Президент: мемлекет шығындарды өтеу үшін барлық қажетті шараларды қабылдайды

Мемлекет басшысы БҚО Қаратөбе ауданындағы эвакуациялық пунктке барды,

Қаратөбе аудан орталығындағы Қажым Жұмалиев атындағы мектеп-гимназия базасында орналасқан. Ол гуманитарлық көмек тарату пунктінің жұмысымен танысып, су тасқынынан кейін эвакуацияланған жақын маңдағы ауылдардың тұрғындарымен кездесті.

Қасым-Жомарт Тоқаев азаматтармен әңгіме барысында бұрын мұндай көлемдегі су тасқыны болмағанына назар аударды. Оның айтуынша, ұқсас жағдай 1994 жылы болған, бірақ қазіргі су тасқыны кеңейе түсті. Президент ауыл тұрғындарын мемлекет шығындарды өтеу үшін барлық қажетті шараларды қабылдайтынына сендірді.

Мен жағдаймен танысу үшін арнайы келдім. Бұл бұрын-соңды болмаған табиғи апат, сондықтан біз оған жиналып, ортақ күшпен қарсы тұруымыз керек. Мемлекет, үкімет көмек қолын созады, материалдық және қаржылық көмек көрсетіледі. Бұған  алаңдамаңыздар, бәрі ойдағыдай болады, - деді Мемлекет басшысы.

Кездесу барысында жергілікті тұрғындар Жақсыбай мен Қалдығайты өзендерінде көпірлер салу, сондай-ақ елді мекендерде орналасқан бөгеттерді жөндеу туралы өтініш білдірді.

Мемлекет басшысы Үкіметке тиісті тапсырма берді. Ол сондай-ақ тасқын суды халықтың игілігі үшін пайдалану қажет екенін атап өтті.