"Сарыкеңгір селолық округі Малшыбай селосы әкімінің аппараты" мемлекеттік мекемесі

Елді мекен Жезқазған қаласынан 91 км. қашықтықта орналасқан. Сарыкеңгір селолық округі орталығы Малшыбай селосы. Малшыбай ауылының тұрғындар саны-342 адам, олардың ішінде экономикалық белсенділер саны–286 адам.

Округке қарасты жер – 331128 га. Негізгі мал шаруашылығымен айналысады. 84 – шаруа қожалығы бар. 01.01.2021 жылға ірі қара мал 2384 бас, қой – ешкілердін саны 6382 бас, жылқы – 3204 бас, Түйе 18 бас.

Елді мекенде №15-ші негізгі орта білім беретін мектеп бар. Елді мекенде медициналық көмекті ұйымдастыру Жезқазған қалалық емханасында орналасқан және бір медбике күшімен жүзеге асырылады. Малшыбай ауылында фелдшер – амбулаторлық бөлімше жұмыс істейді. Елді мекеннің қоғамдық қауіпсіздігін сақтау үшін Жезқазған қалалық Ішкі Істер бөлімінің 1 полиция қызметкері жұмыс істейді.

С. Сейфуллина атындағы Жезқазған қалалық кітапхананың кітапхана-филиалы жұмыс істейді. Ауыл ішіндегі мәдени шаралар ауыл клубында өтеді. Қалалық мәдениет бөлімдерімен тығыз жұмыс істейміз. Ауыл электр энергиясымен, ауыз – сумен күнделікті қамтамасыз етілген. Ауылда «OTAU TV» Қазақстан Республикасының ұлттық телехабар таралымы көрсетіледі. 4G ұстайтын ұялы телефон байланысы бар.  Округ көлемінде IX – XIII ғасырда салынған тарихи ескерткіштер бар. Туристік орталық ашуға Алашахан мен Жошыхан ескерткіштері маңында толық мүмкіндік бар.