Аққулы ауданының әкімдігі

"Аққулы ауданы әкімінің аппараты" мемлекеттік мекемесі (бұдан әрі – Аппарат) мемлекеттік орган және заңды тұлға болып табылады. Мемлекеттік тілде өз атауы бар өз мөрі мен мөртабаны, белгіленген үлгідегі бланкілері, сондай-ақ заңнамаға сәйкес банкте шоты болады.
Аппарат аудан әкімінің қызметін ұйымдастырушылық, құқықтық, ақпараттық-талдамалық, Кадрлық, консультациялық және материалдық-техникалық қамтамасыз етуді жүзеге асырады.
Аппарат қызметінің құқықтық негізін Қазақстан Республикасының Конституциясы, Заңы, әкімдіктердің, облыс және аудан әкімдерінің актілері, өзге де нормативтік құқықтық актілер құрайды.
Аппараттың құрылтайшысы аудан әкімі атынан мемлекет болып табылады. Құрылтай құжаттары аудан әкімінің аппаратты құру туралы шешімі болып табылады.
Аппарат туралы ережені, оның құрылымы мен штат санын Қазақстан Республикасының Үкіметі белгілеген лимиттер шегінде аудан әкімі бекітеді.
Аппарат өз құзыретіне кіретін мәселелер бойынша заңнамада белгіленген тәртіппен бұйрықтар шығарады.