2025 жылғы 16 қазанда Қазақстан Елшілігінде Ресей Федерациясының Өзбекстандағы жаңадан тағайындалған Елшісі Алексей Ершовпен кездесу өтті
2025 жылғы 16 қазанда Қазақстан Елшілігінде Ресей Федерациясының Өзбекстандағы жаңадан тағайындалған Елшісі Алексей Ершовпен кездесу өтті.
Қазақстан Республикасының Елшісі Бейбіт Атамқұлов А. Ершовты дипломатиялық миссияның басталуымен құттықтап, Қазақстан мен Ресей серіктестігінің маңыздылығын, негізгі бағыттар бойынша қатынастарды одан әрі дамыту қажеттігін атап өтті.
Осы тұрғыда Қазақстан мен Ресей көшбасшылары арасында екіжақты өзара іс-қимылға жаңа стратегиялық Өлшем берген шын мәнінде жылы, сенімді және сындарлы қатынастар қалыптасқаны атап өтілді. Ынтымақтастықтың бұл деңгейі мемлекеттеріміздің өзара түсіністігінің жоғары дәрежесін және ұзақ мерзімді мүдделерінің ортақтығын көрсете отырып, одақтастық байланыстарды дамытудағы маңызды кезеңге айналды. Саяси диалогтың осы сапасының арқасында саяси және экономикалық өзара іс - қимылдан бастап гуманитарлық және интеграциялық ынтымақтастыққа дейінгі барлық бағыттар бойынша әріптестікті тереңдету үшін тұрақты алғышарттар жасалады.
Сыртқы саяси ведомстволар желісі бойынша өзара іс-қимылға, өнеркәсіптік кооперацияны, энергетикалық және көліктік-логистикалық әріптестікті, сондай-ақ атом энергетикасын дамытуға ерекше назар аударылады.
Тараптар көпжақты ынтымақтастық және өңірлік қауіпсіздік жөнінде пікір алмасты. Осы орайда елші Б. Атамқұлов Ауғанстанды өңірлік экономикалық жобаларға тартудың маңыздылығын атап өтті.
Кездесу соңында тараптар екіжақты қатынастарды одан әрі нығайту бойынша диалогты жалғастыруға дайын екендіктерін растады.
Анықтама: Қазақстан мен Ресейдің тауар айналымы 2024 жылы 28,1 млрд. АҚШ долл., 2025 жылғы 1-ші жартыжылдықта млрд. АҚШ.