Жиі қойылатын сұрақтар

Қабылдау «е-Өтініш» ақпараттық жүйесі арқылы тіркеліп, алдын ала хабарланады. Немесе жергілікті атқарушы органға келіп жазылуға болады. Жеке қабылдаудың уақыты әр аптаның сәрсенбі күні сағ 16:00-18:00 аралығында.

Құжаттар қабылдау қызметті берушінің кеңсесі арқылы немесе электронды үкімет веб порталы арқылы жүзеге асырылады.

Спорт резерві мен жоғары дәрежелі спортшыларды даярлау жөніндегі оқу-жаттығу процесі жүзеге асырылатын дене шынықтыру-спорт ұйымдары түрлерінің тізбесін және олардың қызметі қағидаларын бекіту туралы

Қазақстан Республикасы Мәдениет және спорт министрінің 2014 жылғы 22 қарашадағы № 106 бұйрығына сәйкес құжаттарды электронды үкімет веб порталы арқылы арқылы жүзеге асырылады

Спорттық атақтарды орындау үшін арнайы белгіленген  заң жүзінде www.e-gov.kz порталы арқылы жүгінуге болады. "Спорттық атақтарды, разрядтарды және біліктілік санаттарын беру нормалары мен талаптарын бекіту туралы" Қазақстан Республикасы Мәдениет және спорт министрі міндетін атқарушысының 2014 жылғы 28 қазандағы №  56 бұйрығында көрсетілген құжаттарды электронды үкімет веб порталы арқылы онлайн түрде жеке өтініштерін жолдап, 14 жұмыс күні ішінде ресми түрде жауап жолданады.

Туристік сала субъектілеріне мемлекеттік қолдау шараларын көрсету мақсатында 2021 жылдың 30 сәуірінде «Қазақстан Республикасының кейбір заңнамалық актілеріне туристік қызмет мәселелері бойынша өзгерістер мен толықтырулар енгізу туралы» Заңы қабылданды.

Аталмыш Заңда жергілікті атқарушы органдар арқылы туризм саласындағы кәсіпкерлерге 4 мемлекеттік қолдау шаралары белгіленген.

  Кәсіпкерлік субъектілерінің санитариялық-гигиеналық тораптарды күтіп-ұстауға арналған шығындарының бір бөлігін субсидиялау

    Автокөлік жолдарының бойында орналасқан санитариялық-гигиеналық тораптарды (СГТ) күтіп-ұстауға айына 83 300 теңге көлеміндегі қолдау.

    Кәсіпкерлік субъектілерінің жол бойындағы сервис объектілерін салу бойынша шығындарының бір бөлігін өтеу

    Жаңадан салынған жол бойындағы қызмет көрсету объектілерінің жалпы құнының 10 пайызын өтеу көлеміндегі қолдау.

    Туристік қызметті жүзеге асыратын кәсіпкерлік субъектілеріне сыйымдылығы жүргізушінің орнын қоспағанда, сегізден астам отыратын орны бар автомобиль көлік құралдарын сатып алу бойынша шығындардың бір бөлігін өтеу

    Туристік операторларға, туристік агенттіктерге және гидтерге сыйымдылығы 8 орыннан асатын автомобиль көлік құралдарының жалпы құнының 25 пайызын өтеу көлеміндегі қолдау.

    Туристік қызмет объектілерін салу, реконструкциялау кезінде кәсіпкерлік субъектілері шығындарының бір бөлігін өтеу

    Жаңадан салынған туристік қызмет нысандарының (табиғи-климаттық аймақтар, көрікті жерлер, тарихи және әлеуметтік-мәдени көрсету нысандары және саяхат кезінде туристердің қажеттіліктерін қанағаттандыра алатын өзге де нысандар) жалпы құнының 10 пайызын өтеу көлеміндегі қолдау

Қазақстанда туроператорлық қызметке лицензия алу үшін өтінімді

elicense.kz порталы арқылы беру қажет.

Негізгі талаптар мен кезеңдер:

Өтінім беру: «Электрондық лицензиялау» порталына кіріп, өтінішті толтырыңыз және оған өзіңіздің ЭЦП (ЭЦҚ) кілтіңізбен қол қойыңыз.

    Қажетті құжаттар:

        Біліктілік талаптарына сәйкестігі туралы мәліметтер.

        Туроператордың азаматтық-құқықтық жауапкершілігін сақтандыру шарты.

        Ғимараттың (меншікті немесе жалға алынған) және білікті мамандардың бар екенін растайтын құжаттар.

    Құны: Лицензиялық алым 10 АЕК құрайды (2026 жылы бұл 43 250 теңге).

    Қарау мерзімі: Мемлекеттік қызмет 6 жұмыс күні ішінде көрсетіледі.

Қызылорда облысында 472 тарихи-мәдени мұра объектілері мемлекеттік қорғауға алынып, оның ішінде 31 республикалық және 411 жергілікті маңызы бар объектілер,
273 ескерткіш алдын-ала есепке алынған тарихи-мәдени мұра нысандарының тізіміне алынған.

Сығанақ қалашығы – Қазақстан Республикасының ірі тарихи көрнекті орны болып табылады және ЮНЕСКО-ның Бүкіләлемдік мұраларына енудің тізіміне енгізілген.

Тарихи қаланың «Батыс Еуропа - Батыс Қытай» халықаралық автокөлік жолының бойында орналасуы, оның туристік әлеуетін тиімді пайдалануға мүмкіндік береді.

Жанкент қалашығы Сырдария өзенінің сол жағалауында Қазалы қаласынан оңтүстік-батысқа қарай
23 шақырым жерде орналасқан. Оғыздардың ортағасырлық астанасы болған қаланың қалдықтары қазіргі уақытқа дейін өте жақсы сақталған.

Шірік-Рабат қалашығы ежелгі жазбаларда сақ көсемдерінің резиденциясы ретінде айтылған. Қармақшы ауданының аумағында Қызылорда қаласынан 300 км қашықтықта орналасқан.

Туристердің жайлылығы мен қолайлы жүруін қамтамасыз ету үшін дестинациялардың, оларға барар маршруттардың инфрақұрылымдық желілерімен қамтылуына баса назар аударылуда.

Менің тапсырмаммен, өткен жылы Қорасан ата кесенесінің аумағына демеушілік есебінен абаттандыру, жарықтандыру және қоршау жұмыстары жүргізілді (100 млн.теңгеден астам).

Үстіміздегі жылы бюджет есебінен Жосалы кентіндегі Марал баба кесенесіне дейінгі аралықтағы 6,5 шақырым жолға қиыршық тас төсеу жұмыстары (жоба құны - 257,0 млн. теңге) менАрал ауданы әкімдігі тарапынан Арыстан баб кесенесіне абаттандыру жұмыстарын жүргізу жоспарлануда.

Қызылорда облысы тарихи, мәдени және табиғи байлыққа ие. Облыс аумағында экотуризм, этнотуризм, тарихи-мәдени маршруттар кеңейтілуде. Қызылорда мен Жалағаш, Қармақшы, Жаңақорған, Арал аудандары туристерге қолжетімді, жан-жақты маршруттармен қамтамасыз етілген. Байқоңыр — Қызылорда облысының ерекше туристік активі, ол ғарыштық және білім-танымдық туризмге үлкен мүмкіндік береді

Үстіміздегі жылғы 2 тоқсанның қорытындысымен облыста 5 075 төсек-орны бар 171 орналастыру орындары жұмыс жасауда. Орналастыру орындарымен
97 мыңнан аса келушілер қабылданды, оның
6 мыңнан астамы шетелдік туристер. Жазғы демалыс маусымында облыста 13 шағын және 2 ірі демалыс орындары жұмыс істейді.
2025 жылдың маусымдық кезеңінде демалушылар саны 130 000-ға жуық адамды құрады.

Оның ішінде 90 мыңға жуық демалушыны 2 ірі «Қамыстыбас» (Қамбаш 55 000 адам) және «Ханқожа көлі» (Бәйгеқұм 35 000 адам) демалыс аймақтары қабылдаған.

Одан бөлек, туризм саласына тартылған инвестиция көлемі артып отыр.

«e-Qonaq»,  «Booking»  платформасы арқылы туристік объектілер, маршруттар және қызметтер туралы ақпарат бірыңғай базаға енгізіледі. Онлайн брондау жүйесі іске қосылады. Сонымен қатар, Қызылорда облысы бойынша «Смарт Қызылорда» мобильдік қосымшасы және «Визит Қызылорда» сайты интеграциялық ақпараттық жүйе жасалған. Бұл жүйе қала тұрғындары мен қонақтарына білім, денсаулық сақтау, көліктік, тұрғын‑коммуналдық шаруашылық, туризм және басқа да салаларда интерактивті және транзакциялық қызметтерді ұсынады.