Жиі қойылатын сұрақтар
ТМККК шеңберінде және МӘМС жүйесінде стационарлық жағдайларда жоспарлы түрде медициналық көмек көрсету тіркелген емхана және денсаулық сақтау ұйымының жолдамасы бойынша жүзеге асырылады. Жоспарлы емдеуге жатқызуға көрсетілімдер болған кезде жіберген медицина ұйымы қажетті зерттеулер жүргізеді. Жолдама емдеуге жатқызу бюросы порталына салынып, емдеуге жатқызу күні автоматты түрде белгіленеді. Жоспарлы емдеуге жатқызудың күні белгіленгеннен кейін пациентке ауызша немесе электрондық хабарлау арқылы хабардар етеді; пациентке жоспарлы емдеуге жатқызу талонын береді; жоспарлы емдеуге жатқызудың белгіленген күнінде міндетті түрде келу қажеттігі туралы ескертеді.
Жедел жәрдем бригадасын шақырту үшін "103" нөміріне қоңырау соғады. Операторға науқастың денсаулық жағдайын симптомдарын, яғни шағымын сонымен қатар, науқас туралы толық мəлімет баяндалады.
Еңбекке уақытша жарамсыздық парағы жіті немесе созылмалы аурулар асқынған, еңбекке жарамдылығын уақытша жоғалтуға байланысты жарақаттанған және уланған, жүктілікті жасанды үзген, науқас балаға күтім жасаған, жүкті болған және босанған, жаңа туған баланы (балаларды) асырап алған, санаторийлік-курорттық ұйымдарда толық емделген, карантин, ортопедиялық протездеу кезінде беріледі.
1)ҚР Заңының 3-бабының 24) тармақшасына сәйкес,өнім беруші – осы Заңда көзделген жағдайларда тапсырыс берушiмен жасасқан шартта оның тарапы ретiнде әрекет ететiн, кәсiпкерлiк қызметтi жүзеге асыратын жеке тұлға, заңды тұлға (егер Қазақстан Республикасының заңдарында өзгеше белгiленбесе, мемлекеттiк мекемелердi қоспағанда), заңды тұлғалардың уақытша бiрлестiгi (консорциум), сондай-ақ кәсiпкерлiк қызмет субъектiсi болып табылмайтын жеке тұлға;
2)Сонымен қатар, Қазақстан Республикасының Кәсіпкерлік кодексінде Қазақстан Республикасында кәсіпкерлікке еркіндік, кәсіпкерлік субъектілері мен мемлекет арасындағы қоғамдық қатынастарды реттеу, соның ішінде мемлекеттік реттеу және кәсіпкерлікті қолдау сияқты құқықтық, экономикалық және әлеуметтік жағдайлар мен кепілдіктер бары анық. Мұнда кәсіпкерлік субъектілері ретінде шетелдік заңды тұлғалар (олардың филиалдары мен өкілдіктері) де қарастырылады.
3)Осылайша, Қазақстан Республикасының резидент еместері Қазақстан Республикасының заңнамасында белгіленген тәртіппен мемлекеттік сатып алуға қатыса алады.
Асфальтбетон жабынының қалыңдығын, тығыздығын және сапасын бақылау Қазақстан Республикасының «Автомобиль жолдары туралы» Заңына сәйкес жүзеге асырылады.
Бақылау аспаптық өлшеулер жүргізу, сынамалар (керндер) алу және зертханалық сынақтар өткізу арқылы Жол активтері сапасының ұлттық орталығы тарапынан қолданыстағы нормативтік-техникалық құжаттардың талаптарына сәйкес қамтамасыз етіледі.
Қазақстан Республикасының «Жол қозғалысы туралы» Заңына сәйкес көлік құралдарының қозғалысын шектеу жол қозғалысына қатысушылардың қауіпсіздігін қамтамасыз ету мақсатында жүзеге асырылады.
Атап айтқанда, қозғалыс төтенше жағдайлар туындаған кезде, ауа райы жағдайларының күрт нашарлауы барысында, сондай-ақ жол-құрылыс, жөндеу, қалпына келтіру және автомобиль жолдарын күтіп-ұстау жұмыстарын жүргізу кезеңінде уақытша шектелуі мүмкін.
Жол-құрылыс материалдарының сапасын бақылау Қазақстан Республикасының қолданыстағы заңнамасына сәйкес авторлық және техникалық қадағалау шеңберінде жүзеге асырылады.
Авторлық қадағалау жобалық ұйым тарапынан жобалық шешімдердің сақталуын қамтамасыз ету мақсатында жүргізіледі, ал техникалық қадағалау тапсырыс беруші немесе уәкілетті ұйым тарапынан материалдардың нормативтік талаптарға сәйкестігін бақылау үшін жүзеге асырылады. Сонымен қатар, Жол активтері сапасының ұлттық орталығы зертханалық сынақтар жүргізу арқылы тәуелсіз бағалауды қамтамасыз етеді.
Қазақстан Республикасының «Автомобиль жолдары туралы» Заңына сәйкес облыстық маңызы бар автомобиль жолдарын күтіп-ұстау облыстық жолаушылар көлігі және автомобиль жолдары басқармасы тұлғасындағы жергілікті атқарушы органның құзыретіне жатады.
Аталған Заңға сәйкес аудандық маңызы бар автомобиль жолдарын күтіп-ұстау, пайдалану және жөндеу жұмыстарын ұйымдастыру және қамтамасыз ету тиісті аудандардың жергілікті атқарушы органдары арқылы жүзеге асырылады.
Қызылорда облысында арнайы діни оқу орны жоқ. Дегенмен Қазақстан мұсылмандары діни басқармасының Қызылорда өкілдігіне қарасты барлық мешіттерде жазғы демалыс кезеңінде діни сауат ашу курстары ұйымдастырылады. Алғашқы діни білімді мешіттердегі ұстаздардан алуға болады.
Сонымен қатар Арал, Қазалы және Жаңақорған аудандарында қарилар дайындау орталықтары жұмыс істейді. Бұдан бөлек, Қазақстан Республикасында діни білім беретін 14 рухани оқу орны бар. Оның ішінде ислам бағыты бойынша 12 оқу орны қызмет атқарады («Нұр-Мүбарак» Египет ислам мәдениеті университеті – 1, медресе-колледждер – 9, Қазақстан мұсылмандары діни басқармасы жанындағы Имамдардың біліктілігін арттыру ислам институты – 1, ҚМДБ қарасты Хусамуддин әс-Сығанақи атындағы ислам институты – 1).
Христиан бағыты бойынша 2 рухани оқу орны бар (Алматы православие рухани семинариясы және Қарағанды қаласындағы Жоғары епархияаралық «Мария – Шіркеудің Анасы» рухани семинариясы). Діни білім мен діни мазмұндағы ақпараттарды интернеттегі кез келген көздерден алуға болмайды.
Мұндай ақпараттар Қазақстан мұсылмандары діни басқармасының ресми сайттарынан, жергілікті мешіттердің ресми сайттары мен әлеуметтік желілердегі парақшаларынан, сондай-ақ ресми түрде ұсынылған көздерден алынуы тиіс.
ҚР «Діни қызмет және діни бірлестіктер туралы» Заңының 9-бабына сәйкес, діни әдебиеттерді және діни мазмұндағы кез келген ақпараттық материалдарды (брошюраларды, парақшаларды, цифрлық тасымалдағыштарды) көшеде, саябақтарда, сауда орталықтарында немесе пәтерлерді аралау арқылы таратуға қатаң тыйым салынады.
Заң мұндай қызметке рұқсат етілген орындардың айрықша тізбесін белгілейді:
- Ғибадат үйлері (ғимараттары): мешіттер, православ шіркеулері, синагогалар және басқа да ресми тіркелген нысандар.
- Діни білім беру ұйымдары: тиісті лицензиясы бар білім беру ұйымдары.
- Жергілікті атқарушы органдар (әкімдіктер) арнайы келісім берген тұрақты үй-жайлар (дүкендер)