басқылау жасайды;

2) ішкі саясат, қоғамдық-саяси сала мәселелері бойынша Қазақстан Республикасының заңнамаларын, мемлекеттік ішкі саясатты насихаттау және түсіндіру жөніндегі бағдарламаны әзірлеу және іске асыру жөніндегі жұмыстарды үйлестіріп отырады;

3) ішкі саясат саласында тұжырымдамалық негіздемелер және тәжірибелік ұсынбалар, сондай-ақ Қазақстанды дамытудың ұзақ мерзімді басымдықтары, бірегей азаматтық құрылымдар негізінде қоғамды топтастыру жөнінде ұсыныстар әзірлейді;

4) қалада болып жатқан қоғамдық-саяси процестерге және оның даму барысына жан-жақты және дұрыс зерттеу, қорыту және талдау жасайды;

5) қалалық деңгейде мемлекеттік ақпараттық саясатты іске асыру, мемлекеттік тапсырысты орындау, оны жүргізу жөнінде қалалық бұқаралық ақпарат құралдарының қызметін үйлестіріп отырады;

6) қаладағы қоғамдық-саяси жағдайларды болжауға бағытталған әлеуметтік-саяси зерттеулер жүргізеді;

7) қоғамдық бірлестіктер және үкіметтік емес ұйымдармен, саяси партиялармен, қоғамдық-саяси және діни ұйымдармен, кәсіби одақтармен, БАҚ-пен, жұртшылық өкілдерімен өзара әрекеттестікте қимыл жасайды;

8) әлеуметтік даму саласында мемлекеттік саясатты іске асыру бойынша, білім беру және спорт, мәдениет және тілдерді дамыту салаларында мемлекеттік басқару органдары мен мемлекеттік емес құрылымдардың қызметіндегі өзара келісілген іс-әрекетті қамтамасыз етеді;

9) қала әкімі орынбасары жанындағы тұрақты комиссиялардың жұмысын іске асырады;

10) ішкі істер органдарымен жұмыс жасайды.

  1. «Орал қаласының ішкі саясат бөлімі» мемлекеттік мекемесінің функциялары: («Қоғамдық бірлестіктер туралы» Қазақстан Республикасының 1996 жылғы 31 мамырдағы №3 заңы, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы №148 заңы, «Діни қызмет және діни бірлестіктер туралы» Қазақстан Республикасының 2011 жылғы 11 қазандағы №483-IV заңы, «Қазақстан халқы Ассамблеясы туралы» Қазақстан Республикасының 2008 жылғы 20 қазандағы №70-IV ЗРК заңы):

1) ішкі саяси процестерді мемлекеттік реттеуге қатысады, жергілікті мемлекеттік органдардың ішкі саясат саласындағы қызметін үйлестіріп отырады, аймақтағы қоғамдық-саяси партиялар мен басқа да қоғамдық бірлестіктердің қызметіне мониторинг жүргізу, талдау жасау және ішкі саяси тұрақтылықты қамтамсыз ету, қоғамды топтастыру, қазақстандық патриотизмді насихаттау және соған тәрбиелеу жөніндегі ұсынбалар әзірлейді және жұмыстарды ұйымдастырады;

2) Қазақстан Республикасы Президенті, Қазақстан Республикасы Үкіметі актілерінің, Қазақстан Республикасы Президенті Әкімшілігі тапсырмаларының облыс пен қала әкімдіктерінің, Батыс Қазақстан облысының қоғамдық даму басқармасының қаулыларының, шешімдері мен өкімдерінің орындалуын бақылауды қамтамасыз етеді;

3) бөлімнің құзырына кіретін мәселелер жөнінде тұжырымдамалық құжаттарды жасауға, қала әкімдігі мен әкімі актілерінің жобаларын әзірлеуге және сараптауға қатысады;

4) қала туралы, қоғамдық-саяси және экономикалық салада мемлекеттік органдардың қызметі туралы ақпараттарды тарату жүйесін жетілдіру жөніндегі қала әкімдігінің жұмысына қатысады;

5) бөлімнің құзырына кіретін мәселелер бойынша Батыс Қазақстан облысының қоғамдық даму басқармасының, қала әкімі аппаратының тиісті бөлімдерімен ұйымдық және ақпараттық байланысты қамтамасыз етеді;

6) бөлім атқарған жұмыстары жөнінде Батыс Қазақстан облысының қоғамдық даму басқармасына үнемі есеп беріп отырады;

7) бөлім құзырына кіретін мәселелер жөнінде қаладағы мемлекеттік органдардың қызметін бақылауды және үйлестіріп отыруды қамтамасыз етеді;

8) қала әкімі аппараты қызметін ақпараттық талдаумен қамтамасыз етеді;

9) облыстық және қалалық қоғамдық-саяси, мәдени шаралардың өткізілуін қамтамасыз етеді;

10) ауылдық округтер әкімдерінің, қаланың мемлекеттік мекемелерінің, қалалық бұқаралық ақпарат құралдарының мемлекеттің ішкі саясаты мәселелері жөніндегі ақпараттық-насихаттық жұмыстарды жүргізу барысындағы қызметін үйлестіріп отырады және бақылау жасайды;

11) қаланың ішкі саяси өміріндегі маңызды мәселелері бойынша қалалық әкімдіктің мәжілісіне материалдар әзірлеуге қатысады;

12) БҚО Қазақстан Халқы Ассамблеясына және оның хатшылығына ұйымдастырушылық және әдістемелік, ақпараттық көмектер көрсетеді;

13) ішкі саясат саласында, ұлтаралық қатынастар саласында мемлекеттік саясатты белгілейтін, Қазақстан Республикасында азаматтардың құқықтары мен бостандықтарының сақталуын және қамтамасыз етілуін айқындайдын тұжырымдамалар, бағдарламалар әзірлеуге және іске асыруға қатысады;

14) бөлімнің құзырына қатысты мәселелер жөнінде ақпараттық мәліметтер базасын (компьютерлік, мәтіндік) қалыптастыру, жинау, жинақтау және қорыту жөніндегі жұмыстарды жүзеге асырады;

15) мемлекеттік рәміздерге қатысты мемлекеттік саясатты қала бойынша жүзеге асыру;

16) саяси партиялармен, ұлттық-мәдени бірлестіктермен, үкіметтік емес ұйымдармен, құқық қорғау, діни және басқа да қоғамдық ұйымдармен, жұртшылықпен байланысты жүзеге асырады;

17) конфессияаралық келісімді, азаматардың діни қызметке құқықтарын қамтамасыз етеді және күш қолдану идеологиясы мен терроризмді насихаттауға жол бермеу мақсатында діни бірлестіктермен өзара іс-қимыл жасайды;

17.1) Орал қаласы әкімдігі жанындағы Терроризмге қарсы комиисия отырысын және  Қалалық экстремизм мен терроризмді алдын-алуға бағытталған жұмыс тобының жұмысын ұйымдастыру (экстремизм мен терроризмді алдын-алуға бағытталған жұмыс тобы отырыстарының өткізілуін бақылау және реттеу, Орал қаласында терроризмнің алдын-алу саласындағы ахуалдың дамуына ықпал ететін қоғамдық-саяси, әлеуметтік-экономикалық және өзге де процестер туралы ақпаратты талдау).

18) ішкі саяси тұрақтылықты нығайтуға және саяси процестерді демократияландыруға бағытталған облыстық және қалалық ғылыми-практикалық шараларды әзірлеуге және өткізуге қатысады;

19) қала әкімі аппаратының бөлімшелерімен бірлесе отырып, бөлім құзырына кіретін ұйымдастырушылық-әдістемелік және ғылыми-зерттеу жұмыстарын орындайды;

20) Қазақстан Республикасының заңнамаларында қарастырылған басқа да қызметтерді жүзеге асырады.

  1. «Орал қаласының ішкі саясат бөлімі» мемлекеттік мекемесінің құқықтары мен міндеттері: («Қазақстан Республикасының әкімшілік рәсімдік-процестік Кодексі» Қазақстан Республикасының 2020 жылғы 29 маусымдағы №350-VI ҚРЗ Кодексі, «Мемлекеттiк сатып алу туралы» Қазақстан Республикасының 2024 жылғы 1 шілдедегі №106-VIII ҚРЗ заңы, «Мемлекеттік сатып алуды жүзеге асыру қағидаларын бекіту туралы» Қазақстан Республикасы қаржы министрінің 2024 жылғы 9 қазандағы №687 бұйрығы, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының 2001 жылғы 23 қаңтардағы №148 заңы).

1) өзінің қызметін орындау үшін қажетті ақпараттарды мемлекеттік органдардан және лауазым иелерінен, басқа ұйымдар мен азаматтардан белгіленген тәртіппен сұратып алады, бөлім құзырына қатысты мәселелерді әзірлеуге қатысуға, тиісті ұсыныстар әзірлеу үшін уақытша жұмысшы топтарын құрады;

2) ішкі саясат саласында мемлекеттік органдардың қызметін жетілдіру жөнінде қала әкіміне ұсыныстар енгізеді, бөлімге қатысты мәселелер бойынша ақпараттық талдау және басқа да материалдар әзірлеуді жүзеге асырады;

3) бөлімнің қызмет саласына қатысты мәселелер бойынша тиісті мемлекеттік органдар мен лауазымды адамдарға тапсырмалар береді, оның орындалуын қадағалайды, сондай-ақ жергілікті атқарушы органдар өткізетін шараларға қатысады;

4) қалалық деңгейде ақпараттық саясатты жүргізуге арналған жастар саясаты мен мемлекеттік тапсырысты іске асыру жөніндегі қалалық бағдарламаларды қаржыландыруды жүзеге асырады;

5) бөлім құзырына кіретін ішкі саясат, азаматтардың құқықтарын сақтау және басқа да мәселелер бойынша мемлекеттік органдардың лауазымды тұлғаларына ұйымдастырушылық-әдістемелік, ақпараттық және басқа да көмектер көрсетеді;

5.1) терроризмнің, экстремизмнің алдын алу, жолын кесу және оларға қарсы іс-қимыл жөніндегі қызметті жүзеге асыру үшін қажетті тауарларды, жұмыстарды, көрсетілетін қызметтерді Қазақстан Республикасының заңнамасына сәйкес сатып алу;

6) бөлім құзырына кіретін мәселелер бойынша отырыстар өткізеді;

7) ҚР «Әкімшілік құқық бұзушылық туралы» Кодексінің 804-бабы 1-ші тармағының 50 тармақшасына сай, Кодекстің 489-1 «Қазақстан Республикасының коммерциялық емес ұйымдар туралын заңнамасын бұзу» бабы бойынша әкімшілік құқық бұзушылықты анықтау және әкімшілік құқық бұзушылық туралы хаттаманы толтыруға құқылы;   

8) ҚР «Әкімшілік құқық бұзушылық туралы» Кодексінің 804-бабы 1-ші тармағының 50 тармақшасына сай, Кодекстің 490 «Қазақстан Республикасының діни қызмет және діни бірлестіктер туралы заңнамасын бұзу» бабы бойынша әкімшілік құқық бұзушылық туралы хаттаманы толтыруға құқылы;

9) ҚР «Әкімшілік құқық бұзушылық туралы» Кодексінің 729-бабы 1-ші тармағына сай, 455-бабы «Қазақстан Республикасының жарнама туралы заңнамасын бұзу» бойынша әкімшілік құқық бұзушылықты анықтау және әкімшілік құқық бұзушылық туралы хаттаманы толтыруға құқылы;

10) Қазақстан Республикасының заңнамаларына сәйкес басқа да өкілеттіктерді жүзеге асырады.

 

3-тарау. Орал қаласының ішкі саясат бөлімінің бірінші басшысының мәртебесі, өкілеттіктері

 

  1. «Орал қаласының ішкі саясат бөлімі» мемлекеттік мекемесіне басшылықты, оған жүктелген міндеттердің орындалуына және функцияларын жүзеге асыруға дербес жауапты болатын бірінші басшы жүзеге асырады.
  2. «Орал қаласының ішкі саясат бөлімі» мемлекеттік мекемесінің бірінші басшысын қала әкімі қызметке тағайындайды және қызметтен босатады.
  3. «Орал қаласының ішкі саясат бөлімі» мемлекеттік мекемесі бірінші басшысының өкілеттігі: бөлімге жалпы басшылық жасайды;

«Орал қаласының ішкі саясат бөлімі» мемлекеттік мекемесінің бірінші басшысы болмаған кезеңде оның өкілеттіктерін қолданыстағы заңнамаға сәйкес оны алмастыратын тұлға орындайды.

 

4-тарау. Орал қаласының ішкі саясат бөлімінің мүлкі

 

  1. «Орал қаласының ішкі саясат бөлімі» мемлекеттік мекемесі заңнамада көзделген жағдайларда жедел басқару құқығында оқшауланған мүлкі болуы мүмкін. «Орал қаласының ішкі саясат бөлімі» мемлекеттік мекемесі мүлкі оған меншік иесі берген мүлік, сондай-ақ өз қызметі нәтижесінде сатып алынған мүлік (ақшалай кірістерді қоса алғанда) және Қазақстан Республикасының заңнамасында тыйым салынбаған өзге де көздер есебінен қалыптастырылады.
  2. «Орал қаласының ішкі саясат бөлімі» мемлекеттік мекемесіне бекітілген мүлік коммуналдық меншікке жатады.
  3. Егер заңнамада өзгеше көзделмесе, «Орал қаласының ішкі саясат бөлімі» мемлекеттік мекемесі өзіне бекітілген мүлікті және қаржыландыру жоспары бойынша өзіне бөлінген қаражат есебінен сатып алынған мүлікті өз бетімен иеліктен шығаруға немесе оған өзгедей тәсілмен билік етуге құқығы жоқ.

 

5-тарау. Орал қаласының ішкі саясат бөлімін

қайта ұйымдастыру және тарату

 

  1. «Орал қаласының ішкі саясат бөлімі» мемлекеттік мекемесін қайта ұйымдастыру және тарату Қазақстан Республикасының заңнамасына сәйкес жүзеге асырылады.

 

 

 

 

 

 

 

 

 

 

 

 

 

 

 

 

Дата публикации
19 марта 2026