Алғаш 1969 жылы Ақжігіт ауылдық кеңесі болып құрылды. Ол аудан орталығынан оңтүстік-шығыс бағытта 60 км жерде, Бейнеу-Қоңырат теміржолының бойында орналасқан. Жалпы аумағы 38808,7626 га.
1970 жылы бастауыш мектеп ашылып, онда 100-ден аса бала білім алды. 1971 жылы аталған бастауыш мектеп негізінде 397 орындық Ақжігіт орта мектебі ашылды.
1973 жылы Өзбекстан Республикасына қарайтын 3 сыныптық бастауыш темір жол мектебі ашылды.
1995 жылы бұл мектеп орталау мектеп болып қайта құрылып, 1998 жылы аудан меншігіне өтті.
Бүгінгі таңда халық саны 2050 адамды немесе 328 отбасын құрайды. Негізгі күнелтіс көзі ауыл шаруашылығы болып табылады. Ауыл аумағында 34 шаруа қожалығы бар.
Ауыл территориясында Мықтыбай күмбезтамы, Бесшымырау қорымы, Сақау қорымы, Бернияз қорымы, Дарханбай (Сары Шоңай) қорымы, Шалғынбай күмбезтамы тарихи-мәдени ескерткіштері орналасқан.
