Тәжікстан Республикасының Елшісі Исматулло Насредин ҚР Елшілігіне ізет визитімен келді
2025 жылғы 18 желтоқсанда Тәжікстан Республикасының Өзбекстан Республикасындағы жаңадан тағайындалған Елшісі Исматулло Насредин Қазақстан Республикасының Елшілігіне ізет визитімен келді.
Кездесу барысында тараптар Қазақстан мен Тәжікстан арасындағы ынтымақтастықтың өзекті мәселелерін талқылады.
Қазақстан Республикасының Елшісі Бейбіт Атамқұлов Қазақстан мен Тәжікстан арасындағы саяси диалогтың жоғары деңгейін атап өтіп, мемлекет басшылары арасындағы ең жоғары деңгейдегі тұрақты байланыстарды ерекше атап өтті.
Өз кезегінде, Тәжікстан Республикасының Елшісі И. Насредин екіжақты ынтымақтастықтың орнықты серпінін сақтаудың маңыздылығын растап, жоғары деңгейде өткен бірқатар іс-шараларды атап өтті.
Сонымен қатар «Орталық Азия +» форматындағы өңірлік өзара іс-қимыл мәселелері бойынша конструктивті пікір алмасу өтті. Бұл ретте аталған форматтың белсенді дамуы және осы күндері Токиода өтіп жатқан «ОА – Жапония» мемлекет басшылары саммиті ескерілді.
Кездесу соңында Б. Атамқұлов Тәжікстан Республикасының жаңа Елшісіне табысты әрі жемісті қызмет тіледі.