ТРМК ШҚО БОЙЫНША ДЕПАРТАМЕНТІ ӨЛШЕМ БІРЛІГІН ҚАМТАМАСЫЗ ЕТУ САЛАСЫНДАҒЫ ЗАҢНАМА ТАЛАПТАРЫН ТҮСІНДІРДІ
Биыл 1 тамыз күні Техникалық реттеу және метрология комитетінің ШҚО бойынша департаментінің Семей бөлімінің мамандары Семей қаласындағы № 9 отбасылық дәрігерлік амбулаторияның басшылығымен өлшеудің біркелкілігін қамтамасыз ету саласындағы Қазақстан Республикасының заңнамасын түсіндіру мақсатында өзекті мәселелерді талқылап, оларды шешуге көмектесу мақсатында кездесу өткізді.
«№9 Отбасылық дәрігерлік амбулаториясы» «Тегін медициналық көмектің кепілдік берілген көлемі» аясында медициналық қызмет көрсетеді. Ол заманауи медициналық жабдықпен қамтамасыз етілген.
Кездесу барысында Қазақстан Республикасының жаңа медициналық техниканың өлшем бірлігін қамтамасыз ету үшін мемлекеттік жүйе тізіліміне тексеру жиілігі, оларды пайдалану шарттары, сондай-ақ пайдаланылатын сынақ жабдығын сертификаттау туралы сұрақтар қойылды.
Департамент мамандары Қазақстандық метрология институты сайтымен таныстыру мақсатында калибрлеу зертханалары туралы ақпараты бар «ҚР МӨЖ тізілімі» парағын көрсетті.
Өлшем бірлігін қамтамасыз ету мемлекеттік жүйесінің осы тізілімі объектілерді, жұмысқа қатысушыларды және өлшем бірлігін қамтамасыз ету саласындағы құжаттарды тіркеу туралы құжат болып табылады.
Кездесу соңында өлшеу құралдарын уақытында тексеру үшін тексеру кестесін бақылауды күшейту ұсынылды.